Samfélagsmiðlar

Buffet neikvæður á horfur flugfélaga

Fjárfestingafyrirtæki Warren Buffett átti stóran hlut í fjórum stærstu flugfélögum Bandaríkjanna. Bróðurpartur hlutabréfanna hefur nú verið seldur því hinn heimsþekkti fjárfestir telur flugrekstur hafa breyst til lengri tíma. Hann vonast þó til að hafa rangt fyrir sér hvað það varðar.

Þota United flugfélagsins við Leifsstöð.

Í nýliðnum mánuði seldi fjárfestingafélagið Berkshire Hathaway, sem auðkýfingurinn Warren Buffet fer fyrir, hlutabréf fyrir um sex og hálfan milljarð dollara. Stærsti hluti þessara viðskipta tengdist flugfélögunum American Airlines, United, Delta og Southwest samkvæmt frétt Bloomberg.

Gengi hlutabréfa í flugfélögum hefur hrunið allt frá því að ráðamenn gripu til þess að takmarka ferðalög fólks til að hefta útbreiðslu Covid-19 kórónaveirunnar. Á opnum netfundi með fjárfestum í gær fullyrti Buffet að heimurinn hefði tekið stakkaskiptum þegar kæmi að flugfélögum og hann óskaði þeim velfarnaðar.

Hann bætti við að vonandi hefði hann rangt fyrir sér en eins og hann læsi í stöðuna þá væri hún gjörbreytt. Hættan væri sú að flugfélög stæðu uppi með of háan fastan kostnað ef eftirspurn eftir ferðalögum myndi dragast saman í kjölfar þess að ferðabönnum verði aflétt.

Buffet var þekktur fyrir andstöðu sína við að fjárfesta í flugrekstri en árið 2016 breytti hann um kúrs og hóf að kaupa hlutabréf í flugfélögum og nam virði þeirra um 10 milljörðum dollara í lok síðasta árs. Verðmæti þessara bréfa hefur rýrnað gríðarlega það sem af er ári.

Nýtt efni

Sauðfjársetrið var stofnað árið 2002 af heimamönnum og hefur vaxið og dafnað í þeirra umsjá allar götur síðan. Nýverið hlaut það tilnefningu til Íslensku safnaverðlaunanna fyrir samfélagslegra nálgun í safnastarfi. Í umsögn með tilnefningunni segir meðal annars að hér sé um að ræða mikilvæga og öfluga menningarstofnun sem hafi gríðarmikið gildi fyrir samfélagið á Ströndum. …

Unnið er að því á flugvellinum í Nice á Côte d´Azur að rafvæða alla starfsemi hans með 4 milljóna evra fjárstuðningi frá Evrópusambandinu. Er verkefnið liður í loftslagsstefnu sambandsins. Allar flugvélar í stæði eiga að fá aðgang að raforku sem unnin er með endurnýjanlegum hætti. Settar verða upp um 70 tengistöðvar í þessu skyni. Á …

Nýja-Sjáland var á meðal þeirra ríkja sem fylgdu hörðustu lokunarstefnunni á meðan Covid-19 geisaði. Nú vilja stjórnvöld þar blása meira lífi í ferðaþjónustu á landinu og helst utan vinsælasta tímans sem er nýsjálenska sumarið - frá desemberbyrjun til febrúarloka, þegar dagarnir eru langir og sólríkir og nætur mildar.  Ferðaþjónusta er einn helsti atvinnuvegur Nýja Sjálands …

Talsmenn þýsku sambandsstjórnarinnar staðfestu í dag að hún væri að leita lausnar á viðskiptadeilu Evrópusambandsins og Kína. Það fæli væntanlega í sér að boðuð hækkun verndartolla um allt að 38,1 prósent nái fram að ganga. Það er ekki umhyggja fyrir kínverskum hagsmunum sem ræður afstöðu þýskra stjórnvalda heldur vilja þau vernda hagsmuni stórfyrirtækja í eigin …

Schiphol-flugvöllur við Amsterdam er meðal fjölförnustu flugvalla Evrópu og hefur umferðin um hann lengi verið umdeild meðal íbúa. Umfangi flugvallarins, hávaða frá honum og mengun, hefur ítrekað verið mótmælt og brugðist hefur verið við með því að setja takmarkanir á þjónustutíma og fjölda véla sem um hann fara. Schiphol er þó og verður áfram ein …

Verulega hefur dregið úr magni ósoneyðandi gastegunda í andrúmsloftinu og þykir núna nokkuð ljóst, samkvæmt nýrri rannsókn, að hið alþjóðlega átak um að bjarga ósonlaginu hafi tekist framar vonum.  Margir sem komnir eru á miðjan aldur muna eftir brúnaþungum sjónvarpsfréttamönnum segja frá válegum tíðindum af ósonlaginu á níunda og tíunda áratugnum, inni á milli lagstúfa …

Á meðan franskir og spænskir bílaframleiðendur þrýstu á um að Evrópusambandið brygðist hart við meintum óðeðlilega miklum ríkisstuðningi Kínverja við rafbílaframleiðslu sína og hækkuðu verndartolla vöruðu þýskir keppinautar þeirra við því að slegið gæti í bakseglin: Gríðarlega mikilvægur markaður í Kína gæti lokast að verulegu leyti. Um þriðjungur af sölutekjum Mercedes Benz, BMW og Volkswagen …

Óhætt er að segja að það kosti Hlyn Guðjónsson, sendiherra Íslands í Ottawa, mikil ferðalög að sinna íslenskum hagsmunum í Kanada, sem er næst víðfeðmasta land heimsins. Sendiráð Íslands er hinsvegar lítið, starfsmenn aðeins þrír - Hlynur og tveir staðarráðnir. Nýlega var Hlynur staddur í Halifax, höfuðborg Nova Scotia. Það tekur um tvo tíma að …