Samfélagsmiðlar

Mismunandi sveigjanleg flugfélög

Þeir sem panta sér farmiða út í heim næstu daga eiga meiri möguleika á gera breytingar á ferðaáætlun en almennt leyfist. Reglurnar eru þó ólíkar milli flugfélaga.

Það eru skiljanlega fáir ef engir í ferðahug þessa dagana vegna óvissunnar sem nú ríkir. Flugfélögin reyna þó með ólíkum hætti að fá fólk til að bóka nýjar ferðir fram í tímann með því að heimila breytingar, líka á ódýrustu miðunum. Farþegarnir þurfa þó að borga mismuninn á nýja og gamla flugfargjaldinu þegar að því kemur.

Skilyrði flugfélaganna hvað þennan nýja sveigjanleika varðar eru mjög mismunandi. Hjá Icelandair fá þeir sem ganga frá pöntun fyrir lok apríl að breyta dagsetningum en þó aðeins ef ferðalaginu lýkur í ár. Aftur á móti er ekki hægt að breyta um áfangastað hjá Icelandair en það má aftur á móti hjá British Airways.

Hjá því félagi nær sveigjanleikinn til nýrra bókanna sem gengið er frá fyrir 31. maí. Hjá Norwegian er einnig miðað við lok maí en þar verður ferðalaginu að ljúka fyrir lok nóvember í ár.

Lufthansa býður aðeins upp á niðurfellingu á breytingagjöldum á nýjum bókunum sem gengið er frá fram í lok næstu viku. Hjá þýska flugfélaginu eru þó boðaðir nýir skilmálar fljótlega. Hjá SAS fá þeir sem bóka farmiða í dag möguleika á að breyta honum fram í enda mars á næsta ári en þá þarf líka að ganga frá pöntunum fyrir mánaðamótin.

Hjá Wizz Air og easyJet, umsvifamestu erlendu flugfélögum á Keflavíkurflugvelli, verður að bóka svokölluð flex fargjöld til að mega breyta. Þessi flugmiðar geta verið margfalt dýrari en þessi ódýrustu. Ennþá hafa þessi tvö lággjaldaflugfélög því ekki gengið eins langt og keppinautarnir hvað breytingar varðar.

Hvatinn við að bjóða þennan aukna sveigjanleika hefur kannski dvínað hjá flugfélögunum því nú munu kreditkortafyrirtæki mörg hver vera farin að halda eftir stórum hluta sölunnar í stað þess að láta peningana renna beint til flugfélaganna. Þetta er liður í því að tryggja kreditkortafyrirtækin fyrir tapi ef flugfélögin fara í þrot. Því ef það gerist þá á kúnninn kröfu á að kortafyrirtækið endurgreiði.


Viltu styðja Túrista?

Nú þegar virkilega á reynir þá stendur Túristi vaktina frá morgni til kvölds. Ef þú ert einn þeirra lesenda sem finnst gagn í skrifum Túrista þá væri ómetanlegt ef þú myndir leggja útgáfunni lið. Smelltu hér fyrir nánari upplýsingar.

Nýtt efni

Um síðustu mánaðamót var greint frá því á borgarvef Amsterdam að innan marka hennar væri að finna 10 snjalldælur sem ökumenn gætu nýtt sér án endurgjalds. Það sem greinir snjalldælu frá þessum hefðbundnu, sem ökumenn geta nálgast víða til að dæla lofti í bíldekkin, er að þær tryggja að þrýstingur sé réttur. Margir ökumenn hafa …

Eins og raunin var í gær, þá fá ferðamenn ekki að fara upp á Akrópólishæðina í Aþenu um miðjan daginn vegna óvenjulega mikils hita miðað við árstíma. Engum verður hleypt upp á hæðina frá hádegi til klukkan fimm síðdegis. Sama gildir um aðra fornleifastaði í landinu, sem ferðamenn sækjast eftir að skoða. Allir sem hafa …

Í byrjun síðasta vetrar hóf Easyjet að fljúga tvisvar í viku milli London og Akureyrar. Aldrei áður höfðu áætlunarferðir verið í boði á þessari flugleið og íbúar á Norðurlandi tóku þessari nýjung fagnandi og voru í meirhluta sætanna í þotum breska flugfélagsins. Þetta mátti sjá á tölum norðlenska gististaða því breskum gestum fjölgaði ekki ýkja …

Ákvörðun Evrópusambandsins um að leggja allt að 38,1 prósents viðbótartoll á kínverska rafbíla vekur áhyggjur margra í alþjóðlega viðskiptaheiminum. Verndartollum er ætlað að hemja samkeppni að utan, reisa varnir á heimavelli, en leiða auðvitað gjarnan til þess að mótaðilinn svarar fyrir sig. Það óttast einmitt evrópskir framleiðendur, sem háðir eru viðskiptum við Kína, að gerist …

Vorið 2021, stuttu áður en Play fór í loftið í fyrsta sinn, efndi félagið til hlutafjárútboðs þar sem söfnuðust 10 milljarðar króna. Í kjölfarið voru bréfin skráð á First North Growth í Kauphöllinni en um þann markað gilda ekki eins strangar reglur og Aðalmarkað Nasdaq. Í tengslum síðustu hlutafjáraukningu, sem lauk í apríl síðastliðnum, var …

Viðskiptastríð vesturveldanna og Kína heldur áfram að þyngjast því fyrr í dag gaf Evrópusambandið út að 38,1 prósent innflutningstollar yrðu lagðir á kínverska rafbíla frá og með næsta mánuði. Sú hækkun bætist við þann 10 prósent toll sem í dag ríkir á innflutning rafbíla frá Kína til aðildarríkja ESB. Þessi viðbótartollur hefur verið yfirvofandi síðustu …

Það var í júní 2014 sem breska lággjaldaflugfélagið Flybe, sem nú er gjaldþrota, hóf áætlunarflug til Íslands frá Birmingham. Flugleiðin stóð ekki undir væntingum stjórnenda Flyby og var lögð niður eftir níu mánuði. Þá tók Icelandair við keflinu og hélt úti tíðum ferðum milli Íslands og þessarar næstfjölmennustu borgar Bretlands fram í ársbyrjun 2018. Síðan …

Í Bandaríkjunum eru lestarsamgöngur ekki eins góðar og í Evrópu og þurfa þeir sem ætla að sækja komandi landsfundi Demókrata og Repúblikana annað hvort að keyra eða fljúga á fundarstað. Af þeim sökum hefur bandaríska flugfélagið United Airlines bætt við 118 flugferðum til og frá Chicago í ágúst í tilefni af landsfundi Demókrata. Repúblikanar hittast …