Samfélagsmiðlar

Markhópurinn stækkar með fámennari ráðstefnum

Íslandsstofa tekur nú við rekstri Ráðstefnuborgarinnar Reykjavík (Meet in Reykjavík). Markaðsstjóri félagsins segir harða baráttu framundan en það felist líka tækifæri í stöðunni sem uppi er.

Ráðstefnusalur í Hörpu.

„Með þessari þessari breytingu er ekki verið draga úr starfseminni heldur þvert á móti að efla hana,“ segir Sigurður Valur Sigurðsson, markaðsstjóri, Ráðstefnuborgarinnar Reykjavík/Meet in Reykjavík sem nú verður hluti af Íslandsstofu. Þeir fjórir starfsmenn sem störfuðu hjá Ráðstefnuborginni Reykavík flytjast allir yfir til Íslandsstofu við breytinguna.

„Það eru vissulega bæði ógnanir og tækifæri í ástandinu. Margar ráðstefnur og viðburðir sjá fyrir sér að draga úr umfangi, vera að hluta á stafrænu formi o.s.frv. Í þessu gætu falist tækifæri fyrir Ísland og Reykjavík. Við erum nokkuð vel sett tæknilega til að svara aukinni spurn eftir stafrænum lausnum. Þetta mun líka þýða það að verkefni sem voru of stór fyrir áfangastaðinn eru það ekki lengur. Markhópurinn stækkar,“ segir Sigurður.

Auk þess eru vísbendingar um að eftirspurn eftir öruggum og vistvænum áfangastöðum muni aukast í framhaldi af heimsfaraldrinum bendir Sigurður á. „Þar teljum við að Ísland og Reykjavík hafi ákveðið samkeppnisforskot. Við getum þó ekki litið fram hjá því að staðan er ekki góð. Flestar spár og sviðsmyndagreiningar fyrir MICE geirann næstu árin gera ekki ráð fyrir því að hann verði kominn í svipaðar hæðir og árið 2019 fyrr en eftir 4 til 5 ár í fyrsta lagi. Þannig það er hörð barátta framundan og viðbúið að samkeppnin á markaðnum muni harðna hratt þegar storminn fer að lægja.“

Markaðsverkefnið Ráðstefnuborgin Reykjavík (Meet in Reykjavik) var sett á laggirnar árið 2012 í þeim tilgangi að kynna og markaðssetja Reykjavík og Ísland sem áfangastað fyrir fundi, ráðstefnur, hvataferðir og viðburði. Félagið hefur verið rekið sem samvinnuverkefni opinberra aðila og einkaaðila og gerir nýi rekstrarsamningurinn ráð fyrir að svo verði áfram.

Reykjavíkurborg og Íslandsstofa munu því hvort um sig leggja árlega til fjörutíu milljónir króna til verkefnisins frá næsta ári og fram til 2025. Til viðbótar greiðir Icelandair tuttugu og fimm milljónir kr. á ári og Harpa fimm milljónir.

Um fjörutíu fyrirtæki eru í dag með aðild að Meet in Reykjavík en í ár voru þó engin aðildargjöld innheimt að sögn Sigurðar vegna stöðunnar sem uppi er vegna heimsfaraldursins. 

Nú er örstutt í að stór hluti þess efnis sem hér birtist verði aðeins aðgengilegt áskrifendum. Tekjur af auglýsingasölu duga einfaldlega ekki lengur til að halda úti metnaðarfullum skrifum um ferðalög og ferðaþjónustu.

Nýtt efni

Það er stundum margt um ferðamanninn á Skólavörðustíg og á Laugavegi. Einhverjir tuða vegna þessa, segjast vilja endurheimta miðborgina, en fleiri gera sér grein fyrir því að ferðamenn hafa glætt miðborgina nýju lífi. Það er svo annað mál að ferðamannafjöldi leiðir gjarnan til einhæfni í þjónustu: Ferðamannamenn í miðborginni - MYND: ÓJ Minjagripaverslunum fjölgar óhæfilega, …

Kynnisferðir hf. hagnaðist um rúmlega 1,3 milljarða króna á síðasta ári og tvöfaldaðist hann á milli ára. Tekjur félagsins námu 14,5 milljörðum króna og jukust um 30 prósent frá í fyrra. „Við erum afar stolt af þeim árangri sem náðist í rekstri félagsins á síðasta ári þrátt fyrir hátt vaxtastig og aðrar krefjandi ytri aðstæður. …

Joe Biden, Bandaríkjaforseti, og ríkisstjórn hans með Janet Yellen, fjármálaráðherra, fremsta í flokki, hafa nú kynnt fyrstu opinberu leiðbeiningarnar fyrir markað með kolefniseiningar þar í landi. Leiðbeininginum er ætlað auka líkurnar á því að kolefniseiningar sem ganga kaupum og sölum séu af nægilegum gæðum og að verkefnin sem liggi þeim til grundvallar skili raunverulegum árangri, …

„Fyrir þessa aðgerð voru rúmlega 800 manns í störfum sem ekki eru flugtengd og uppsagnirnar náðu eingöngu til þeirra," segir Bogi Nils Bogason, forstjóri Icelandair Group, en fyrirtækið samdi í dag um starfslok 82 starfsmanna. Uppsagnirnar náðu ekki til áhafna líkt og FF7 hafði áður greint frá. „Eins og við höfum sagt þá var árið …

Ráðuneyti viðskipta og sjávarútvegsmála í Noregi kynnti fyrir tveimur árum drög að frumvarpi um að þarlendir kjarasamningar og reglur um aðbúnað næðu líka til áhafna erlendra skipa sem færu um norska lögsögu. Litið yrði svo á að um leið og erlent skip færi inn fyrir norska lögsögu giltu um það sömu reglur og alla innlenda …

Fjárfestar lögðu Play til 4,6 milljarða króna í hlutafjárútboði félagsins sem lauk þann 11. apríl síðastliðinn. Í kjölfarið urðu töluverðar breytingar á hópi stærstu hluthafa félagsins. Nú er lífeyrissjóðurinn Birta stærsti einstaki hluthafinn en samanlagt fara sjóðir á vegum Íslandssjóða fyrir enn stærri hlut. Meðal nýrra stórra hluthafa er félag í eigu Einars Sveinssonar og …

Icelandair sagði í dag upp 82 starfsmönnum en um er að ræða starfsfólk úr ýmsum deildum á skrifstofum og starfsstöðvum félagsins. Í tilkynningu er bent á að Icelandair hafi á árunum 2021 til 2023 ráðið og þjálfað um 2.500 starfsmenn og góður árangur hafi náðst við að byggja félagið hratt upp eftir heimsfaraldurinn. Nú er …

Miklar breytingar eru við sjóndeildarhringinn í grænlenskri ferðaþjónustu. Ný flugstöð verður tekin í notkun í Nuuk 28. nóvember. Síðan er ráðgert að ljúka framkvæmdum við nýjar flugstöðvar í Ilulissat og Qaqortoq á Suður-Grænlandi fyrir lok ársins 2026. Nú sinna Air Greenland og Icelandair Grænlandsflugi en færi ættu að skapast til að laða að fleiri flugfélög. …