Samfélagsmiðlar

Helmingi flugmanna sagt upp en starfshlutfall skert hjá flugfreyjum og flugþjónum

Nú missa 68 flugmenn Icelandair vinnuna en fyrir voru stöðugildin aðeins 138.

Flugumferðin til og frá landinu hefur dregist saman á ný og stór hluti flugflota Icelandair nýtist því ekki þessa dagana.

Áttatíu og átta starfsmenn Icelandair Group missa vinnuna nú um mánaðamótin. Stærsti hluti þess hóps eru flugmenn eða sextíu og átta einstaklingar en þar að auki er um að ræða tuttugu starfsmenn af öðrum sviðum fyrirtækisins. Í tilkynningu frá Icelandair segir að með þessum aðgerðum sé verið að bregðast við auknum samdrætti í flugi og áframhaldandi óvissu.

Þetta eru önnur mánaðamótin í röð sem gripið er til verulegs niðurskurðar hjá áhöfnum Icelandair. Um þau síðustu var starfshlutfall flugfreyja og flugþjóna fært niður í sjötíu og fimm prósent næstu átta mánuði. Var þetta gert til að koma í veg fyrir hópuppsagnir samkvæmt frétt Mbl.is.

Engin formleg beiðni um þess háttar breytingar kom þó til Félags íslenskra atvinnuflugmanna líkt og fram kom í svörum formanns félagsins við fyrirspurn Túrista. Nú liggur aftur á móti fyrir að helmingur flugmanna félagsins missir vinnuna því fyrir voru stöðugildin aðeins 138.

Til viðbótar við þessa áttatíu og átta starfsmenn sem nú missa vinnuna þá ljúka nokkrir tugir starfsmann,a sem voru á tímabundnum ráðningarsamningum, störfum nú í lok mánaðar.

„Í kjölfar vel heppnaðs hlutafjárútboðs er félagið […] vel í stakk búið til að komast í gegnum þá óvissu sem framundan er og jafnframt bregðast hratt við um leið og aðstæður leyfa. Félagið vonast til að hægt verði að draga uppsagnir til baka um leið og ástandið batnar og eftirspurn eftir flugi tekur við sér á ný,“ segir í tilkynningu frá Icelandair.

Nú er örstutt í að stór hluti þess efnis sem hér birtist verði aðeins aðgengilegt áskrifendum. Tekjur af auglýsingasölu duga einfaldlega ekki lengur til að halda úti metnaðarfullum skrifum um ferðalög og ferðaþjónustu.

Nýtt efni

Kínverjar eru leiðandi í smíði rafbíla, sem taldir eru mikilvægir vegna nauðsynlegra orkuskipta í samgöngum. Hinsvegar er Kína enn mjög háð brennslu kola, nærri 60% rafmagns í landinu er framleitt með kolum og það er enn verið að auka kolanám í landinu. Auk þess sem flutt er inn mikið af olíu og gasi. Jafnhliða er …

Það vour 1.299 bílar skráðir nýir á götuna hér á landi fyrstu þrjár vikurnar í júní og þar af 986 á vegum bílaleiga. Það jafngildir því að 24 prósent nýrra ökutækja fór til einstaklinga en á sama tíma í fyrra var hlutfallið 38 prósent samkvæmt tölum Bílgreinasambandsins sem ná til 23. júní. Þessar fyrstu þrjár …

Það voru þrjú norræn alþjóðaflugfélög sem hófu flugrekstur í Covid-faraldrinum. Hér á landi var það Play en Flyr og Norse í Noregi. Öll þrjú leigðu árið 2021 þotur á lægra verði en áður hafði þekkst og efndu til hlutafjárútboða meðal fagfjárfesta og almennings. Í byrjun síðasta árs varð Flyr gjaldþrota en rekstur þess byggði á …

Ein árangursríkasta loftslagsaðgerð síðari ára á Íslandi er líklega sú að banna urðun lífræns úrgangs. Þetta bann tók gildi í upphafi árs 2023 og árangurinn hefur ekki látið á sér standa. Smám saman hafa jákvæðar tölur verið að berast, sem gefa tilefni til bjartsýni. Það er semsagt hægt að ná árangri í loftslagsmálum, þótt margir …

Barselóna er ein vinsælasta ferðamannaborg Evrópu en óþol íbúa vegna ágangsins hefur farið vaxandi á síðustu árum - ekki síst vegna húsnæðisvanda ungs fólks sem ekki getur keppt við ferðaþjónustuna í leiguverði. Fyrri borgaryfirvöld hættu útgáfu nýrra leyfa til útleigu og lokað mörgum ferðamannaíbúðum en nú eru í farvatninu enn meiri breytingar. Airbnb og öðrum …

Í Svíþjóð kalla sumarsólstöður, eða Midsommar, á mikil hátíðarhöld þar sem síld og snaps hafa lengstum verið í aðalhlutverki. Sölutölur sænskra kaupmanna sýna þó að vinsældir síldarinnar dala ár frá ári og nú er svo komið að salan hefur helmingast frá árinu 2008. Frá þessu greinir Sænska ríkisútvarpið. Skýringin á þessari þróun liggur í bragðlaukum …

Ferðahópur á Þingvöllum

Alþingi hefur samþykkt tillögu til þingsályktunar, sem ferðamálaráðherra lagði fram í apríl, um ferðamálastefnu og aðgerðaáætlun til 2030. Öðlast þingsályktunin þegar gildi en mótun stefnunar var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira …

Ásgeir Baldurs, framkvæmdastjóri Arctic Adventures

Arctic Adventures er eitt stærsta fyrirtæki landsins í ferðaþjónustu og hefur verið að stækka starfssvið sitt, síðast með kaupum á Special Tours, sem sinnir skoðunarferðum á slóðum hvala og lunda, auk þess að reka Hvalasafnið (Whales of Iceland) í Reykjavík.  Ásgeir Baldurs tók við starfi forstjóra Arctic Adventures fyrir rúmu ári, þegar margir bundu vonir við …