Samfélagsmiðlar

Ferðafólki gæti fækkað um 60 til 80 prósent í ár

Á fyrsta fjórðungi ársins var fjórðungs samdráttur í ferðum fólks milli landa. Niðursveiflan það sem eftir lifir 2020 gæti orðið ennþá meiri að mati sérfræðinga ferðamálanefndar Sameinuðu þjóðanna.

ferdamenn cataratas do iguacu brazil henrique felix

Ferðafólk í Brasilíu.

Utanlandsreisur hafa aukist jafnt og þétt síðustu ár en til að hefta útbreiðslu kórónaveirunnar hafa landamæri lokast og fólki skipað að halda sig heima. Fyrstu vikur ársins voru þó með hefðbundnum hætti en í lok janúar var kínversku borginni Wuhan lokað og í byrjun febrúar stöðvaðist stór hluti af alþjóðaflugi til og frá Kína. Í mars var ástandið orðið þannig út um allan heim og nú sýna nýjar tölur frá ferðamálaráði Sameinuðu þjóðanna (UNWTO) að þessa þrjá fyrstu mánuði ársins fækkaði ferðafólki á heimsvísu um 22 prósent. Mest í mars eða um 57 prósent.

Heimsfaraldurinn og þær ferðatakmarkanir sem ennþá gilda gætu aftur á móti orðið til þess að erlendum ferðamönnum fækki um 60 til 80 prósent í ár í samanburði við 2019 að mati sérfræðinga UNWTO. Þessi mikla niðursveifla teflir í tvísýnu lífsviðurværi milljónum manna og vísar aðalritari ferðamálaráðsins til þess að ferðaþjónusta er mannaflsfrek atvinnugrein.

UNWTO hefur stillt upp þremur ólíkum sviðsmyndum um hvernig árið gæti þróast. Sú fyrsta gerir ráð fyrir að landamæri opnist að mestu í byrjun júlí og þá nemur samdrátturinn í ár 58 prósentum. Ef við þurfum aftur á  móti að bíða fram í september eftir því að ferðatakmörkunum verði aflétt þá gæti orðið 70 prósent fækkun í utanlandsferðum í ár. Niðursveiflan mun aftur á móti nema 78 prósentum ef það verður fyrst í kringum aðventu sem fólk getur á ný ferðast yfir landamæri með góðu móti.

Ef þessar spár ganga eftir þá þýðir það að erlendum ferðamönnum fækki um allt að 1,1 milljarð í ár og 100 til 120 milljónir starfa í ferðaþjónustu verði í hættu. Heimurinn fer svo á mis við útflutningsverðmæti upp á allt að 1,2 trilljónir bandaríkjadollara.

Þess er getið í samantekt ferðamálaráðs SÞ að meirihluti sérfræðinga sé sammála um að það verði fyrst í lok þessa árs eða 2021 sem einhver batamerki sjáist. Og til að byrja með verði það ferðalög almennings sem taki við sér og í því samhengi má benda á að hlutfall viðskiptaferðalanga á Íslandi hefur verið mjög lágt. Íslenski markaðurinn byggir því fyrst og fremst á fólki á leið í frí eins og Túrist hefur áður fjallað um. Það gæti flýtt fyrir viðspyrnunni fyrir íslenska ferðaþjónustu þegar þar að kemur.

Nýtt efni

Sauðfjársetrið var stofnað árið 2002 af heimamönnum og hefur vaxið og dafnað í þeirra umsjá allar götur síðan. Nýverið hlaut það tilnefningu til Íslensku safnaverðlaunanna fyrir samfélagslegra nálgun í safnastarfi. Í umsögn með tilnefningunni segir meðal annars að hér sé um að ræða mikilvæga og öfluga menningarstofnun sem hafi gríðarmikið gildi fyrir samfélagið á Ströndum. …

Unnið er að því á flugvellinum í Nice á Côte d´Azur að rafvæða alla starfsemi hans með 4 milljóna evra fjárstuðningi frá Evrópusambandinu. Er verkefnið liður í loftslagsstefnu sambandsins. Allar flugvélar í stæði eiga að fá aðgang að raforku sem unnin er með endurnýjanlegum hætti. Settar verða upp um 70 tengistöðvar í þessu skyni. Á …

Nýja-Sjáland var á meðal þeirra ríkja sem fylgdu hörðustu lokunarstefnunni á meðan Covid-19 geisaði. Nú vilja stjórnvöld þar blása meira lífi í ferðaþjónustu á landinu og helst utan vinsælasta tímans sem er nýsjálenska sumarið - frá desemberbyrjun til febrúarloka, þegar dagarnir eru langir og sólríkir og nætur mildar.  Ferðaþjónusta er einn helsti atvinnuvegur Nýja Sjálands …

Talsmenn þýsku sambandsstjórnarinnar staðfestu í dag að hún væri að leita lausnar á viðskiptadeilu Evrópusambandsins og Kína. Það fæli væntanlega í sér að boðuð hækkun verndartolla um allt að 38,1 prósent nái fram að ganga. Það er ekki umhyggja fyrir kínverskum hagsmunum sem ræður afstöðu þýskra stjórnvalda heldur vilja þau vernda hagsmuni stórfyrirtækja í eigin …

Schiphol-flugvöllur við Amsterdam er meðal fjölförnustu flugvalla Evrópu og hefur umferðin um hann lengi verið umdeild meðal íbúa. Umfangi flugvallarins, hávaða frá honum og mengun, hefur ítrekað verið mótmælt og brugðist hefur verið við með því að setja takmarkanir á þjónustutíma og fjölda véla sem um hann fara. Schiphol er þó og verður áfram ein …

Verulega hefur dregið úr magni ósoneyðandi gastegunda í andrúmsloftinu og þykir núna nokkuð ljóst, samkvæmt nýrri rannsókn, að hið alþjóðlega átak um að bjarga ósonlaginu hafi tekist framar vonum.  Margir sem komnir eru á miðjan aldur muna eftir brúnaþungum sjónvarpsfréttamönnum segja frá válegum tíðindum af ósonlaginu á níunda og tíunda áratugnum, inni á milli lagstúfa …

Á meðan franskir og spænskir bílaframleiðendur þrýstu á um að Evrópusambandið brygðist hart við meintum óðeðlilega miklum ríkisstuðningi Kínverja við rafbílaframleiðslu sína og hækkuðu verndartolla vöruðu þýskir keppinautar þeirra við því að slegið gæti í bakseglin: Gríðarlega mikilvægur markaður í Kína gæti lokast að verulegu leyti. Um þriðjungur af sölutekjum Mercedes Benz, BMW og Volkswagen …

Óhætt er að segja að það kosti Hlyn Guðjónsson, sendiherra Íslands í Ottawa, mikil ferðalög að sinna íslenskum hagsmunum í Kanada, sem er næst víðfeðmasta land heimsins. Sendiráð Íslands er hinsvegar lítið, starfsmenn aðeins þrír - Hlynur og tveir staðarráðnir. Nýlega var Hlynur staddur í Halifax, höfuðborg Nova Scotia. Það tekur um tvo tíma að …