Samfélagsmiðlar

Helmingur Íslendinga gistir í Kaupmannahöfn

Það verður í góði lagi fyrir íslenska ferðamenn í Kaupmannahöfn að kæla sig niður í Havnebadet við Íslandsbryggju. En svo þarf að koma sér út úr borginni fyrir háttatíma.

Um miðjan júní geta Íslendingar og Danir ferðast óhindrað milli landanna tveggja á ný. Dönsk stjórnvöld ætla þó ekki að heimila útlendingum að gista í Kaupmannahöfn fyrst um sinn. Borgin verður þeim þó opin yfir daginn og þeir geta því fengið sér að drekka og borða.

Takmarkanirnar eru engu að síður verulegar og til marks um það þá hefur um annar hver íslenskur túristi í Danmörku á sumrin gist í Kaupmannahöfn. Þannig keyptu Íslendingar um 19 þúsund gistinætur í Danmörku í júní og júlí í fyrra og þar af voru um 10 þúsund gistingar í höfuðborginni. Þetta má lesa út úr tölum dönsku hagstofunnar.

Þetta er engu að síður aukið ferðafrelsi og því ætlar Icelandair að hefja daglegt flug milli Íslands og Kaupmannahafnar þann 15. júní. Þangað hafa þotur Icelandair flogið allt að fimm sinnum á dag yfir sumarmánuðina.

Auk þess flýgur Icelandair jafnan til Billund á Jótlandi en þær ferðir hafa ekki verið settar á dagskrá á ný.

Ennþá liggur ekki fyrir hvenær SAS flugfélagið tekur upp þráðinn í flugi sínum milli Íslands og Danmerkur samkvæmt svari frá félaginu við fyrirspurn Túrista.

Nýtt efni

„Fyrir þessa aðgerð voru rúmlega 800 manns í störfum sem ekki eru flugtengd og uppsagnirnar náðu eingöngu til þeirra," segir Bogi Nils Bogason, forstjóri Icelandair Group, en fyrirtækið samdi í dag um starfslok 82 starfsmanna. Uppsagnirnar náðu ekki til áhafna líkt og FF7 hafði áður greint frá. „Eins og við höfum sagt þá var árið …

Fjárfestar lögðu Play til 4,6 milljarða króna í hlutafjárútboði félagsins sem lauk þann 11. apríl síðastliðinn. Í kjölfarið urðu töluverðar breytingar á hópi stærstu hluthafa félagsins. Nú er lífeyrissjóðurinn Birta stærsti einstaki hluthafinn en samanlagt fara sjóðir á vegum Íslandssjóða fyrir enn stærri hlut. Meðal nýrra stórra hluthafa er félag í eigu Einars Sveinssonar og …

Icelandair sagði í dag upp 82 starfsmönnum en um er að ræða starfsfólk úr ýmsum deildum á skrifstofum og starfsstöðvum félagsins. Í tilkynningu er bent á að Icelandair hafi á árunum 2021 til 2023 ráðið og þjálfað um 2.500 starfsmenn og góður árangur hafi náðst við að byggja félagið hratt upp eftir heimsfaraldurinn. Nú er …

Ráðuneyti viðskipta og sjávarútvegsmála í Noregi kynnti fyrir tveimur árum drög að frumvarpi um að þarlendir kjarasamningar og reglur um aðbúnað næðu líka til áhafna erlendra skipa sem færu um norska lögsögu. Litið yrði svo á að um leið og erlent skip færi inn fyrir norska lögsögu giltu um það sömu reglur og alla innlenda …

Bláa lónið í Svartsengi hefur rýmt öll sín athafnarsvæði vegna jarðhræringa við Sundhnúkagígaröðina nú í morgun. Rýmingin gekk vel að því segir í tilkynningu og er gestum þakkaður góður skilningur á stöðunni, starfsmönnum fagleg vinnubrögð og viðbragðsaðilum gott samstarf. Bláa lónið er einn allra vinsælasti viðkomustaður ferðamanna hér á landi en vegna jarðhræringa á Reykjanesi …

Icelandair hefur gripið til hópuppsagna í dag og munu þær ná til ólíkra deilda innan fyrirtækisins að því segir í frétt Vísis. Þar er haft eftir Ásdísi Ýr Pétursdóttur, talskonu Icelandair, að dagurinn í dag sé erfiður en hún geti ekki tjáð sig nánar um stöðuna af virðingu við starfsfólkið. Heimildir FF7 herma að uppsagnirnar …

Miklar breytingar eru við sjóndeildarhringinn í grænlenskri ferðaþjónustu. Ný flugstöð verður tekin í notkun í Nuuk 28. nóvember. Síðan er ráðgert að ljúka framkvæmdum við nýjar flugstöðvar í Ilulissat og Qaqortoq á Suður-Grænlandi fyrir lok ársins 2026. Nú sinna Air Greenland og Icelandair Grænlandsflugi en færi ættu að skapast til að laða að fleiri flugfélög. …

Þýski Volkswagen ætlar ekki að játa sig sigraðan í baráttunni um markaðinn fyrir ódýrar gerðir rafbíla, þar sem kínverskir framleiðendur hafa náð góðri fótfestu og boða enn frekari landvinninga. Fyrr í mánuðinum runnu út í sandinn viðræður fornu fjendanna Volkswagen og franska Renault um að standa sameiginlega að þróun og smíði nýs rafknúins alþýðubíls til …