Samfélagsmiðlar

Breyttur hluthafalisti eftir brotthvarf PAR Capital

Samkvæmt nýjum hluthafalista á heimasíðu Icelandair höfðu orðið miklar breytingar á eignum nokkurra af stærstu hluthafanna. Það reyndist þó ekki rétt.

Þessi grein hér fyrir neðan byggði á hluthafalista sem Icelandair birti í fyrradag (20.október). Sá reyndist þó ekki réttur og finna má nýja grein um þær breytingar sem orðið hafa á hlutafjáreign stærstu hluthafanna hér.

Bandaríski vogunarsjóðurinn seldi um fjögur hundruð og fjörutíu milljón hluti í Icelandair í lok síðustu viku. Eign sjóðsins var komin niður í rúmlega 1,5 prósent en þegar mest lét áttu Bandaríkjamennirnir 13,5 prósent í Icelandair samsteypunni. Þeir tók hins vegar ekki þátt í hlutafjárútboðinu í síðasta mánuði og þar með minnkaði vægi þeirra í hlutahafahópnum mikið. Gera má ráð fyrir að sjóðurinn hafi tapað um sex milljörðum króna á fjárfestingunni í Icelandair.

Lífeyrissjóðurinn LSR varð stærsti hluthafinn eftir útboðið og þar á eftir kom Gildi. Áfram eru þessir tveir sjóðir stærstir samkvæmt nýjum hluthafalista Icelandair. Sá nær þó aðeins yfir nítján stærstu hluthafana en félagið birtir vanalega lista yfir þá tuttugu stærstu.

Hvað sem því líður þá er ljóst að eign lífeyrissjóðsins Brúar hefur aukist umtalsvert frá útboðinu eða um nærri 418 milljón hluti. Arion banki hefur bætt ennþá meiru við eða 593 milljón hlutum eins og sjá má á töflunni hér fyrir neðan.

Nýir á listanum yfir stærstu hluthafana í Icelandair er sjóður á vegum verðbréfafyrirtækisins Akta og IS hlutabréfasjóðurinn sem Íslandssjóðir, dótturfélag Íslandsbanka, rekur.

Skýringin á því að hlutur Landsbankans hefur dregist saman um sjö hundruð milljón hluti er væntanlega sú að bankinn var uppgjörsaðili útboðsins.

Nýtt efni

Biðinni er brátt lokið og eftirvæntingarfullir aðdáendur írska rithöfundarins Sally Rooney getað andað léttar því að í liðinni viku var tilkynnt af The Wylie Agency, umboðsskrifstofu rithöfundarins, að ný bók væri væntanleg frá henni þriðjudaginn 24. september 2024.  Alex Bowler, talsmaður Faber & Faber, enska forlags rithöfundarins, sendi líka frá sér tilkynningu í tilefni af væntanlegri  …

Farþegar á Keflavíkurflugvelli gátu að jafnaði valið á milli nærri 10 brottfara á dag til höfuðborgar Bretlands í síðasta mánuði. Þetta er viðbót um eina ferð frá sama tíma í fyrra ef tillit er tekið til þess að nú er hlaupaár. London var sú borg sem oftast var flogið til frá Keflavíkurflugvelli í febrúar samkvæmt …

Það er bannað að auglýsa vín á Íslandi - nema auðvitað í amerískum samfélagsmiðlum og þeim erlendu vefsíðum sem íslenskir lesendur heimsækja. Áfengisauglýsingar eru hinsvegar mikilvæg tekjulind fjölmiðla í löndum allt í kringum okkur enda býr áfengisiðnaðurinn yfir miklu fjármagni og vill viðhalda áhuga neytenda á öllum aldri á þessum viðurkennda en varasama vímugjafa. FF7 …

Með hjálp málgreiningarforrits og athugun á orðanotkun hefur Lapo Lappin komist að því að tvær af vinsælustu bókum Camillu geta varla verið skrifaðar af höfundinum sjálfum og bendir Lappin á að textinn líkist mjög textum eftir annan rithöfund, Pascal Engman. Sjálf neitar Camilla (og það gerir Pascal einnig) öllum ásökunum og telur þær vera ávöxt öfundar …

Stundum fer rás atburða í hring. Flugvélasmiðja Spirit í Wichita var sett á stofn af Stearman Aircraft árið 1927 en tveimur árum síðar eignaðist United Aircraft and Transport Corporation fyrirtækið og rak til ársins 1934. Þá tók Boeing við rekstrinum og í heimsstyrjöldinni síðari, árið 1941, varð Spirit deild innan Boeing. Þannig hélst fyrirkomulagið til …

„Ég er búinn að vera í björgunarsveit í að verða 15 ár og í öllum útköllum tók ég Beef Jerky, þurrkað nautakjöt frá Bandaríkjunum, með mér sem nesti í neyð. Ég gekk til dæmis einu sinni þvert yfir landið, frá Reykjanestá yfir á Langanes og fyrir þá ferð gerði ég mikla leit að góðu, íslensku …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …