Samfélagsmiðlar

Um 12 milljarða króna kröfur í þrotabú ferðaskrifstofanna

TravelCo Nordic var í eigu Arion banka og þar áður Andra Más Ingólfssonar. Skiptastjóri fyrirtækisins hefur óskað eftir því að bókhald fyrirtækisins verði skoðað nokkur ár aftur í tímann.

Nú er mánuður liðinn frá því að TravelCo Nordic, móðurfélag Heimsferða, varð gjaldþrota. Félagið var skráð í Danmörku og var í eigu Arion banka en bankinn tók reksturinn yfir í uppgjöri sínum við Andra Má Ingólfsson í fyrra.

Samtals tilheyrðu sex norrænar ferðaskrifstofur TravelCo Nordic en Arion banki keypti Heimsferðir og vörumerki dönsku ferðaskrifstofunnar Bravo Tours úr þrotabúinu.

Það stefnir engu að síður í að gjaldþrot TravelCo Nordic komist í metbækurnar í Danmörku. Kröfur í þrotabúið nema rúmlega hálfum milljarði danskra króna eða nærri tólf milljörðum íslenskra króna. Eignir þrotabúsins munu vera litlar eða um 800 milljónir króna.

Ekki eru mörg dæmi um álíka stór gjaldþrot í dönskum ferðageira samkvæmt frétt Finans.

Þar er haft eftir skiptastjóra þrotabúsins að endurskoðendur hafi verið fengnir til að fara ofan í saumana á reikningshaldi TravelCo Nordic. Fyrrum endurskoðendur fyrirtækisins vildu til að mynda ekki skrifa upp á síðasta ársreikning fyrirtækisins.

Skiptastjóri segir að bókhald ferðaskrifstofanna verði skoðað nokkur ár aftur í tímann og gengið úr skugga um að þar leynist ekki saknæmar eða afturkræfar færslur.

Líkt og Túristi hefur áður fjallað um þá hefur stjórn danska ferðaábyrgðasjóðsins farið fram á að ríkislögmaður í Danmörku taki til skoðunar gjaldþrot TravelCo Nordic.

Nýtt efni

Vaxandi óánægju gætir meðal leigusala og húsnæðismiðlara í Bandaríkjunum með það ægivald sem Airbnb hefur á skammtímaleigumarkaðnum. Margir eru sagðir leita leiða til að afla leigutekna utan eða meðfram kerfi bandaríska risans, sem gerir stöðugt meiri kröfur til þeirra sem leigja út vegna þrýstings frá samfélögum sem stynja undan umfangi og markaðsáhrifum skammtímaleigu til ferðafólks.  …

Flugsamstæðan Air France KLM hefur greint frá því að rekstrarhagnaður á síðasta ársfjórðungi hafi minnkað um 30% og er það verri afkoma en flugmálasérfræðingar bjuggust við. Helstu skýringar eru sagðar aukinn starfskostnaður og hærra olíuverð en búist var við. Þetta er veruleiki sem önnur flugfélög hafa almennt verið að kljást við. Á öðrum ársfjórðungi nam …

Þegar stjórnendur Play kynntu í apríl sl. uppgjör fyrirtækisins fyrir fyrstu þrjá mánuði ársins þá brugðu þeir út af vananum og birtu engan árshlutareikning. Þar með fengu fjárfestar og greinendur ekki aðgang að uppfærðum efnahagsreikningi fyrir flugfélagið þar sem meðal annars eigna- og skuldastaða kemur fram. Um leið fengust ekki upplýsingar um hvert eiginfjárhlutfall félagsins …

Suður-kóreski rafhlöðuframleiðandinn LG Energy Solution (LGES) á í viðræðum við þrjá ónefnda kínverska birgja um að framleiða ódýrar bílarafhlöður fyrir Evrópumarkað og bregðast þannig við hærri verndartollum Evrópusambandsins á rafbíla frá Kína.  Þetta hefur Reuters-fréttastofan eftir háttsettum heimildarmanni innan LGES, sem er í hópi stærstu rafhlöðuframleiðenda heims ásamt CATL í Kína, Panasonic í Japan og …

Þó margir njóti guðaveiga í sumarfríinu þá er hásumarið rólegur tími í heimi vínviðskipta. Það er löngu búið að ganga frá sölu á framleiðslu liðins árs en beðið tíðinda af næstu vínuppskeru. Þegar horft er á heildina þá hefur dregið úr vínsölu vegna efnahagsþrenginga og breyttra neysluhátta. En loftslagsbreytingar valda vínbændum víða erfiðleikum og hafa …

Það kemur skýrt fram í afkomutölum rafbílaframleiðandans Tesla að hægt hefur á orkuskiptum í bílasamgöngum. Á fyrri helmingi ársins hefur Tesla selt um 831 þúsund rafbíla en Elon Musk hafði spáð því að á árinu öllu myndu seljast um 1,8 milljónir bíla. Það vantar því enn mikið upp á að sú spá rætist. Sala Tesla …

Áður en Play fór í loftið sumarið 2021 var efnt til hlutafjárútboðs þar sem söfnuðust 10 milljarðar króna. Umsjón með útboðinu höfðu Arctica Finance og Arion banki en þessi tvö fjármálafyrirtæki komu einnig að fjármögnun Wow Air á sínum tíma. Í útboði meðal almennings reyndist umframeftirspurnin áttföld. Í kynningarefni sem fylgdi hlutafjárútboðinu var aðeins ein …

„Okkur er ánægja að tilkynna um fjölgun A350-900-véla í utanlandsflugi og A321neo í innanlandsflugi,“ segir Yukio Nakagawa, innkaupastjóri Japan Airlines, í tilkynningu félagsins um samninga við Airbus um kaup á nýjum þotum. „Með því að flýta því að taka í notkun nýjustu og sparneytnustu flugvélarnar viljum við veita viðskiptavinum okkar besta hugsanlegu þjónustu um leið …