Samfélagsmiðlar

Óbreyttur starfsmannafjöldi hjá Play

Biðin eftir endalokum heimsfaraldursins verður erfiðari fyrir keppinautana að mati forstjóri Play. Rekstur félagsins kostar tugi milljóna á mánuði.

Arnar Már Magnússson, forstjóri Play.

Upphaflega átti Play að hefja flugrekstur í byrjun þessa árs en þá tókst ekki að ljúka fjármögnun félagsins. Útbreiðsla kórónuveirunnar setti áformin út af sporinu stuttu síðar en í sumarbyrjun bundu forráðamenn Play vonir við að jómfrúarferðin yrði farin nú í haust.

Í ágúst hafði Túristi það svo eftir Arnari Má Magnússyni, forstjóra Play, að líklega yrði beðið lengur með að hefja áætlunarflug.

Það varð líka raunin enda hafa samgöngur milli landa á ný dregist saman. Það hefur þó ekki haft áhrif á fjölda starfa hjá Play. Þar vinna í dag 38 manns líkt og í sumar samkvæmt upplýsingum frá félaginu.

Í því samhengi má rifja upp að rekstur fyrirtækisins kostar á bilinu 30 til 50 milljónir króna á mánuði eins og fram kom í viðtali Viðskiptablaðsins við Elías Skúla Skúlason, stjórnarformann og eiganda Play, í sumar.

Hundruðir milljóna í reksturinn

Rekstrarkostnaðurinn frá því í sumar hefur þá numið að lágmarki um 200 milljónum króna og að öllu óbreyttu mun sú upphæð að lágmarki tvöfaldast fram á vorið.

Þrátt fyrir það er forstjóri Play rólegur. „Play getur beðið lengi eftir COVID vegna þess að gríðarleg vinna hefur verið lögð í undirbúning flugs eftir COVID. Það verður erfiðara fyrir keppinautana að bíða en Play,“ segir Arnar Már, í svari til Túrista.

Eignarhald Play var í fyrra flutt úr félaginu Neo ehf. yfir í Fea ehf. Það síðarnefnda er eigu Elíasar Skúla stjórnarformanns. Gamla móðurfélagið, Neo ehf., tapaði hins vegar 54,4 milljónum króna í fyrra.

Verða fyrst að leigja þotu

Þar unnu sautján manns í fyrra og námu launagreiðslur Neo ehf. um eitt hundrað milljónum króna. Sá kostnaður var eignfærður og eins var flugrekstrarleyfi Play bókfært á 96,6 milljónir.

Til að fá flugrekstrarleyfið verður Play þó fyrsta að leigja flugvél. Í framhaldinu er hægt að sækja um afgreiðslutíma á flugvöllum svo hefja sölu á farmiðum.

Í samkeppni á öllum leiðum

Það hefur áður komið fram að Play setur stefnuna á áætlunarflug til bæði Evrópu og Norður-Ameríku. Í öllum tilvikum er um að ræða áfangastaði sem þegar er flogið til frá Keflavíkurflugvelli að Baltimore í Bandaríkjunum undanskildum.

Flugvöllur þeirrar borgar er reyndar skammt frá höfuðborg Bandaríkjanna, Washington D.C. en þangað fljúga þotur Icelandair en þá á Dulles flugvelli.

Nýtt efni

Borgaryfirvöld í Lissabon hafa samþykkt að hækka gistináttagjald úr 2 í 4 evrur. Gjaldtaka nær ekki til tjaldstæða. Þá hefur komugjald á skipafarþega verið hækkað úr 1 í 2 evrur. Tillaga um að hækka það gjald í 4 evrur var felld.  Lusa-fréttastofan hefur eftir Carlos Moedas, borgarstjóra, að það sé „sanngjarnt fyrir borgina og íbúa …

MYND: ÓJ

Kínverskir ferðamenn hafa verið töluvert áberandi í Reykjavík og víðar um land í vor. Auðvitað er fólk af kínverskum uppruna búsett um allan heim og eitthvað af því fer í Íslandsferðir en þeim hefur snarfjölgað sem koma hingað alla leið frá Alþýðulýðveldinu Kína. Samkvæmt talningu Ferðamálastofu á Keflavíkurflugvelli komu hingað í marsmánuði 8.642 Kínverjar og …

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …