Samfélagsmiðlar

Hlutafjáraukningin í Eldey verður umtalsvert lægri

Í kjölfar samtala við hlutahafa og vegna áhrifa kórónaveirunnar þá verður hlutafjáraukningin í Eldey mun lægri en gert var ráð fyrir.

Samkvæmt gögnum sem kynnt voru hluthöfum í fjárfestingasjóðnum Eldey fyrr í þessum mánuði þá stóð til að auka hlutafé sjóðsins um 2,3 milljarða króna áður en félagið yrði sameinað Kynnisferðum. Frá þessu sagði Túristi í morgun og byggði frétt sína á fyrrnefndum gögnum.

Hrönn Greipsdóttir, framkvæmdastjóri Eldeyjar, segir í athugasemd við frétt Túrista að nú sé hins vegar lagt upp með umtalsvert lægri hlutafjáraukningu og hún fari fram fyrir fyrirhugaða sameiningu við Kynnisferðir.

„Hlutafjáraukning að fjárhæð allt að þremur milljörðum króna var samþykkt af hluthöfum á aðalfundi Eldeyjar í apríl 2019 og hafði undirbúningur að stækkun félagsins staðið yfir í um tólf mánuði þegar Covid faraldurinn reið yfir. Í ljósi mikilla áhrifa af lokun landsins á öll félög í eigu Eldeyjar hafa áform um hlutafjáraukningu tekið miklum breytingum síðustu vikurnar, m.a. í kjölfar samtala við hluthafa Eldeyjar nú í maí. Er nú lagt upp með að fjárhæð hlutafjáraukningar verði umtalsvert lægri og fari fram fyrir fyrirhugaða sameiningu við Kynnisferðir. Er hlutafjáraukningunni ætlað að tryggja að félög í eignasafni Eldeyjar muni komast í gegnum þá óvissu sem framundan er næstu 12 til 18 mánuði.  Nánari upplýsingar um áformin verða birtar þegar endanleg útfærsla hlutafjáraukningar liggur fyrir.“

Líkt og fram kom í frétt Túrista í morgun þá gerðu fyrri áætlanir forsvarsfólk Eldeyjar ráð fyrir að aukið hlutafé upp á 2,3 milljarða króna færu m.a. uppgjör vegna lokunar sjóðsins og í í hlutafjáraukningu tveggja af þeim félögum sem Eldey fer með hlut í.

Nýtt efni

Vorið 2021, stuttu áður en Play fór í loftið í fyrsta sinn, efndi félagið til hlutafjárútboðs þar sem söfnuðust 10 milljarðar króna. Í kjölfarið voru bréfin skráð á First North Growth í Kauphöllinni en um þann markað gilda ekki eins strangar reglur og Aðalmarkað Nasdaq. Í tengslum síðustu hlutafjáraukningu, sem lauk í apríl síðastliðnum, var …

Viðkiptastríð vesturveldanna og Kína heldur áfram að þyngjast því fyrr í dag gaf Evrópusambandið út að 38,1 prósent innflutningstollar yrðu lagðir á kínverska rafbíla frá og með næsta mánuði. Sú hækkun bætist við þann 10 prósent toll sem í dag ríkir á innflutning rafbíla frá Kína til aðildarríkja ESB. Þessi viðbótartollur hefur verið yfirvofandi síðustu …

Það var í júní 2014 sem breska lággjaldaflugfélagið Flybe, sem nú er gjaldþrota, hóf áætlunarflug til Íslands frá Birmingham. Flugleiðin stóð ekki undir væntingum stjórnenda Flyby og var lögð niður eftir níu mánuði. Þá tók Icelandair við keflinu og hélt úti tíðum ferðum milli Íslands og þessarar næstfjölmennustu borgar Bretlands fram í ársbyrjun 2018. Síðan …

Í Bandaríkjunum eru lestarsamgöngur ekki eins góðar og í Evrópu og þurfa þeir sem ætla að sækja komandi landsfundi Demókrata og Repúblikana annað hvort að keyra eða fljúga á fundarstað. Af þeim sökum hefur bandaríska flugfélagið United Airlines bætt við 118 flugferðum til og frá Chicago í ágúst í tilefni af landsfundi Demókrata. Repúblikanar hittast …

Gistináttagjald upp á 400 krónur (2,7 evrur) verður lagt á í Færeyjum frá og með október á næsta ári. Um leið verða allir þeir sem koma til eyjanna með skemmtiferðaskipum að greiða 1.300 króna gjald (9 evrur). Allar tekjur af þessari nýju gjaldtöku renna í sérstakan náttúruverndarsjóð að því segir í tilkynningu. Sá sjóður verður …

Talning á brottfararfarþegum á Keflavíkurflugvelli gefur vísbendingu um að erlendum ferðamönnum hér á landi hafi fækkað um tvö prósent í nýliðnum maí í samanburði við sama tíma í fyrra. Þróunin var hins vegar mjög ólík á milli þjóðerna. Þannig jókst straumurinn hingað frá Kanada umtalsvert á milli ára á meðan ferðamönnum frá Ísrael og Rússlandi …

Það seldust 1.259 nýir Tesla bílar á Íslandi árið 2022 og í fyrra voru þeir nærri þrefalt fleiri eða 3.471. Veltan jókst ekki í takt við söluna því tekjur bandaríska rafbílaframleiðands af hverjum nýjum bíl hér á landi drógust saman um 17 prósent samkvæmt útrekningum FF7 sem byggja á ársreikningi Tesla Motors Iceland ehf. Þetta …

Það voru 155 þúsund útlendingar sem innrituðu sig í flug frá Keflavíkurflugvelli í maí en þessi talning er notuð til að meta ferðamannastrauminn hingað til lands. Í maí í fyrra voru erlendu brottfararfarþegarnir 158 þúsund og 165 þúsund í maí 2018 þegar þeir voru flestir. Það vantaði því sex prósent fleiri farþega til að jafna …