Samfélagsmiðlar

Óska eftir heimild til fjárhagslegra endurskipulagningar

Stjórn ferðaþjónustufyrirtækisins Allrahanda GL ehf. hefur óskað eftir greiðsluskjóli á meðan unnið er að því að koma félaginu í rekstrarhæft form.

Umferðamiðstöð Gray Line við Skarfabakka.

Síðustu þrjá mánuði hafa tekjur Allrahanda GL, sem er rekstraraðili Gray Line hér á landi, aðeins numið 680 þúsund krónum. Mánuðina þrjá fyrir Covid-19 námu þær hins vegar um 700 milljónum króna.

„Til að bæta gráu ofan á svart hafa orðið miklar tafir á greiðslu útistandandi viðskiptakrafan í eigu Allrahanda GL. Það segir sig því sjálft að staðan er gríðarlega erfið,“ segir í tilkynningu frá fyrirtækinu.

Þar segir jafnframt að stjórnendur Allrahanda GL ehf hafi unnið að því að selja eignir til að greiða skuldir, m.a. var félagið Hveravellir ehf selt í byrjun maí og fasteign félagsins að Klettagörðum 4 auglýst til sölu í þessari viku.

„Lánardrottnar félagsins hafa sýnt okkur mikinn skilning en þolinmæði þeirra hefur eðlilega sín takmörk. Stjórn félagsins hefur því tekið þá ákvörðun að óska eftir greiðsluskjóli í samræmi við lög sem samþykkt voru á Alþingi þann 16 júní sl. Með þessu móti telur stjórn félagsins að jafnræði lánadrottna og kröfuhafa félagsins verði best tryggt á sama tíma og neytt verður þeirra úrræða sem lögin mæla fyrir um,“ segir í tilkynningu.

Nýtt efni

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …

Stærstu hluthafar Play skuldbindu sig til að leggja flugfélaginu til 2,6 milljarða króna í nýtt hlutafé í byrjun síðustu viku en með þeim skilyrðum að hlutafjárútboðið myndi nema samtals fjórum milljörðum króna. Nú hefur félagið tryggt sér þá 1,4 milljarða sem upp á vantaði. Þetta kemur fram í tilkynningu. Þar segir að þessi hlutafjáraukning sé …

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …

Útgerðir skemmtiferðaskipa virðast bjartsýnar um að fólk sæki mjög í siglingar á árinu. Ferðaþorstanum eftir innilokun Covid 19-áranna hafi ekki enn verið svalað. Þá kjósi margir, sem á annað borð hafa efni á því, verja fleiri ferðadögum á friðsælu floti um heimsins höf fremur en að olnboga sig í gegnum manngrúa borga og vinsælla ferðamannastaða. …

Það voru keyptar 390 þúsund gistinætur á íslenskum gististöðum í janúar eða 13 prósentum færri en í janúar í fyrra. Næturnar núna voru álíka margar og í janúar 2019 en það var í mars það ár sem rekstur Wow Air stöðvaðist. Gisitnóttum útlendinga á skráðum gististöðum, stór hluti heimagistingarinnar fellur þar ekki undir, fækkaði um …

Lilja Dögg Alfreðsdóttir

Vinna við aðgerðaáætlun í tengslum við ferðamálastefnu Íslands til ársins 2030 er langt komin. Birt hafa verið í Samráðsgátt drög að tillögu til þingsályktunar og óskað umsagna. Það kemur síðan í hlut Alþingis að vinna úr tillögum sem orðið hafa til í víðtæku samráði hagaðila í ferðaþjónustu - og ákveða síðan hvert skal stefna. Þær …

Þjóðarflugfélög Frakka og Hollendinga mynda samsteypuna Air France-KLM Group og hagnaðist fyrirtækið um 934 milljónir evra á nýliðnu ári. Sú upphæð jafngildir 140 milljörðum króna. Aldrei áður hefur þessi fransk-hollenska samsteypa skilað svona miklum hagnaði að því fram kemur í tilkynningu nú í morgun í tilefni af birtingu uppgjörsins. Þar kemur fram að stríðið á …