Samfélagsmiðlar

Fáar brottfarir næstu daga

Það eru fáir á leið til og frá landinu þessa dagana og því hefur Icelandair dregið verulega úr framboði.

Frá Kaupmannahafnarflugvelli en þangað munu þotur Icelandair fljúga áfram.

Sjö af þeim átján brottförum sem voru á dagskrá Keflavíkurflugvallar í dag voru felldar niður. Munar þar mestu um að Icelandair hætti við sex af níu ferðum.

Útlitið er ekki betra á morgun því þá hefur öllum ferðum félagsins verið aflýst nema til Amsterdam, Boston og Kaupmannahafnar. Á fimmtudag er svo bara ein ferð á dagskrá Icelandair og þá til dönsku höfuðborgarinnar. Þann dag eru hins vegar ennþá þrjár ferðir á vegum easyJet á áætlun og jafnmargar hjá Wizz Air.

„Núna eru áhrifin af hertum takmörkunum á landamærunum að koma fyllilega í ljós. Fyrstu dagana eftir að tvöfaldri skimun var komið á var töluverður fjöldi farþega að fara frá landinu þrátt fyrir að færri kæmu til landsins sem hélt áætlun okkar gangandi,“ segir Ásdís Ýr Pétursdóttir, upplýsingafulltrúi Icelandair.

Hún bendir á að núna sé þetta að jafnast út því fáir komi og fari og verið sé að aðlaga framboðið að þeirri stöðu.

„Við vinnum þetta á sama hátt og við höfum verið að gera síðustu mánuði. Metum stöðuna og uppfærum áætlunina stutt fram í tímann og erum tilbúin að bregðast við breytingum, hvort sem það er að auka flug eða draga úr, eftir því hvernig eftirspurn og ferðatakmarkanir á mörkuðum okkar þróast,“ bætir Ásdís við.

Nýtt efni

Lufthansa-flugsamsteypan tilkynnti í dag að flugferðum til Amman í Jórdaníu, Erbil í Kúrdahéruðum Íraks og Tel Aviv í Ísrael yrði frestað til þriðjudags og ekki yrði flogið til Beirút í Líbanon og Teheran í Íran a.m.k. til fimmtudags vegna stríðsógnarinnar og hernaðaraðgerða í Mið-Austurlöndum. Á flugvellinum í Amman í Jórdaníu - MYND: Unsplash/Cila Photography Reuters-fréttastofan …

Hjá Könglum er rík áhersla lögð á að nýta afurðir úr nærumhverfinu, hvort sem það eru jurtir, afgangar eða aukaafurðir bruggunarferlisins. Sjálfbær hugsun og skynsöm nýting náttúrunnar er auk þess í farabroddi þar sem aldrei er tekið meira en náttúran hefur að gefa, svo hún geti tekið við sér aftur eftir uppskeruna. Heitið Könglar varð …

Árið 2001 starfaði Khaled Hosseini sem heimilislæknir en stundaði bókaskrif í frístundum sínum. Hann vaknaði á hverjum morgni klukkan 4:30 og sat við eldhúsborðið yfir bókaskrifum fyrstu þrjár morgunstundirnar. Síðan fór hann í sturtu, klæddi sig og keyrði á læknastofuna til að meðhöndla sjúklinga sína. En sjálfur segir höfundurinn að allan þann tíma sem hann …

Icelandair tekur í notkun þrjár nýjar Boeing Max þotur fyrir sumarvertíðina og sú fyrsta er komin til landsins en hún er fengin af lager flugvélaframleiðandans í Seattle. Hinar tvær eru splunkunýjar og segir Guðni Sigurðsson, talsmaður flugfélagsins, að þær séu báðar komnar af færibandinu og nú fari fram lokaskoðun á þeim. Von er á þessum …

Íslendingar hafa líklega önnur viðmið um það hvað sé hæfilega margt fólk samankomið á einum stað en þjóðir sem vanar eru meiri mannþröng og umferðarþunga alla daga. Sjálfsagt er það eigingjarnt og sjálfmiðað að ætlast til þess að fá að ganga einsamall í friði og ró niður Almannagjá á Þingvöllum á góðum sumardegi. Þeir dagar …

Frestur til að skila inn tilboðum í 35 prósent hlut Landsbankans í Keahótelin, eina stærstu hótelkeðju landsins, rann út fyrir síðustu jól. Ennþá er söluferlið í gangi samkvæmt svari frá bankanum en engar nýjar upplýsingar er að fá um stöðuna. Hluturinn í Keahótelunum var auglýstur til sölu í lok nóvember í fyrra og þá sagði …

Wizz Air er meðal þeirra flugfélaga í heiminum sem losa minnst af CO2 og hefur fengið alþjóðlegar viðurkenningar fyrir viðleitni til sjálfbærni. Þessi árangur skýrist fyrst og fremst af því að ungverska félagið er með nýjan flugflota í þjónustu sinni, aðallega Airbus A321neo sem flestar eru innan við fimm ára gamlar. Þá hjálpa góð sætanýting …

Þessar niðurstöður komu í ljós í könnun sem Jacques Delors-stofnunin gerði í mars í þessum löndum, en niðurstöðurnar fóru ekki mjög hátt fyrr en The Guardian gerði þær að umtalsefni á dögunum. Niðurstöðurnar þykja nefnilega athyglisverðar í ljósi þess að mikið hefur verið rætt um að bakslag hafi orðið í stuðningi almennings í Evrópu við aðgerðir í umhverfismálum. Könnunin …