Samfélagsmiðlar

Aðeins fjórar flugkonur eftir

Hlutfall kvenna í flugstjórnarklefa Icelandair hefur lækkað um meira en helming að undanförnu.

Það voru um sex hundruð flugmenn starfandi hjá Icelandair fyrir ári síðan. Þá var hlutfall kvenna í hópnum hærra en þekktist hjá flugfélögum á Vesturlöndum. Eftir hópuppsagnir síðustu mánaða hefur hlutfallið lækkað hratt en sambærileg þróun hefur átt sér stað úti í heimi. Stjórnendur Icelandair settu sér það markmið í fyrra að fjölga stöðugildum kvenflugmanna um fjórðung fram til ársins 2025.

Um síðustu mánaðamót misstu sextíu og átta flugmenn vinnuna hjá Icelandair en fyrir þessa síðustu hópuppsögn voru stöðugildin aðeins 138. Í byrjun sumars 2019 voru um sex hundruð flugmenn við störf hjá Icelandair.

Það lætur því nærri að níu af hverjum tíu flugmönnum félagsins hafi misst vinnuna síðastliðið ár. Í viðtali við Túrista í síðustu viku þá fullyrti Jón Þór Þorvaldsson, formaður Félags íslenskra atvinnuflugmanna, að ekkert flugfélag hafi sagt upp svo stórum hluta sinna flugmanna eins og Icelandair hefur gert.

Af þessum sjötíu flugmönnum sem eftir eru hjá félaginu eru fjórar konur samkvæmt svari Ásdísar Pétursdóttur, upplýsingafulltrúa Icelandair. Hún segir skýringu liggja í því að ráðningar flugmanna fari eftir starfsaldurslista og kynjahlutföllin taka mið af því.

Fyrir ári síðan var hlutfall flugkvenna hjá Icelandair um þrettán prósent líkt og Túristi fjallaði um á sínum tíma. Það var þá hærra en þekktist í löndunum í kringum okkur. En Icelandair var eitt þeirra fimmtíu og níu flugfélaga sem skuldbatt sig í fyrra til að hækka hlutfall kvenkyns flugmanna um fjórðung fyrir árslok 2025.

Nýtt efni

Borgaryfirvöld í Lissabon hafa samþykkt að hækka gistináttagjald úr 2 í 4 evrur. Gjaldtaka nær ekki til tjaldstæða. Þá hefur komugjald á skipafarþega verið hækkað úr 1 í 2 evrur. Tillaga um að hækka það gjald í 4 evrur var felld.  Lusa-fréttastofan hefur eftir Carlos Moedas, borgarstjóra, að það sé „sanngjarnt fyrir borgina og íbúa …

MYND: ÓJ

Kínverskir ferðamenn hafa verið töluvert áberandi í Reykjavík og víðar um land í vor. Auðvitað er fólk af kínverskum uppruna búsett um allan heim og eitthvað af því fer í Íslandsferðir en þeim hefur snarfjölgað sem koma hingað alla leið frá Alþýðulýðveldinu Kína. Samkvæmt talningu Ferðamálastofu á Keflavíkurflugvelli komu hingað í marsmánuði 8.642 Kínverjar og …

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …