Samfélagsmiðlar

Hlutur eigenda Kynnisferða verður hærri

Upphaflega var gert ráð fyrir að hluthafar í fjárfestingasjóðnum Eldey yrðu í meirihluta við sameininguna við Kynnisferðir.

Kynnisferðir reka meðal annars Flugrútuna sem sinnir áætlunarferðum frá BSÍ til Keflavíkurflugvallar.

Áreiðanleikakönnun vegna sameiningar Kynnisferða og Eldeyjar er lokið og nú er unnið að gerð kaupsamnings sem vonast er til að verði undirritaður á næstu vikum. Þetta kemur fram í Viðskiptablaðinu.

Samkeppniseftirlitið gaf grænt ljós á viðræður milli aðila í vor en Kynnisferðir eru stærsta hópferðafyrirtæki landsins. Eldey er aftur á móti fjárfestingasjóður sem á mismunandi stóra hluti í ferðaþjónustufyrirtækjum sem sérhæfa sig í afþreyingu fyrir ferðafólk.

Upphaflega stóð til að Eldey fengi um 51 prósent hlut í sameinuðu fyrirtæki en nú er niðurstaðan sú að hluturinn verður 35 prósent. Eigendur Kynnisferða fá þá 65 prósent. Þessi breyting skrifast meðal annars á að hlutur Eldeyjar í Norðursiglingu verður ekki hluti af samrunanum.

Líkt og Túristi hefur áður fjallað um þá munu hluthafar Eldeyjar leggja félaginu til um hálfan milljarð króna við sameininguna. Hluthafar Kynnisferða bæta svo 300 milljónum króna til viðbótar.

Samkvæmt kynningu sem hluthöfum Eldeyjar var kynnt í byrjun maí þá var aftur á móti stefnt á rúmlega tveggja milljarða króna hlutafjáraukningu í sjóðnum einum og sér.

Það eru nokkrir lífeyrissjóðir sem fara sameiginlega með um áttatíu prósent hlut í Eldey. Tap fjárfestingasjóðsins nam um 1,4 milljörðum síðustu tvö ár sem skrifast að mestu á niðurfærslu eigna vegna Covid-19.

Nýtt efni

Eftirspurn eftir ferðalögum til útlanda meðal Íslendinga er áfram sterk fullyrti Bogi Nils Bogason, forstjóri Icelandair, á kynningu á nýju uppgjöri flugfélagsins nú í morgun. Farþegum Icelandair frá heimamarkaðnum fækkaði hins vegar um 9 prósent á öðrum ársfjórðungi í samanburði við sama tímabil í fyrra. Þennan samdrátt útskýrði Bogi Nils með því að benda á …

Í byrjun júlí tóku gildi bráðabirgðatollar á rafbíla sem fluttir eru inn frá Kína til aðildarríkja Evrópusambandsins. Var gripið til þessa eftir að rannsókn á vegum Framkvæmdastjórnar Evrópusambandsins leiddi í ljós að kínverska framleiðslan nyti óeðlilega mikils ríkisstuðnings og skaði því evrópskir rafbílaframleiðendur. Aukatollurinn, sem nú leggst ofan á þann 10 prósent toll sem fyrir …

Á öðrum ársfjórðungi í fyrra hagnaðist Icelandair um 2,1 milljarð króna fyrir skatt en núna var niðurstaðan hagnaður upp á 73 milljónir króna. Í dollurum, uppgjörsmynt Icelandair, var rekstrarafkoman (Ebit) jákvæð um 3,3 milljónir dollara en 21 milljón í fyrra. Sú niðurstaða var sú besta í mörg ár eins og sjá má. Skilyrði til flugrekstrar …

Fyrir fjórum vikum síðan boðaði Lilja Dögg Al­freðsdótt­ir, menn­ing­ar- og viðskiptaráðherra, átak í markaðssetningu á Íslandi sem áfangastað fyrir ferðamenn. Segja má að ráðherrann hafi verið að svara kalli forsvarsfólks ferðaþjónustunnar sem hvatt hefur til opinberrar kynningar á Íslandi sem áfangastað líkt og víða tíðkast. Tveimur dögum eftir að Lilja Dögg lofaði „hundruðum millj­óna“ til …

Stjórnendur Icelandair og Play gáfu það út í sumarbyrjun að fargjöld hefðu lækkað vegna mikillar samkeppni í flugi yfir Atlantshafið. Félögin tvö þurfa nú í auknum mæli að sækja á þann markað þar sem minni eftirspurn er eftir Íslandsferðum. Gallinn er hins vegar sá að farþegar sem fljúga milli Evrópu og N-Ameríku, með millilendingu á …

Í júní í fyrra voru óvenju margir bandarískir ferðamenn á landinu miðað við flugframboð. Nú í sumar hefur flugferðunum fjölgað um 12 prósent en samt fækkaði bandarískum ferðamönnum um 19 prósent í nýliðnum júní. Það er Icelandair sem er langumsvifamest í flugi héðan til Bandaríkjanna og stóð félagið undir 7 af hverjum 10 flugferðum héðan …

Víðast hvar eru gistinætur útlendinga helsti mælikvarðinn á gang mála í ferðaþjónustu enda nær eingöngu eyríki að telja ferðafólk við landamæri með einföldum hætti. Hjá frændþjóðum okkar eru gistinæturnar því aðalmálið og nú fjölgar erlendu gestunum í Noregi þónokkuð frá fyrra ári en forsvarsfólk íslenskra ferðaþjónustufyrirtækja hefur undanfarna mánuði bent á harðnandi samkeppni við þau …

helsinki yfir

Hagstofur víða birta nú nýjar verðlagsmælingar sem flestar sýna að verðbólga er á niðurleið. Nú í morgunsárið var komið að finnsku hagstofunni og þar sýna tölur að verðlag hefur hækkað um 1,3 prósent síðastliðna 12 mánuði. Á milli maí og júní fór verðbólgan niður um 0,2 prósent. Það voru lækkandi húsnæðisvextir og fallandi verð á …