Samfélagsmiðlar

Fargjöldin lægri í heimsfaraldrinum

Tekjur á hvern floginn kílómetra drógust verulega saman hjá Wizz air á tímabilinu mars til september. Ef áætlun Icelandair stenst í ár munu einingatekjurnar þar á bæ vera um sjötíu prósent hærri í ár.

Wizz Air hefur haldið úti áætlunarflugi til Íslands frá nokkrum evrópskum borgum og nýverið bættist við flug hingað frá Dortmund og Mílanó. Nú liggja þó flestar ferðir niðri.

Það voru 6,5 milljón farþega sem nýttu sér áætlunarferðir Wizz Air á tímabilinu mars til september í ár. Þeir voru 22,1 milljón á sama tíma í fyrra og samdrátturinn nemur því 70,1 prósenti. Þetta kemur fram í uppgjöri félagsins sem birt var nú í morgun. Félagið tapaði 243 milljónum evra á þessu sex mánaða tímabili en það samsvarar um 40 milljörðum króna.

Einingatekjur Wizz Air lækkuðu um 34,7 prósent á sama tíma eða úr 4,39 evrucentum í 2,86. Þetta er sterk vísbending um að farmiðaverð hafi lækkað umtalsvert á tímabilinu.

Til samanburðar má gera sérfræðingar Icelandair gera ráð fyrir að einingatekjur félagsins lækki um 7 prósent í ár, í dollurum talið. Gangi sú áætlun eftir þá verða tekjur Icelandair á hvern floginn kílómetra 67 prósent hærri en þær voru að jafnaði hjá Wizz Air frá mars og fram til loka september.

Josef Varadi, forstjóri Wizz Air, segir í tilkynningu að hann geri ráð fyrir að veturinn verði mikil áskorun í ljósi þeirra ferðatakmarkana sem nú gilda og minnkandi eftirspurnar á þessum tíma árs.

Líkt og svo margir aðrir forstjórar í fluginu er forstjóri Wizz Air sannfærður um að félagið sitt nái góðri viðspyrnu þegar ferðalög taka við sér á ný.

Nýtt efni

„Tilgangurinn er að sýna hvað höfuðborgarsvæðið hefur að bjóða í ferðaþjónustu og byggja upp þekkingu meðal þeirra sem í henni starfa," sagði Inga Hlín Pálsdóttir, framkvæmdastjóri Markaðsstofu höfuðborgarsvæðisins, þegar FF7 hitt hana skömmu eftir að sýningin HITTUMST var opnuð í Hafnarhúsinu í dag. Nokkur hópur var þegar kominn að skoða það sem í boði er …

Hilton-hótelkeðjan hefur gert samning um byggingu og rekstur tveggja hótela hér á landi í samstarfi við Bohemian Hotels ehf. Stefnt er að því að opna það fyrra við Hafnarstræti á Akureyri næsta sumar en þar verða 70 herbergi og mun hótelið bera heitið Skáld Hótel Akureyri. Seinna hótelið opnar við Bríetartún, við hlið Frímúrarahallarinnar í …

Flugfélagið Play hefur hafið miðasölu á flugi til Cardiff í Wales og er þetta gert vegna mikils áhuga á leikjum íslenska karlalandsliðsins í knattspyrnu gegn Wales í Þjóðadeildinni sem fara fram næstkomandi haust.  Þetta kemur fram í tilkynningu. Íslenska liðið mætir liði Wales á Laugardalsvelli 11. október en liðin mætast aftur á heimavelli Wales í Cardiff …

Í þeirri viðleitni að hemja troðningstúrisma hafa borgaryfirvöld í Amsterdam ákveðið að leyfa ekki byggingu fleiri hótela í miðborginni. Þrátt fyrir að kröfur hafi verið hertar í borginni gagnvart nýbyggingum hótela þá eru yfir 20 hótel nú á teikniborðinu, segir NL Times. Takmörkunin nær auðvitað ekki til þeirra hótela sem þegar hafa verið samþykkt. Túristar …

Como-vatn á Langbarðalandi dregur til sín um 1,4 milljónir ferðamanna á ári - og í glæsihúsum við vatnið hefur margt frægt og ríkt fólk athvarf. Meðal þeirra sem eiga hús þarna eru George Clooney, Donnatella Versace og Richard Branson. Kannski er það ekki síst efnaða fólkið sem orðið er þreytt á átroðningi - að venjulegir …

Allt frá því að Play var skráð á hlutabréfamarkað sumarið 2021 og fram til ársloka 2022 var Fiskisund ehf. stærsti hluthafinn í Play með 8,6 prósenta hlut. Fyrir Fiskisundi fóru þau Kári Þór Guðjónsson, Halla Sigrún Hjartardóttir og Einar Örn Ólafsson, sem lengi var stjórnarformaður flugfélagsins en settist í forstjórastólinn um síðustu mánaðamót. Einar Örn átti einnig …

Flugstöðin í Changi í Singapúr er ekki lengur í efsta sæti á árlegum lista Skytrax yfir bestu flugvellina heldur í öðru sæti. Hamad alþjóðaflugvöllurinn í Doha í Katar toppar nú listann sem birtur var í gær en hann byggir á einkunnagjöf farþega. Í þriðja sæti er Incheon í Seoul en í næstu tveimur sætum eru …

Fyrsta skemmtiferðaskip ársins kom til Ísafjarðar um síðustu helgi, þýska AIDAsol með nærri í 2.200 farþega. Á sunnudag koma tvö skip með væntanlega 3.000 - 4.000 farþega. Það er farþegafjöldi undir öllum viðvörunarmörkum sem Ísafjarðarbær ætlar að fylgja í framtíðinni vegna komu skemmtiferðaskipa. Nýsamþykktar fjöldatakmarkanir gilda raunar ekki á þessu ári þar sem bókanir hafa …