Samfélagsmiðlar

Fjölmargir hafa nálgast sumargjöfina

Á föstudaginn opnar einn vinsælasti ferðamannastaður landsins á ný.

Bláa lónið opnar á ný á föstudaginn eftir að hafa verið lokað síðustu tólf vikur. Ekki er gert ráð fyrir miklum fjölda gesta í lónið fyrstu dagana enda er tíðni flugferða til landsins ennþá takmörkuð eins og Bára Mjöll Þórðardóttir, upplýsingafulltrúi Bláa lónsins, bendir á.

Um langt árabil hefur Bláa lónið verið einn allra vinsælasti ferðamannastaður landsins og segir Bára Mjöll að Íslendingar hafi að jafnaði verið vel innan við fimm prósent gesta.

Það hlutfall fer sennilega hækkandi nú í sumar enda óljóst hversu margir ferðamenn koma til landsins næstu vikur. Á sama tíma eru vísbendingar um að margir Íslendingar haldi sig heima í fríinu.

Og nú í sumar býður Bláa lónið öllum þeim sem eru fjórtán ára og eldri upp á fimm þúsund króna inneign upp í svokallaðan Premium aðgang Bláa Lónsins. Þess háttar kostar vanalega 8.990 krónur.

Kynning á þessu tilboði hófst í lok síðustu viku og segir Bára Mjöll að nú þegar hafi fjölmargir nálgast sumargjöfina. „Við erum þó ekki að gera ráð fyrir sama gestafjölda og við eigum að venjast á þessum árstíma en hlökkum til að taka á móti fólki á ný og vonum að sem flestir geri sér glaðan dag og heimsæki okkur í sumar,“ segir Bára Mjöll.

Nýtt efni

Borgaryfirvöld í Lissabon hafa samþykkt að hækka gistináttagjald úr 2 í 4 evrur. Gjaldtaka nær ekki til tjaldstæða. Þá hefur komugjald á skipafarþega verið hækkað úr 1 í 2 evrur. Tillaga um að hækka það gjald í 4 evrur var felld.  Lusa-fréttastofan hefur eftir Carlos Moedas, borgarstjóra, að það sé „sanngjarnt fyrir borgina og íbúa …

MYND: ÓJ

Kínverskir ferðamenn hafa verið töluvert áberandi í Reykjavík og víðar um land í vor. Auðvitað er fólk af kínverskum uppruna búsett um allan heim og eitthvað af því fer í Íslandsferðir en þeim hefur snarfjölgað sem koma hingað alla leið frá Alþýðulýðveldinu Kína. Samkvæmt talningu Ferðamálastofu á Keflavíkurflugvelli komu hingað í marsmánuði 8.642 Kínverjar og …

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …