Samfélagsmiðlar

Mettap hjá ferðaskrifstofum Arion banka

Travelco Nordic rekur í dag sex ferðaskrifstofur á Norðurlöndunum. Fyrirtækið var áður í eigu Andra Más Ingólfssonar.

Norrænu ferðaskrifstofurnar sem Arion banki tók yfir í fyrrasumar skiluðu meira tapi á síðasta ári en dæmi eru um í ferðaskrifstofurekstri í Danmörku. Jón Karl Ólafsson, stjórnarformaður Travelco Nordic, segir skýringuna liggja í miklum niðurfærslum á eignum sem rekja megi til stöðunnar sem uppi er í heiminum.

Ferðaskrifstofuveldi Andra Más Ingólfssonar heyrði undir íslenska móðurfélagið Primera Travel Group. Tvær íslenskar ferðaskrifstofur, Heimsferðir og Terra Nova, auk fimm ferðaskrifstofa á hinum Norðurlöndunum voru hluti af samsteypunni.

Flugfélagið Primera Air var það líka en það varð gjaldþrota haustið 2018. Stuttu síðar voru ferðaskrifstofurnar færðar yfir í danskt móðurfélag sem fékk heitið Travelco Nordic.

Arion banki tók þetta félag yfir í byrjun sumars 2019 og þá var yfirlýst markmið að selja reksturinn sem fyrst. Aðeins tókst að koma Terra Nova í verð áður en kórónuveirukreppan skall á í byrjun þessa árs.

Nú liggur fyrir ársreikningur Travelco Nordic fyrir síðasta ár og þar kemur fram að tapið nam 206 milljónum danskra króna. Það jafngildir 3,8 milljörðum króna miðað við meðalgengi síðasta árs en 4,5 milljörðum kr. ef horft er til gengi dagsins í dag.

Svona tap hafa þeir sem fylgst hafa með ferðaskrifstofurekstri í Danmörku ekki séð áður. Þannig hefur danski ferðamiðill Standby það eftir Ole Egholm, sem hefur greint ársreikninga í dönskum ferðageira síðustu tvo áratugi, að þetta sé mest tap sem hann hafi séð.

Aðspurður um málið þá segir Jón Karl Ólafsson, stjórnarformaður Travelco Nordic, í samtali við Túrista, að rekstrartap samsteypunnar hafi verið heldur minna en árið á undan. Aftur á móti hafi eignir verið færðar niður vegna stöðunnar sem uppi er vegna Covid-19 heimsfaraldurisins. Tekjurnar hafi nefnilega dregist verulega saman og pantanir fram í tímann sömuleiðis. Einnig hafði gjaldþrot Primera Air slæm áhrif á afkomuna í fyrra segir Jón Karl.

Nýtt efni

Í byrjun apríl tók Einar Örn Ólafsson við sem forstjóri Play eftir að hafa verið stjórnarformaður þess allt frá því að félagið hóf áætlunarflug fyrir bráðum þremur árum síðan. Stuttu eftir að Einar Örn settist á forstjórastólinn réði hann Sigurð Örn Ágústsson, fyrrum forstjóra Bláfugls, sem framkvæmdastjóra viðskiptaþróunar og gerði Arnar Má Magnússon að aðstoðarforstjóra. …

Samkvæmt nýútkominni ársskýrslu Ferðamálaráðs Grænlands - Visit Greenland fjölgaði flugfarþegum sem komu til Grænlands um 9 prósent á síðasta ári. Met fyrra árs var þar með slegið. Alls voru 64.910 taldir við brottför frá landinu, tæplega 40 þúsund Grænlendingar og nærri 37 þúsund Danir. Af einstökum öðrum þjóðahópum voru Þjóðverjar fjölmennastir, nærri 3.600, Bandaríkjamenn rúmlega …

Ef ekki nást samningar milli Norwegian og norska flugmanna félagsins fyrir lok vinnuvikunnar þá munu 17 flugmenn félagsins leggja niður störf strax um helgina. Alf Hansen, formaður félags flugmanna hjá Norwegian, segir að krafa sé gerð um bæði hærri laun og betri vinnutíma. „Við vinnum sex af hverjum níu helgum. Til viðbótar er vinnuálagið mest …

Þetta eru góðar fréttir fyrir starfsmenn Mirafiori-verksmiðja Fiat í Tórínó, eins anga Stellantis-samsteypunnar, en bakslag í augum þeirra sem vilja ekkert hik í orkuskiptum í samgöngum. Eitt sinn var Mirafiori stærsta verksmiðjuhverfi Ítalíu og þar starfar enn elsta bílaverksmiðja Evrópu. En í bílaiðnaði nútímans lifir enginn á fornri frægð. Verði blendingsútgáfa af litla 500e smíðuð …

Evrópuþingið hefur samþykkt tilskipun Framkvæmdastjórnar ESB um kolefnishlutlausan iðnað, Net Zero Industry Act, eða NZIA, sem ætlað er að efla vistvænan iðnað í Evrópu og auka framleiðsluafköst í hreinorkutækni. Samræmdar reglur og fyrirsjáanleiki í viðskiptaumhverfi græns iðnaðar eiga að skila sér í meiri samkeppnishæfni og styrk iðnaðar í álfunni og fjölgun sérhæfðra starfa. Vonast er …

Komið hefur í ljós að gjaldtaka af ferðamönnum sem koma til Feneyja hefur ekki náð þeim tilgangi sínum að hemja troðningstúrisma í borginni fögru við Adríahaf. Dagpassarnir svonefndu hafa þvert á móti valdið ólgu meðal íbúa og ruglað ferðamenn í ríminu. Útgáfa passanna hófst 25. apríl og verður ekki sagt að á þeim mánuði sem …

Bílaframleiðendur í Brasilíu hafa fulla trú á því að auk þess sem notaðir verði málmar á borð við litíum, nikkel og kóbalt til að búa til bílarafhlöður verði líka þörf á gamla, góða sykrinum til að gera samgöngur vistvænni í framtíðinni. Flestir bílar sem framleiddir eru fyrir Brasilíumarkað ganga fyrir blöndu af bensíni og etanóli, …

Loftslagsráðstefna Sameinuðu þjóðanna (COP29) fer fram í Bakú í Aserbaísjan dagana 11. – 22. nóvember og nú á föstudaginn rennur úr frestur til að skila inn umsóknum um þátttöku í viðskiptasendinefnd Íslands. Að hámarki 50 manns fá þar sæti en gert er ráð fyrir að hvert fyrirtæki sendi að hámarki tvo fulltrúa. Í sendinefndinni sem …