Samfélagsmiðlar

Tryggvi Þór er nýr stjórnarformaður Icelandair hótelanna

Icelandair Group á nú aðeins fjórðungs hlut í Icelandair hótelunum. Þetta næst stærsta hótelfyrirtæki landsins hefur því fengið nýja þriggja manna stjórn.

Frá Reykjavík Konsúlat hótelinu í Hafnarstræti sem er hluti af Curio by Hilton keðjunni.

Það var í byrjun apríl sem malasíska fjárfestingafélagið Berjaya Land Ber­had gerði upp kaup sín á 75 prósent hlut í Icelandair hótelunum. Upphaflega stóð til að lokagreiðslan yrði ynnt af hendi í lok þessa mánaðar en uppgörinu var flýtt vegna ástandsins sem nú ríkir vegna útbreiðslu kórónaveirunnar. Fékk kaupandinn afslátt upp á nærri 1,5 milljarð króna vegna þessa.

Ný stjórn yfir Icelandair hótelunum hefur nú verið skipuð og er Tryggvi Þór Herbertsson, fyrrum þingmaður Sjálfstæðisflokksins og fyrrum forstjóri Aska Capital, nýr stjórnarformaður. Tryggi Þór hefur verið tengiliður malasíska fjárfestingafélagsins í viðskiptum þess hér á landi.

Foo Toon Kee, framvæmdastjóri Berjaya hotels, er annar fulltrúi kaupandans í stjórninni og Eva Sóley Guðbjörnsdóttir, framkvæmdastjóri fjármála Icelandair Group, situr þar fyrir hönd samsteypunnar. Bogi Nils Bogason, forstjóri Icelandair Group, er varamaður í stjórn en ætlunin er að skipa hótelfyrirtækinu fimm manna aðalstjórn innan tíðar.

Auk þess að kaupa hlutinn í Icelandair hótelunum þá festi Berjaya Land Ber­had einnig kaup á 2.600 fermetra vöruskemmu við Reykjavíkurhöfn í fyrra. Þar eru áform um að opna fyrsta Four season hótelið á Norðurlöndum en Berjaya Hotels, systurfélag Berjaya Land Ber­had, rekur tvo þess háttar gististaði í Japan í dag. Bygging nýs hótels við Reykjavíkurhöfn kallar aftur á móti á breytt skipulag í miðborginni.


Viltu styðja Túrista?

Nú þegar virkilega á reynir þá stendur Túristi vaktina frá morgni til kvölds. Ef þú ert einn þeirra lesenda sem finnst gagn í skrifum Túrista þá væri ómetanlegt ef þú myndir leggja útgáfunni lið. Smelltu hér fyrir nánari upplýsingar.

Nýtt efni

Það voru þrjú norræn alþjóðaflugfélög sem hófu flugrekstur í Covid-faraldrinum. Hér á landi var það Play en Flyr og Norse í Noregi. Öll þrjú leigðu árið 2021 þotur á lægra verði en áður hafði þekkst og efndu til hlutafjárútboða meðal fagfjárfesta og almennings. Í byrjun síðasta árs varð Flyr gjaldþrota en rekstur þess byggði á …

Ein árangursríkasta loftslagsaðgerð síðari ára á Íslandi er líklega sú að banna urðun lífræns úrgangs. Þetta bann tók gildi í upphafi árs 2023 og árangurinn hefur ekki látið á sér standa. Smám saman hafa jákvæðar tölur verið að berast, sem gefa tilefni til bjartsýni. Það er semsagt hægt að ná árangri í loftslagsmálum, þótt margir …

Barselóna er ein vinsælasta ferðamannaborg Evrópu en óþol íbúa vegna ágangsins hefur farið vaxandi á síðustu árum - ekki síst vegna húsnæðisvanda ungs fólks sem ekki getur keppt við ferðaþjónustuna í leiguverði. Fyrri borgaryfirvöld hættu útgáfu nýrra leyfa til útleigu og lokað mörgum ferðamannaíbúðum en nú eru í farvatninu enn meiri breytingar. Airbnb og öðrum …

Í Svíþjóð kalla sumarsólstöður, eða Midsommar, á mikil hátíðarhöld þar sem síld og snaps hafa lengstum verið í aðalhlutverki. Sölutölur sænskra kaupmanna sýna þó að vinsældir síldarinnar dala ár frá ári og nú er svo komið að salan hefur helmingast frá árinu 2008. Frá þessu greinir Sænska ríkisútvarpið. Skýringin á þessari þróun liggur í bragðlaukum …

Ferðahópur á Þingvöllum

Alþingi hefur samþykkt tillögu til þingsályktunar, sem ferðamálaráðherra lagði fram í apríl, um ferðamálastefnu og aðgerðaáætlun til 2030. Öðlast þingsályktunin þegar gildi en mótun stefnunar var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira …

Ásgeir Baldurs, framkvæmdastjóri Arctic Adventures

Arctic Adventures er eitt stærsta fyrirtæki landsins í ferðaþjónustu og hefur verið að stækka starfssvið sitt, síðast með kaupum á Special Tours, sem sinnir skoðunarferðum á slóðum hvala og lunda, auk þess að reka Hvalasafnið (Whales of Iceland) í Reykjavík.  Ásgeir Baldurs tók við starfi forstjóra Arctic Adventures fyrir rúmu ári, þegar margir bundu vonir við …

Kínversku bílaframleiðendurnir BYD og SAIC, sem er eigandi framleiðslufyrirtækis MG-rafbílana vinsælu, hafa ekki ákveðið enn hvort verð á rafbílum sem seldir verða í Evrópu eftir 4. júlí hækka í verði. Þá tekur gildi umtalsverð hækkun tolla á kínversku rafbílana. Samkvæmt heimildum Reuters verður engin verðbreyting ákveðin fyrir þann tíma. Evrópusambandið ákvað að tollur á MG-bílum …

Gengi hlutabréfa í Norwegian féll í gærdag eftir að greinendur norska bankans DNB færðu niður verðmat sitt á félaginu úr 19 norskum krónum á hlut niður í 17 kr. Hið nýja verðmat var engu að síður 30 prósent yfir markaðsgenginu, 14 norskar kr., en engu að síður féll gengið um tíu prósent í gær og …