Samfélagsmiðlar

Telur að fargjöldin verði áfram undir pressu

Forstjóri SAS gerir ráð fyrir að framboð á flugi verði meira en eftirspurnin þegar hjólin fara að snúast á ný. Framtíðarsýn Icelandair er önnur.

Rickard Gustafsson, forstjóri SAS.

„Ég tel að samkeppnin verði áfram mikil. Flugfélög hafa tæmt sjóði sína en búa yfir mikilli afkastagetu, fjölda flugvéla, og það kostar sitt. Þoturnar þurfa að komast á loft og skapa tekjur. Þar með verður framboðið meira en eftirspurnin og það setur pressu á fargjöldin.“

Þetta segir Rickard Gustafsson, forstjóri SAS, í viðtali við Dagens Industri, þar sem hann er spurður hvort farþegar megi búast við hærri fargjöldum, færri brottförum og minna úrvali af áfangastöðum. Forstjórinn segist hins vegar ekki gera ráð fyrir að staða neytenda breytist mikið eftir að heimsfaraldrinum lýkur.

Hjá Icelandair er gert ráð fyrir hærri einingatekjum

Í áætlunum Icelandair, sem birtar voru í tengslum við nýlegt hlutafjárútboð félagsins, er hins vegar gert ráð fyrir að einingatekjur hækki næstu ár. Og þá þurfa fargjöldin að fara upp á við. Staðreyndin er hins vegar sú að einingatekjur Icelandair hafa farið lækkandi síðustu ár eins og Túristi hefur rakið.

Spá Icelandair um hækkun einingatekna byggir á betra skipulagi á leiðakerfi félagsins og bættri tekjustýringu líkt og Bogi Nils Bogason, forstjóri félagsins, fór yfir hér á síðunni í sumarlok.

Stóra spurningin: Minni eða meiri samkeppni á Norður-Atlantshafi?

Hjá Icelandair horfa þau líka til þess að samkeppni í flugi yfir Norður-Atlantshafið minnki og það hafi líka jákvæð áhrif á einingatekjurnar eða RASK eins og talað er um í fluggeiranum.

„Við teljum líklegt að flest flugfélög muni einbeita sér að því að styrkja „hub starfsemi” sína næstu árin. Þetta mun valda færri beinum flugum á N-Atlantshafsmarkaðnum sem mun gera „1-stop” vöru okkar, í gegnum Ísland, mjög álitlega og þar með hækka RASK,”

Norski fluggreinandinn Hans Jørgen Elnæs telur aftur á móti að samkeppni í flugi milli Evrópu og Norður-Ameríku verði áfram hörð. „Þar með yrði pressa sett á tengiflug Icelandair og fargjöld félagsins gætu þá þróast á neikvæðan hátt því flug með millilendingu á Íslandi verður að vera samkeppnishæft í verði við beina flugið sem keppinautarnir bjóða,” útskýrði Norðmaðurinn í samtali við Túrista í ágúst.

Nýtt efni

Biðinni er brátt lokið og eftirvæntingarfullir aðdáendur írska rithöfundarins Sally Rooney getað andað léttar því að í liðinni viku var tilkynnt af The Wylie Agency, umboðsskrifstofu rithöfundarins, að ný bók væri væntanleg frá henni þriðjudaginn 24. september 2024.  Alex Bowler, talsmaður Faber & Faber, enska forlags rithöfundarins, sendi líka frá sér tilkynningu í tilefni af væntanlegri  …

Farþegar á Keflavíkurflugvelli gátu að jafnaði valið á milli nærri 10 brottfara á dag til höfuðborgar Bretlands í síðasta mánuði. Þetta er viðbót um eina ferð frá sama tíma í fyrra ef tillit er tekið til þess að nú er hlaupaár. London var sú borg sem oftast var flogið til frá Keflavíkurflugvelli í febrúar samkvæmt …

Það er bannað að auglýsa vín á Íslandi - nema auðvitað í amerískum samfélagsmiðlum og þeim erlendu vefsíðum sem íslenskir lesendur heimsækja. Áfengisauglýsingar eru hinsvegar mikilvæg tekjulind fjölmiðla í löndum allt í kringum okkur enda býr áfengisiðnaðurinn yfir miklu fjármagni og vill viðhalda áhuga neytenda á öllum aldri á þessum viðurkennda en varasama vímugjafa. FF7 …

Með hjálp málgreiningarforrits og athugun á orðanotkun hefur Lapo Lappin komist að því að tvær af vinsælustu bókum Camillu geta varla verið skrifaðar af höfundinum sjálfum og bendir Lappin á að textinn líkist mjög textum eftir annan rithöfund, Pascal Engman. Sjálf neitar Camilla (og það gerir Pascal einnig) öllum ásökunum og telur þær vera ávöxt öfundar …

Stundum fer rás atburða í hring. Flugvélasmiðja Spirit í Wichita var sett á stofn af Stearman Aircraft árið 1927 en tveimur árum síðar eignaðist United Aircraft and Transport Corporation fyrirtækið og rak til ársins 1934. Þá tók Boeing við rekstrinum og í heimsstyrjöldinni síðari, árið 1941, varð Spirit deild innan Boeing. Þannig hélst fyrirkomulagið til …

„Ég er búinn að vera í björgunarsveit í að verða 15 ár og í öllum útköllum tók ég Beef Jerky, þurrkað nautakjöt frá Bandaríkjunum, með mér sem nesti í neyð. Ég gekk til dæmis einu sinni þvert yfir landið, frá Reykjanestá yfir á Langanes og fyrir þá ferð gerði ég mikla leit að góðu, íslensku …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …