Samfélagsmiðlar

Lítið eftir af innanlandsfluginu

Eftirspurn eftir ferðum milli íslenskra flugvalla hefur dregist saman og hjá Air Iceland Connect eru ferðirnar nú færri og stærri flugvélum verið lagt.

„Áætlun okkar hefur minnkað verulega frá því sem ætti að vera vegna krísunnar. Við erum núna eingöngu að fljúga með um 10 til 15 prósent af þeim farþegafjölda sem við ættum að vera að fljúga með á þessum árstíma,“ segir Árni Gunnarsson, framkvæmdastjóri Air Iceland Connect.

Að sögn Árna þá hefur flugfélagið aðlagað áætlunina að þessum aðstæðum. Núna er því aðeins boðið upp á tvær daglegar brottfarir til Akureyrar þrisvar til fjórum sinnum í viku. Hina daga er bara ein ferð.

„Til Egilsstaða erum við að fljúga einu sinni á dag og til Ísafjarðar þrisvar í viku. Þetta fljúgum við allt á Q200 vél sem er eingöngu með 37 sæti en samt hefur sætanýtingin ekki verið nema að hámarki 50 prósent í flestum ferðum vegna lítillar eftirspurnar,“ bætir Árni við.

Auk þess að vera umsvifamesta flugfélagið í innanlandsfluginu þá stendur Air Iceland Connect einnig fyrir tíðum ferðum til Grænlands. Þarlend yfirvöld hafa aftur á móti sett tímabundið bann við þeim samgöngum en flugfélagið hefur þó farið fraktflug til Grænlands.

„Við erum stöðugt að fylgjast með þróuninni og breyta áætlun eftir því sem eftirspurnin breytist en það er óhætt að segja að þetta er mikið eftirspurnarfall hjá okkur,“ segir Árni.

Fyrr í vikunni var tilkynnt að stór hluti starfsemi systurfélaganna Icelandair og Air Iceland Connect yrði samþættur en flugreksturinn þó áfram aðskilinn. Samhliða þessu verður staða framkvæmdastjóra Air Iceland Connect lögð niður og mun Árni taka við starfi sem framkvæmdastjóri Iceland Travel á næstu vikum en sú ferðaskrifstofa tilheyrir líka Icelandair samsteypunni.

Á sama tíma lætur Björn Víglundsson af störfum hjá Iceland Travel en hann tók þar við stjórnartaumum eftir að Hörður Gunnarsson hætti í fyrra.


Viltu styðja Túrista?

Nú þegar virkilega á reynir þá stendur Túristi vaktina frá morgni til kvölds. Ef þú ert einn þeirra lesenda sem finnst gagn í skrifum Túrista þá væri ómetanlegt ef þú myndir leggja útgáfunni lið. Smelltu hér fyrir nánari upplýsingar.

Nýtt efni

Það voru þrjú norræn alþjóðaflugfélög sem hófu flugrekstur í Covid-faraldrinum. Hér á landi var það Play en Flyr og Norse í Noregi. Öll þrjú leigðu árið 2021 þotur á lægra verði en áður hafði þekkst og efndu til hlutafjárútboða meðal fagfjárfesta og almennings. Í byrjun síðasta árs varð Flyr gjaldþrota en rekstur þess byggði á …

Ein árangursríkasta loftslagsaðgerð síðari ára á Íslandi er líklega sú að banna urðun lífræns úrgangs. Þetta bann tók gildi í upphafi árs 2023 og árangurinn hefur ekki látið á sér standa. Smám saman hafa jákvæðar tölur verið að berast, sem gefa tilefni til bjartsýni. Það er semsagt hægt að ná árangri í loftslagsmálum, þótt margir …

Barselóna er ein vinsælasta ferðamannaborg Evrópu en óþol íbúa vegna ágangsins hefur farið vaxandi á síðustu árum - ekki síst vegna húsnæðisvanda ungs fólks sem ekki getur keppt við ferðaþjónustuna í leiguverði. Fyrri borgaryfirvöld hættu útgáfu nýrra leyfa til útleigu og lokað mörgum ferðamannaíbúðum en nú eru í farvatninu enn meiri breytingar. Airbnb og öðrum …

Í Svíþjóð kalla sumarsólstöður, eða Midsommar, á mikil hátíðarhöld þar sem síld og snaps hafa lengstum verið í aðalhlutverki. Sölutölur sænskra kaupmanna sýna þó að vinsældir síldarinnar dala ár frá ári og nú er svo komið að salan hefur helmingast frá árinu 2008. Frá þessu greinir Sænska ríkisútvarpið. Skýringin á þessari þróun liggur í bragðlaukum …

Ferðahópur á Þingvöllum

Alþingi hefur samþykkt tillögu til þingsályktunar, sem ferðamálaráðherra lagði fram í apríl, um ferðamálastefnu og aðgerðaáætlun til 2030. Öðlast þingsályktunin þegar gildi en mótun stefnunar var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira …

Ásgeir Baldurs, framkvæmdastjóri Arctic Adventures

Arctic Adventures er eitt stærsta fyrirtæki landsins í ferðaþjónustu og hefur verið að stækka starfssvið sitt, síðast með kaupum á Special Tours, sem sinnir skoðunarferðum á slóðum hvala og lunda, auk þess að reka Hvalasafnið (Whales of Iceland) í Reykjavík.  Ásgeir Baldurs tók við starfi forstjóra Arctic Adventures fyrir rúmu ári, þegar margir bundu vonir við …

Kínversku bílaframleiðendurnir BYD og SAIC, sem er eigandi framleiðslufyrirtækis MG-rafbílana vinsælu, hafa ekki ákveðið enn hvort verð á rafbílum sem seldir verða í Evrópu eftir 4. júlí hækka í verði. Þá tekur gildi umtalsverð hækkun tolla á kínversku rafbílana. Samkvæmt heimildum Reuters verður engin verðbreyting ákveðin fyrir þann tíma. Evrópusambandið ákvað að tollur á MG-bílum …

Gengi hlutabréfa í Norwegian féll í gærdag eftir að greinendur norska bankans DNB færðu niður verðmat sitt á félaginu úr 19 norskum krónum á hlut niður í 17 kr. Hið nýja verðmat var engu að síður 30 prósent yfir markaðsgenginu, 14 norskar kr., en engu að síður féll gengið um tíu prósent í gær og …