Samfélagsmiðlar

Selja áfram hlutabréf í Icelandair í smáskömmtum

Þriðju vikuna í röð selur stærsti hluthafinn í Icelandair Group hluta af bréfum sínum.

Þegar bandaríski vogunarsjóðurinn PAR Capital Management keypti 11,5 prósent hlut í Icelandair Group fyrir þrettán mánuðum síðan þá var gengi bréfanna 9,03. Þessi viðskipti voru upp á tæpa sex milljarða króna og svo bætti sjóðurinn við hlut sinn síðastliðið sumar en þá rokkaði gengið á milli tíu og ellefu. PAR Capital hefur svo setið á 13,7 prósent hlut í Icelandair allt frá því um mitt síðasta sumar.

Í ár hefur virði Icelandair, líkt og annarra flugfélaga, hríðfallið sem rekja má til útbreiðslu kórónaveirunnar. Gengi bréfanna er þannig 1,6 dag en þrátt fyrir þessa miklu rýrnun þá hefur hefur PAR Capital selt bréf í Icelandair síðustu þrjár vikur en þó í litlum skömmtum. Þannig fór hlutur félagsins í íslensku samsteypunni niður í 13,5 prósent í fyrstu sölunni og svo niður í 13,2 prósent í síðustu viku.

Bandarísku fjárfestarnir hafa haldið uppteknum hætti síðustu daga því samkvæmt nýjasta hlutahafalista Icelandair þá er PAR Capital í dag skráð fyrir 12,77 prósent hlut í Icelandair. Næst stærsti hluthafinn er sem fyrr Lífeyrissjóður verslunarmanna með 11,81 prósent. Ef PAR Capital heldur áfram að selja bréf í sama takti næstu vikurnar þá er ekki víst að sjóðurinn verði stærsti hluthafinn þegar að kemur að boðuðu hlutafjárútboði í þessu stærsta ferðaþjónustufyrirtæki landsins. En þá þarf reyndar einhver að vera til í að kaupa bréfin af PAR.

 

Nýtt efni

Áður en skemmtiferðaskipin taka að fylla götur Ísafjarðar af forvitnum ferðalöngum eru tvær helgar að vori sem fylla bæinn af heldur ólíkum hópum fólks. Sú fyrri er páskahelgin þegar tónlistarfólk og áhangendur þeirra þyrpast í bæinn til að taka þátt í rokkhátíð alþýðunnar, Aldrei fór ég suður, og sú síðari er Fossavatnshelgin, sem fór fram …

Tekjur Finnair drógust saman um tvö prósent á fyrsta fjórðungi ársins þrátt fyrir að finnska flugfélagið hafi aukið framboðið. Skýringin á samdrættinum liggur í verkföllum, verri sætanýtingu og lægri tekjum af fraktflutningum samkvæmt uppgjöri félagsins sem birt var í morgun. Rekstrarkostnaður Finnair á fyrsta ársfjórðungi var á pari við sama tímabil í fyrra og tapaði …

Allt þar til að Boeing Max krísan hófst, í ársbyrjun 2019, framleiddi Boeing fleiri þotur en keppinauturinn, Airbus. Kyrrsetningar og endurteknir framleiðslugallar hafa hins vegar orðið til þess að hægt hefur á framleiðslunni í verksmiðlum Boeing og eftirspurnin minnkað. Í fyrra framleiddi Airbus 735 þotur en Boeing 528 og mun bilið að öllu óbreyttu breikka …

Fataverslunin Húrra Reykjavík opnar í brottfararsal Keflavíkurflugvallar í vor og verður þar boðið upp á úrval af fatnaði og skóm frá vinsælum vörumerkjum fyrir farþega á leið úr landi. „Við erum að stíga stór skref með opnun þessarar nýju og glæsilegu verslunar, sem á sér stað í tilefni af 10 ára afmæli fyrirtækisins. Þetta er …

MYND: ÓJ

„Þetta er ein heitasta gjafavara Íslands, það get ég sagt fullum fetum. Seljum mikið á netinu hjá okkur út um allan heim,“ segir Baldur Ólafsson, markaðsstjóri Bónus, við fyrirspurn FF7 um vinsældir burðarpoka Bónus meðal ferðamanna.  Áberandi er við verslanir Bónus í miðborginni að ferðamenn kaupa þar gjarnan marga burðarpoka úr endurefni efni sem skarta …

Koffínlausar kaffibaunir eru hefðbundnar kaffibaunir þar sem beiskjuefnið og örvandi hlutinn koffín hefur verið fjarlægt. Útbreiddasta og ódýrasta ferlið við að losa baunirnar við koffínið er hins vegar orðið umdeilt þar sem efnasambönd sem við það eru notuð eru nú tengd við ýmsa heilsufarskvilla.Hægt er að beita nokkrum aðferðum við að losa kaffibaunir við koffín. …

Þrjátíu og átta trilljónir er tala sem er svolítið erfitt að skilja. Trilljón er notað í Bandaríkjunum yfir það sem við Íslendingar köllum billjón, og billjón er þúsund milljarðar, eða milljón milljónir. Á núverandi gengi eru 38 trilljónir Bandaríkjadala sama og 5.320 billjónir íslenskra króna, eða 5,3 milljón milljarðar.  Það er gott að hafa þetta …

Borgaryfirvöld í Lissabon hafa samþykkt að hækka gistináttagjald úr 2 í 4 evrur. Gjaldtaka nær ekki til tjaldstæða. Þá hefur komugjald á skipafarþega verið hækkað úr 1 í 2 evrur. Tillaga um að hækka það gjald í 4 evrur var felld.  Lusa-fréttastofan hefur eftir Carlos Moedas, borgarstjóra, að það sé „sanngjarnt fyrir borgina og íbúa …