Samfélagsmiðlar

Tækifæri fyrir lággjaldaflugfélög í neyðarsamningum Lufthansa

Lufthansa verður að gefa eftir lendingarleyfi í Frankfurt og Munchen í kjölfar þess að þýsk stjórnvöld komu félaginu til bjargar.

Nú verður Lufthansa að gefa eftir hluta af lendingarleyfum sínum á flugvellinum í Frankfurt.

Þrátt fyrir að rekstur Lufthansa Group hafi skilað hagnaði síðustu ár þá kemst samsteypan ekki í gegnum kórónuveirukreppuna án ríkisaðstoðar. Þýska stjórnvöld ætla því að koma félaginu til bjargar með níu milljarða evru innspýtingu. Í staðinn eignast hið opinbera fimmtungs hlut á fyrirtækinu. Stefnt er að því að þau hlutabréf verði seld í síðasta lagi árið 2023.

Evrópusambandið var tilbúið til að samþykkja þessa ríkisaðstoð gegn því að Lufthansa afsalaði sér sjötíu og tveimur lendingarleyfum á flugvöllunum í Frankfurt og Munchen. Í þessum tveimur borgum stendur flugfélagið fyrir ríflega helmingi brottfara.

Stjórnendur Lufthansa voru þó ekki tilbúnir til að kyngja þessum kröfum og í kjölfarið lækkaði ESB skilyrði sitt niður í tuttugu og fjögur lendingarleyfi.

Það sætti forsvarsfólk Lufthansa sig við og vóg þar þungt að eingöngu verður hægt að úthluta leyfunum til nýrra flugfélaga í borgunum tveimur. Þar með er útilokað að Ryanair geti fengið leyfin sem Lufthansa skilur eftir í Frankfurt. Írska lággjaldaflugfélagið getur aftur á móti reynt við lausu lendingarleyfin í Munchen.

Hið breska easyJet getur svo farið hina leiðina og því það félag er í dag með flug til Munchen en ekki til Frankfurt.

Og forstjóri ungverska lággjaldaflugfélagsins Wizz Air sér líka tækifæri í þessari stöðu. Hann bendir á í viðtali við Bloomberg á að Lufthansa verði að endurskipuleggja rekstur sinn vegna ástandsins og þar með opnist möguleikar fyrir Wizz Air á þýska markaðnum.

Innan Lufthansa Group eru líka stærstu flugfélög Austurríkis, Belgíu og Sviss.

Nýtt efni

Árið 1970 barst Pattie Boyd nafnlaust og dularfullt ástarbréf frá einhverjum sem þráði hana afar heitt. Vandinn var bara sá að Pattie var þegar gift öðrum manni og ekki ófrægum; hún og George Harrison gítarleikari The Beatles höfðu búið saman í sex ár þegar bréfið barst Pattie.  „Ég skrifa þér þessa orðsendingu í þeim megintilgangi …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …

Stærstu hluthafar Play skuldbindu sig til að leggja flugfélaginu til 2,6 milljarða króna í nýtt hlutafé í byrjun síðustu viku en með þeim skilyrðum að hlutafjárútboðið myndi nema samtals fjórum milljörðum króna. Nú hefur félagið tryggt sér þá 1,4 milljarða sem upp á vantaði. Þetta kemur fram í tilkynningu. Þar segir að þessi hlutafjáraukning sé …

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …

Útgerðir skemmtiferðaskipa virðast bjartsýnar um að fólk sæki mjög í siglingar á árinu. Ferðaþorstanum eftir innilokun Covid 19-áranna hafi ekki enn verið svalað. Þá kjósi margir, sem á annað borð hafa efni á því, verja fleiri ferðadögum á friðsælu floti um heimsins höf fremur en að olnboga sig í gegnum manngrúa borga og vinsælla ferðamannastaða. …

Það voru keyptar 390 þúsund gistinætur á íslenskum gististöðum í janúar eða 13 prósentum færri en í janúar í fyrra. Næturnar núna voru álíka margar og í janúar 2019 en það var í mars það ár sem rekstur Wow Air stöðvaðist. Gisitnóttum útlendinga á skráðum gististöðum, stór hluti heimagistingarinnar fellur þar ekki undir, fækkaði um …

Lilja Dögg Alfreðsdóttir

Vinna við aðgerðaáætlun í tengslum við ferðamálastefnu Íslands til ársins 2030 er langt komin. Birt hafa verið í Samráðsgátt drög að tillögu til þingsályktunar og óskað umsagna. Það kemur síðan í hlut Alþingis að vinna úr tillögum sem orðið hafa til í víðtæku samráði hagaðila í ferðaþjónustu - og ákveða síðan hvert skal stefna. Þær …