Samfélagsmiðlar

Af hverju Tenerife en ekki Alicante?

Bogi Nils Bogason, forstjóri Icelandair Group, segir eðlilegt að velta fyrir sér fyrirkomulagi félagsins á flugi til Spánar á næsta ári. Í Alicante og nágrenni búa þrefalt fleiri en á Tenerife sem er vísbending um að sú fyrrnefnda henti betur leiðakerfi Icelandair.

Um 2,7 milljónir manna búa í nágrenni við flugvöllinn í Alicante eða um þrefalt fleiri en á Tenerife.

Hingað til hefur flug Icelandair til Tenerife takmarkast við leiguflug fyrir ferðaskrifstofur, þar á meðal systurfyrirtækið Vita. Nú ætlar Icelandair hins vegar að spreyta sig á áætlunarflugi til spænsku eyjunnar. Norwegian og þar á undan WOW air hefur haft yfirburðastöðu í flugi til spænsku eyjunnar frá Keflavíkurflugvelli líkt og Túristi fjallaði um.

Norska flugfélagið hefur líka verið stórtækt í flugi til Alicante á meginlandi Spánar. Nú er framtíð norska flugfélagsins mjög óljós en Icelandair ætlar þó ekki að hefja áætlunarflug til Alicante. Þess í stað mun Icelandair eingöngu fljúga þangað í nafni Vita.

Þar með verður Alicante ekki hluti af leiðakerfi Icelandair og íbúar borgarinnar geta þá ekki bókað flug vestur um haf með Icelandair með millilendingu á Íslandi. Samtals búa 2,7 milljónir manna í innan við klukkutíma akstursfjarlægð frá flugvellinum í Alicante eða um þrefalt fleiri en búa á Tenerife.

Spurður af hvort ekki hefði verið skynsamlegra að bæta Alicante frekar við leiðakerfi Icelandair en Tenerife þá segir Bogi Nils Bogason, forstjóri Icelandair Group og stjórnarformaður Vita, að eðlilegt sé að velta fyrirkomulaginu fyrir sér.

„Icelandair Group mun halda uppi flugi til Alicante og Tenerife á næsta ári eins og undanfarin ár. Nú tókum við ákvörðun um að selja Tenerife bæði í gegnum VITA og Icelandair en halda Alicate óbreyttu. Við teljum það vera skynsama ákvörðun á þessu stigi,“ segir Bogi Nils.

Nýtt efni

Vaxandi óánægju gætir meðal leigusala og húsnæðismiðlara í Bandaríkjunum með það ægivald sem Airbnb hefur á skammtímaleigumarkaðnum. Margir eru sagðir leita leiða til að afla leigutekna utan eða meðfram kerfi bandaríska risans, sem gerir stöðugt meiri kröfur til þeirra sem leigja út vegna þrýstings frá samfélögum sem stynja undan umfangi og markaðsáhrifum skammtímaleigu til ferðafólks.  …

Flugsamstæðan Air France KLM hefur greint frá því að rekstrarhagnaður á síðasta ársfjórðungi hafi minnkað um 30% og er það verri afkoma en flugmálasérfræðingar bjuggust við. Helstu skýringar eru sagðar aukinn starfskostnaður og hærra olíuverð en búist var við. Þetta er veruleiki sem önnur flugfélög hafa almennt verið að kljást við. Á öðrum ársfjórðungi nam …

Þegar stjórnendur Play kynntu í apríl sl. uppgjör fyrirtækisins fyrir fyrstu þrjá mánuði ársins þá brugðu þeir út af vananum og birtu engan árshlutareikning. Þar með fengu fjárfestar og greinendur ekki aðgang að uppfærðum efnahagsreikningi fyrir flugfélagið þar sem meðal annars eigna- og skuldastaða kemur fram. Um leið fengust ekki upplýsingar um hvert eiginfjárhlutfall félagsins …

Suður-kóreski rafhlöðuframleiðandinn LG Energy Solution (LGES) á í viðræðum við þrjá ónefnda kínverska birgja um að framleiða ódýrar bílarafhlöður fyrir Evrópumarkað og bregðast þannig við hærri verndartollum Evrópusambandsins á rafbíla frá Kína.  Þetta hefur Reuters-fréttastofan eftir háttsettum heimildarmanni innan LGES, sem er í hópi stærstu rafhlöðuframleiðenda heims ásamt CATL í Kína, Panasonic í Japan og …

Þó margir njóti guðaveiga í sumarfríinu þá er hásumarið rólegur tími í heimi vínviðskipta. Það er löngu búið að ganga frá sölu á framleiðslu liðins árs en beðið tíðinda af næstu vínuppskeru. Þegar horft er á heildina þá hefur dregið úr vínsölu vegna efnahagsþrenginga og breyttra neysluhátta. En loftslagsbreytingar valda vínbændum víða erfiðleikum og hafa …

Það kemur skýrt fram í afkomutölum rafbílaframleiðandans Tesla að hægt hefur á orkuskiptum í bílasamgöngum. Á fyrri helmingi ársins hefur Tesla selt um 831 þúsund rafbíla en Elon Musk hafði spáð því að á árinu öllu myndu seljast um 1,8 milljónir bíla. Það vantar því enn mikið upp á að sú spá rætist. Sala Tesla …

Áður en Play fór í loftið sumarið 2021 var efnt til hlutafjárútboðs þar sem söfnuðust 10 milljarðar króna. Umsjón með útboðinu höfðu Arctica Finance og Arion banki en þessi tvö fjármálafyrirtæki komu einnig að fjármögnun Wow Air á sínum tíma. Í útboði meðal almennings reyndist umframeftirspurnin áttföld. Í kynningarefni sem fylgdi hlutafjárútboðinu var aðeins ein …

„Okkur er ánægja að tilkynna um fjölgun A350-900-véla í utanlandsflugi og A321neo í innanlandsflugi,“ segir Yukio Nakagawa, innkaupastjóri Japan Airlines, í tilkynningu félagsins um samninga við Airbus um kaup á nýjum þotum. „Með því að flýta því að taka í notkun nýjustu og sparneytnustu flugvélarnar viljum við veita viðskiptavinum okkar besta hugsanlegu þjónustu um leið …