Samfélagsmiðlar

Sama flugvélaleiga og „fullfjármagnaði“ WOW air

MAX þota Icelandair á Tegelflugvelli í Berlín.

Icelandair hefur gert samning um sölu og endurleigu á tveimur Boeing 737 MAX 9 flugvélum við flugvélaleiguna SKY Leasing. Gert er ráð fyrir að flugvélarnar verði afhentar í öðrum fjórðungi næsta árs.

Þessi sama flugvélaleiga gerði samning við WOW air í árslok 2017 um sölu og endurleigu á tveimur Airbus A321ceo þotum. Þá kom fram í tilkynningu frá WOW að samningurinn færði flugfélaginu fjóra milljarða króna þar sem félagið hafði þegar greitt inn á kaupsamninginn við Airbus.

Þessi endurgreiðsla átti svo að tryggja að WOW air yrði fullfjármagnað út árið 2019 eins og sagði í tilkynningu.

Þarna í árslok 2017 var hávær umræða um versnandi fjárhagstöðu WOW air sem rekja mátti til þess að viðskiptaskilmálum Kortaþjónustunnar hafði verið breytt til hins verra í kjölfar gjaldþrots breska flugfélagsins Moncarch haustið 2017.

Síðar kom svo í ljós að þarna voru vanskil WOW air við Isavia hefjast. Í heildina skuldaði félagið rúma tvo milljarða í vangreidd flugvallargjöld á Keflavíkurflugvelli áður en yfir lauk.

Ekki kemur fram í tilkynningu gærdagsins frá Icelandair hvort Sky Leasing greiði flugfélaginu tilbaka það sem greitt hefur verið til Boeing vegna MAX þotanna tveggja sem nú hafa verið seldar til flugvélaleigunnar.

Nýtt efni

Það voru þrjú norræn alþjóðaflugfélög sem hófu flugrekstur í Covid-faraldrinum. Hér á landi var það Play en Flyr og Norse í Noregi. Öll þrjú leigðu árið 2021 þotur á lægra verði en áður hafði þekkst og efndu til hlutafjárútboða meðal fagfjárfesta og almennings. Í byrjun síðasta árs varð Flyr gjaldþrota en rekstur þess byggði á …

Ein árangursríkasta loftslagsaðgerð síðari ára á Íslandi er líklega sú að banna urðun lífræns úrgangs. Þetta bann tók gildi í upphafi árs 2023 og árangurinn hefur ekki látið á sér standa. Smám saman hafa jákvæðar tölur verið að berast, sem gefa tilefni til bjartsýni. Það er semsagt hægt að ná árangri í loftslagsmálum, þótt margir …

Barselóna er ein vinsælasta ferðamannaborg Evrópu en óþol íbúa vegna ágangsins hefur farið vaxandi á síðustu árum - ekki síst vegna húsnæðisvanda ungs fólks sem ekki getur keppt við ferðaþjónustuna í leiguverði. Fyrri borgaryfirvöld hættu útgáfu nýrra leyfa til útleigu og lokað mörgum ferðamannaíbúðum en nú eru í farvatninu enn meiri breytingar. Airbnb og öðrum …

Í Svíþjóð kalla sumarsólstöður, eða Midsommar, á mikil hátíðarhöld þar sem síld og snaps hafa lengstum verið í aðalhlutverki. Sölutölur sænskra kaupmanna sýna þó að vinsældir síldarinnar dala ár frá ári og nú er svo komið að salan hefur helmingast frá árinu 2008. Frá þessu greinir Sænska ríkisútvarpið. Skýringin á þessari þróun liggur í bragðlaukum …

Ferðahópur á Þingvöllum

Alþingi hefur samþykkt tillögu til þingsályktunar, sem ferðamálaráðherra lagði fram í apríl, um ferðamálastefnu og aðgerðaáætlun til 2030. Öðlast þingsályktunin þegar gildi en mótun stefnunar var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira …

Ásgeir Baldurs, framkvæmdastjóri Arctic Adventures

Arctic Adventures er eitt stærsta fyrirtæki landsins í ferðaþjónustu og hefur verið að stækka starfssvið sitt, síðast með kaupum á Special Tours, sem sinnir skoðunarferðum á slóðum hvala og lunda, auk þess að reka Hvalasafnið (Whales of Iceland) í Reykjavík.  Ásgeir Baldurs tók við starfi forstjóra Arctic Adventures fyrir rúmu ári, þegar margir bundu vonir við …

Kínversku bílaframleiðendurnir BYD og SAIC, sem er eigandi framleiðslufyrirtækis MG-rafbílana vinsælu, hafa ekki ákveðið enn hvort verð á rafbílum sem seldir verða í Evrópu eftir 4. júlí hækka í verði. Þá tekur gildi umtalsverð hækkun tolla á kínversku rafbílana. Samkvæmt heimildum Reuters verður engin verðbreyting ákveðin fyrir þann tíma. Evrópusambandið ákvað að tollur á MG-bílum …

Gengi hlutabréfa í Norwegian féll í gærdag eftir að greinendur norska bankans DNB færðu niður verðmat sitt á félaginu úr 19 norskum krónum á hlut niður í 17 kr. Hið nýja verðmat var engu að síður 30 prósent yfir markaðsgenginu, 14 norskar kr., en engu að síður féll gengið um tíu prósent í gær og …