Samfélagsmiðlar

Finna fyrir miklum áhuga á Hálendisrútunni

Sérstakar ferðir sniðnar að þeim sem ætla í göngur í sumar en vilja síður vera á eigin bíl.

Kynnisferða bjóða upp á áætlunarferðir inn í Þórsmörk, Landmannalaugar og að Skógum í sumar.

Hálendisrúta Kynnisferða leggur í hann i dag en þessar ferðir eru sniðnar að þeim sem vilja ferðast um Þórsmörk, Landmannalaugar eða Skóga á eigin vegum í sumar.

„Við höfum verið að fá eitthvað af bókunum og finnum fyrir miklum áhuga Íslendinga á þessu en margir vilja fyrst sjá hvernig veðrið er. Við hvetjum þó fólk til að bóka sem fyrst þar sem við fellum niður ferðir ef farþegafjöldinn er lítill,“ segir Björn Ragnarsson, forstjóri Kynnisferða.

Hann segir að farþegar Hálendisrútunnar geti valið að taka hana úr Reykjavík eða mæta á eigin bíl á Hvollsvöll. „Þeir sem ætla að ganga Fimmvörðuháls frá Skógum og inn í Þórsmörk geta tekið rútuna á Skóga og sent farangurinn með bílnum inn í Þórsmörk. Sama geta þeir gert sem ætla að labba Laugaveginn frá Landmannalaugum í Þórsmörk,“ bætir Björn við.

Hann bendir jafnframt á að búast megi við að árnar verði vatnsmiklar í sumar þar sem töluverður snjór sé enn á hálendinu. „Það er því nauðsynlegt að fara með gát ef ferðast er á eigin vegum.“

Auk þessara áætlunarferða Hálendisrútunnar þá flytur hún einnig sérhópa upp á hálendið ef eftir því er óskað, til að mynda vinnustaði og vinahópa.

Stærsta sérverkefnið á því sviði er Laugavegshlaupið sem fer fram 18. júlí. Kynnisferðir sjá um allar ferðir í tengslum við hlaupið og segir Björn að gert sé ráð fyrir samtals verði um fimm hundrað starfsmenn, keppendur og áhorfendur ferjaðir á mótsstað.

Nýtt efni
Arnar Guðmundsson, Íslandsstofu

Íslandsstofa vinnur að því að markaðssetja Ísland sem ferðamannaland, kemur íslenskum fyrirtækjum á framfæri á erlendri grundu og liðkar til eftir bestu getu fyrir erlendri fjárfestingu á fimm sviðum atvinnulífs: orku og grænum lausnum, sjávarútvegi og matvælaframleiðslu, hugviti og tækni, listum og skapandi greinum - og loks ferðaþjónustu. Allt byggist þetta á útflutningsstefnu landsins, sem …

Það voru 27.293 starfandi í einkennandi greinum ferðaþjónustu hér á landi í mars 2024 sem er aukning um 2 prósent frá sama tíma í fyrra en 2 prósent færri í samanburði við mars 2018. Það ár voru ferðamenn hér flestir en gert er ráð fyrir álíka ferðamannastraumi í ár. Vægi starfsfólks með íslenskan bakgrunn er …

Þýski bílaframleiðandinn Volkswagen hefur slitið viðræðum við franska Renault um að þróa og smíða saman nýja gerð af rafknúnum smábíl á viðráðanlegu verði, sem keppt gæti við ódýrustu kínversku bílana. Hugmyndin var sú að bíllinn yrðu byggður á grunni Twingo-smábílsins frá Renault. Renault hyggst nú upp á eigin spýtur þróa Twingo áfram sem rafbíl og …

„Pittsburgh flugið fer vel af stað og er ánægjulegt að sjá að farþegar frá 25 Evrópulöndum hafa bókað flug með okkur til Pittsburgh um Ísland og þaðan hafa farþegar bókað flug til 30 áfangastaða Evrópumegin," sagði Bogi Nils Bogason, forstjóri Icelandair, í tilefni af fyrstu áætlunarferð flugfélagsins til bandarísku borgarinnar á fimmtudaginn. Forstjórinn lagði um …

Undirbúningur er á lokastigi um að koma á fót ævintýramiðstöð á Suðurlandi, þar sem gistiaðstaða og þjónusta verður tengd þjónustu, gönguferðum og útivist ævintýragjarnra ferðamanna. Ferðafólk, statt við Skógafoss, í ævintýraleit á Suðurlandi - MYND: ÓJ „Það koma stundum mjög athyglisverð verkefni, eins og þegar reynslumikill aðili úr ævintýraferðaþjónustu, sem hefur verið í slíkum rekstri …

Það er auðvitað eðlilegt að Barselóna, höfuðborg Katalóníu, dragi til sín mikinn fjölda ferðafólks. Borgin er fögur, sögurík og spennandi - en líka dálítið þreytt orðin á öllum þessum vinsældum, hömlulausum gestaganginum. Á síðasta ári gistu yfir 12 milljónir manna borginni, um sjö prósentum færri en 2019. Við bætast síðan allir þeir sem koma í …

Argentíski víniðnaðurinn hefur átt erfitt uppdráttar síðustu ár vegna óðaverðbólgu, óstöðugs gengis og minnkandi útflutnings. Það virðist þó heldur vera að lyftast brúnin á vínframleiðendum og virðast þeir helst þakka það harkalegri aðhaldsstefnu öfgakennda frjálshyggjumannsins Javier Milei, sem tók við forsetaembættinu í Argentínu í desember. Það tók strax að hægja á verðbólgu á fyrstu mánuðum …

Árið 2023 var 4.240 bókum bætt á lista yfir bannaðar bækur í Bandaríkjunum. Aldrei fyrr hafa jafn margar bækur verið bannaðar á einu ári. En á síðustu árum hefur þeim bókum sem settar eru á þennan bannlista fjölgað ár frá ári. Afleiðingin er sú að aðgengi að bókunum er takmarkað og þær eru fjarlægðar af …