Samfélagsmiðlar

Tekjur af hótelrekstrinum niður um 371 milljón króna

Radisson Blu 1919 hótelið í Tryggvagötu eru í eigu fasteignafélagsins Eikar. Tekjur hótelsins námu aðeins 8 milljónum króna á öðrum fjórðungi ársins. Þær hækkuðu svo í sumar en samdrátturinn milli ára er mikill.

Það var í mars sem útbreiðsla kórónaveirunnar fór að hafa veruleg áhrif á ferðir fólks á Vesturlöndum. Í þeim mánuði fækkaði farþegum á Keflavíkurflugvelli um tvo þriðju og nýting á hótelherbergjum höfuðborgarinnar lækkaði niður í 38 prósent.

Herbergjanýtingin fór svo niður í þrjú til fimm prósent í apríl og maí en hún batnaði aðeins í sumar.

Tekjur Radisson 1919 hótelsins við Tryggvagötu lækkuðu að sama skapi verulega eins og sjá má í uppgjörum fasteignafélagsins Eikar sem á hótelið.

Fyrstu níu mánuði ársins námu rekstrartekjurnar aðeins 154 milljónum kr. en voru 525 milljónir kr. á sama tíma í fyrra. Lækkunin nemur 371 milljón kr.

Á öðrum fjórðungi ársins, apríl til júní, voru tekjur Radisson 1919 hótelsins aðeins átta milljónir kr. en höfðu verið 149 milljónir á sama tíma í fyrra. Á þriðja fjórðungi hækkuðu tekjurnar upp í 36 milljónir en þær höfðu verið 229 milljónir yfir þennan háannatíma ársins í fyrra.

Kostnaðurinn við rekstur hótelsins þessa sex mánuði lækkaði úr 260 milljónum í 94 milljónir. En eins og sjá má á súluritinu þá hefur kostnaðurinn dregist hlutfallslega minna saman en tekjurnar í ár.

Nýtt efni

Borgaryfirvöld í Lissabon hafa samþykkt að hækka gistináttagjald úr 2 í 4 evrur. Gjaldtaka nær ekki til tjaldstæða. Þá hefur komugjald á skipafarþega verið hækkað úr 1 í 2 evrur. Tillaga um að hækka það gjald í 4 evrur var felld.  Lusa-fréttastofan hefur eftir Carlos Moedas, borgarstjóra, að það sé „sanngjarnt fyrir borgina og íbúa …

MYND: ÓJ

Kínverskir ferðamenn hafa verið töluvert áberandi í Reykjavík og víðar um land í vor. Auðvitað er fólk af kínverskum uppruna búsett um allan heim og eitthvað af því fer í Íslandsferðir en þeim hefur snarfjölgað sem koma hingað alla leið frá Alþýðulýðveldinu Kína. Samkvæmt talningu Ferðamálastofu á Keflavíkurflugvelli komu hingað í marsmánuði 8.642 Kínverjar og …

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …