Samfélagsmiðlar

Gera hlé á flugi til Íslands vegna lítillar eftirspurnar og ferðatakmarkana

Það er ekki útlit fyrir að flugumferð til og frá landinu verði mikil nú í vetrarbyrjun.

Þotum erlendra flugfélaga fer fækkandi á Keflavíkurflugvelli.

Flugfélög bæði í Evrópu og vestanhafs hafa dregið úr áformum sínum fyrir veturinn í takt við aukna útbreiðslu Covid-19 og þær ferðatakmarkanir sem víða gilda. Flug erlendra flugfélaga hingað til lands lendir þá líka undir niðurskurðarhnífnum líkt og sjá má á dagskrá Keflavíkurflugvallar þessa dagana.

Eitt þeirra flugfélaga sem þó hefur haldið áfram að fljúga hingað er hið þýska Lufthansa. Á því verður þó fljótlega breyting því í svari félagsins, við fyrirspurn Túrista, segir að ákvörðun hafi verið tekin um að gera hlé á áætlunarferðunum til Íslands frá Frankfurt frá 5. nóvember og til 13. desember.

„Sú ákvörðun var tekin vegna lítillar eftirspurnar og þetta er kannski líka afleiðing áframhaldandi ferðatakmarkanna og ferðaviðvaranna. Frá og með miðjum desember er þó ætlunin að bjóða upp á tvær ferðir í viku,“ segir í svari talsmanns Lufthansa.

Auk þýska félagsins þá hafa British Airways, easyJet, Air Baltic og Wizz Air haldið úti ferðum til Keflavíkurflugvallar í haust. Icelandair býður svo upp á eina til tvær brottfarir á dag. Og forsvarsfólk þess sér fram á að flugumferðin verði mjög takmörkuð næstu vikur líkt og fram kom í tilkynningu sem Icelandair sendi frá sér í fyrradag.

Flugumferð um Keflavíkurflugvöll hefur dregist nokkru meira saman en til að mynda á stærstu flugvöllum Norðurlanda. Af þeim sökum hefur sá íslenski farið niður um fjögur sæti á listanum yfir fjölförnustu flughafnir Norðurlanda.

Nýtt efni

Borgaryfirvöld í Lissabon hafa samþykkt að hækka gistináttagjald úr 2 í 4 evrur. Gjaldtaka nær ekki til tjaldstæða. Þá hefur komugjald á skipafarþega verið hækkað úr 1 í 2 evrur. Tillaga um að hækka það gjald í 4 evrur var felld.  Lusa-fréttastofan hefur eftir Carlos Moedas, borgarstjóra, að það sé „sanngjarnt fyrir borgina og íbúa …

MYND: ÓJ

Kínverskir ferðamenn hafa verið töluvert áberandi í Reykjavík og víðar um land í vor. Auðvitað er fólk af kínverskum uppruna búsett um allan heim og eitthvað af því fer í Íslandsferðir en þeim hefur snarfjölgað sem koma hingað alla leið frá Alþýðulýðveldinu Kína. Samkvæmt talningu Ferðamálastofu á Keflavíkurflugvelli komu hingað í marsmánuði 8.642 Kínverjar og …

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …