Samfélagsmiðlar

Helmingurinn vill ekki fljúga með Boeing MAX

Starfsmenn American Airlines gera nú MAX þoturnar klárar fyrir farþegaflug á ný.

Þegar ástæður kyrrsetningar Boeing MAX þotanna eru rifjaðar upp fyrir fólki þá segist fimmtíu og sjö prósent aðspurðra ekki líklegt til að fljúga með Boeing MAX þotu. Þrjátíu og sjö prósent svarenda ætlar að bíða í alla vega hálft ár með að setjast upp í þess háttar flugvél.

Þetta sýna niðurstöður nýrrar könnunar á vegum Reuters í Bandaríkjunum en á morgun er fyrsta áætlunarflug American Airlines með Boeing MAX þotu á dagskrá. Flogið verður milli New York og Miami.

Talsmenn flugfélagsins hafa gefið út að enginn verði neyddur til að fljúga með þotunum og farþegum standi til boða ferðir með öðrum flugvélum félagsins ef þeir kjósa það heldur.

Það var í mars í fyrra sem Boeing MAX þotur voru kyrrsettar um heim allan í kjölfar tveggja flugslysa þar sem 346 manns misstu lífið.

Flugmálayfirvöld vestanhafs afléttu kyrrsetningu þotanna um miðjan nóvember og búist er við að evrópsk flugmálayfirvöld geri slíkt hið sama um miðjan janúar.

Icelandair gerir ráð fyrir MAX þotunum í sína flugáætlun í vor og sumaráætlun félagsins gerir ráð fyrir að eingöngu þess háttar flugvélar verði nýttar í áætlunarferðir til ellefu borga.

Þess ber að geta að rétt um fjórir af hverjum tíu svarendum könnunar Reuters mundu eftir flugslysunum tveimur sem urðu til þess að Boeing MAX þotur voru kyrrsettar fyrir nærri tveimur árum síðan.

Nýtt efni

„Samstarf fólks um allt land er forsenda þess að þróunin verði Grænlandi í hag. Ferðamenn virða ekki sveitamörk heldur eru með hugann allan við að njóta áfangastaða sinna. Þess vegna er svo brýnt að við sem áfangastaðurinn Grænland vinnum saman að því að bjóða upp á óaðfinnanlega og heildstæða upplifun - og náum saman, bæði …

Biðinni er brátt lokið og eftirvæntingarfullir aðdáendur írska rithöfundarins Sally Rooney getað andað léttar því að í liðinni viku var tilkynnt af The Wylie Agency, umboðsskrifstofu rithöfundarins, að ný bók væri væntanleg frá henni þriðjudaginn 24. september 2024.  Alex Bowler, talsmaður Faber & Faber, enska forlags rithöfundarins, sendi líka frá sér tilkynningu í tilefni af væntanlegri  …

Farþegar á Keflavíkurflugvelli gátu að jafnaði valið á milli nærri 10 brottfara á dag til höfuðborgar Bretlands í síðasta mánuði. Þetta er viðbót um eina ferð frá sama tíma í fyrra ef tillit er tekið til þess að nú er hlaupaár. London var sú borg sem oftast var flogið til frá Keflavíkurflugvelli í febrúar samkvæmt …

Það er bannað að auglýsa vín á Íslandi - nema auðvitað í amerískum samfélagsmiðlum og þeim erlendu vefsíðum sem íslenskir lesendur heimsækja. Áfengisauglýsingar eru hinsvegar mikilvæg tekjulind fjölmiðla í löndum allt í kringum okkur enda býr áfengisiðnaðurinn yfir miklu fjármagni og vill viðhalda áhuga neytenda á öllum aldri á þessum viðurkennda en varasama vímugjafa. FF7 …

Með hjálp málgreiningarforrits og athugun á orðanotkun hefur Lapo Lappin komist að því að tvær af vinsælustu bókum Camillu geta varla verið skrifaðar af höfundinum sjálfum og bendir Lappin á að textinn líkist mjög textum eftir annan rithöfund, Pascal Engman. Sjálf neitar Camilla (og það gerir Pascal einnig) öllum ásökunum og telur þær vera ávöxt öfundar …

Stundum fer rás atburða í hring. Flugvélasmiðja Spirit í Wichita var sett á stofn af Stearman Aircraft árið 1927 en tveimur árum síðar eignaðist United Aircraft and Transport Corporation fyrirtækið og rak til ársins 1934. Þá tók Boeing við rekstrinum og í heimsstyrjöldinni síðari, árið 1941, varð Spirit deild innan Boeing. Þannig hélst fyrirkomulagið til …

„Ég er búinn að vera í björgunarsveit í að verða 15 ár og í öllum útköllum tók ég Beef Jerky, þurrkað nautakjöt frá Bandaríkjunum, með mér sem nesti í neyð. Ég gekk til dæmis einu sinni þvert yfir landið, frá Reykjanestá yfir á Langanes og fyrir þá ferð gerði ég mikla leit að góðu, íslensku …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …