Samfélagsmiðlar

Hefja Íslandsflug á ný eftir sjö vikur

Það er útlit fyrir að flugsamgögnur milli Íslands og Riga í Lettlandi verði komnar af stað um mitt sumar.

Frá Riga í Lettlandi.

Flugfélagið Airbaltic hefur síðustu ár haldið úti ferðum hingað frá Riga í Lettlandi. Núverandi áform félagsins gera ráð fyrir að fyrsta ferð sumarsins verði mánudaginn 13. júlí samkvæmt svari við fyrirspurn Túrista.

Þar segir jafnframt að Airbaltic sé í nánu samstarfi við stjórnvöld heima fyrir og geti breytt áætlun sinni með stuttum fyrirvara ef þess er þörf.

Lengi vel gátu farþegar á Keflavíkurflugvelli valið á milli áætlunarferða tveggja flugfélaga til Riga. Nú hefur Wizz Air aftur á móti lagt niður flug sitt hingað frá borginni. Airbaltic er því eitt eftir.

Í farþegum talið er þetta lettneska flugfélag aðeins stærra en Icelandair. Og heimsfaraldurinn sem nú geysar hefur haft sín áhrif á rekstur þess. Af þeim sökum jók lettneska ríkið hlut sinn í félaginu úr áttatíu prósentum í níutíu. Danskur fjárfestir heldur á hinum tíu prósentunum.

Airbaltic hefur líka nýtt krísuna til að endurskipuleggja flugflota sinn. Munar þar mestu um að félagið ætlar að hætta fyrr en áætlað var notkun eldri Boeing og Bombardier þota og í staðinn fljúga eingöngu nýjum Airbus A220 þotum.

Nýtt efni

Kynnisferðir hf. hagnaðist um rúmlega 1,3 milljarða króna á síðasta ári og tvöfaldaðist hann á milli ára. Tekjur félagsins námu 14,5 milljörðum króna og jukust um 30 prósent frá í fyrra. „Við erum afar stolt af þeim árangri sem náðist í rekstri félagsins á síðasta ári þrátt fyrir hátt vaxtastig og aðrar krefjandi ytri aðstæður. …

Joe Biden, Bandaríkjaforseti, og ríkisstjórn hans með Janet Yellen, fjármálaráðherra, fremsta í flokki, hafa nú kynnt fyrstu opinberu leiðbeiningarnar fyrir markað með kolefniseiningar þar í landi. Leiðbeininginum er ætlað auka líkurnar á því að kolefniseiningar sem ganga kaupum og sölum séu af nægilegum gæðum og að verkefnin sem liggi þeim til grundvallar skili raunverulegum árangri, …

„Fyrir þessa aðgerð voru rúmlega 800 manns í störfum sem ekki eru flugtengd og uppsagnirnar náðu eingöngu til þeirra," segir Bogi Nils Bogason, forstjóri Icelandair Group, en fyrirtækið samdi í dag um starfslok 82 starfsmanna. Uppsagnirnar náðu ekki til áhafna líkt og FF7 hafði áður greint frá. „Eins og við höfum sagt þá var árið …

Ráðuneyti viðskipta og sjávarútvegsmála í Noregi kynnti fyrir tveimur árum drög að frumvarpi um að þarlendir kjarasamningar og reglur um aðbúnað næðu líka til áhafna erlendra skipa sem færu um norska lögsögu. Litið yrði svo á að um leið og erlent skip færi inn fyrir norska lögsögu giltu um það sömu reglur og alla innlenda …

Fjárfestar lögðu Play til 4,6 milljarða króna í hlutafjárútboði félagsins sem lauk þann 11. apríl síðastliðinn. Í kjölfarið urðu töluverðar breytingar á hópi stærstu hluthafa félagsins. Nú er lífeyrissjóðurinn Birta stærsti einstaki hluthafinn en samanlagt fara sjóðir á vegum Íslandssjóða fyrir enn stærri hlut. Meðal nýrra stórra hluthafa er félag í eigu Einars Sveinssonar og …

Icelandair sagði í dag upp 82 starfsmönnum en um er að ræða starfsfólk úr ýmsum deildum á skrifstofum og starfsstöðvum félagsins. Í tilkynningu er bent á að Icelandair hafi á árunum 2021 til 2023 ráðið og þjálfað um 2.500 starfsmenn og góður árangur hafi náðst við að byggja félagið hratt upp eftir heimsfaraldurinn. Nú er …

Miklar breytingar eru við sjóndeildarhringinn í grænlenskri ferðaþjónustu. Ný flugstöð verður tekin í notkun í Nuuk 28. nóvember. Síðan er ráðgert að ljúka framkvæmdum við nýjar flugstöðvar í Ilulissat og Qaqortoq á Suður-Grænlandi fyrir lok ársins 2026. Nú sinna Air Greenland og Icelandair Grænlandsflugi en færi ættu að skapast til að laða að fleiri flugfélög. …

Þýski Volkswagen ætlar ekki að játa sig sigraðan í baráttunni um markaðinn fyrir ódýrar gerðir rafbíla, þar sem kínverskir framleiðendur hafa náð góðri fótfestu og boða enn frekari landvinninga. Fyrr í mánuðinum runnu út í sandinn viðræður fornu fjendanna Volkswagen og franska Renault um að standa sameiginlega að þróun og smíði nýs rafknúins alþýðubíls til …