Samfélagsmiðlar

Segir flugið til Íslands ekki sjálfbært vegna lítillar eftirspurnar

Sætanýtingin í flugi bandaríska flugfélagsins til Íslands sumarið 2019 var há eða 89 prósent.

Nú fækkar bandarísku flugfélögunum á Keflavíkurflugvelli um eitt.

Bandaríkjamenn eru fjölmennastir í hópi ferðamanna hér á landi og næsta sumar áformuðu þrjú stærstu flugfélög Bandaríkjanna að taka upp þráðinn í flugi sinu hingað til lands.

Nú er ljóst að þær áætlanir ganga ekki eftir.

Því líkt og Túristi greindi frá í gær þá hefur American Airlines hætt flugferðir frá Philadelphia til Íslands næsta sumar. „Því miður er flugið til Reykjavíkur ekki lengur sjálfbært miðað við núverandi eftirspurnarstig,“ segir talskona American Airlines í svari til Túrista.

Ekki fást upplýsingar hvort félagið sé að draga úr flugi til fleiri evrópskra áfangastaða.

Með brotthvarfi American Airlines dregur töluvert úr framboði á flugi til Íslands frá Bandaríkjunum. Sumarið og haustið 2019 nýttu til að mynda 42 þúsund farþegar sér ferðir félagsins til Íslands en þá var flogið frá Dallas í Texas. Sætanýtingin var að jafnaði 89 prósent sem segir sitt um vinsældir flugleiðarinnar.

Núna ætlaði American Airlines að flytja Íslandsflugið frá Dallas til Philadelphia og til stóð að nýta nýjar 196 sæta Airbus A321neo þotur í flugið. Bandaríska félagið hefur nefnilega veirð að leggja öllum Boeing 767 og Boeing 757 flugflota sínum.

Hin bandarísku flugfélögin á Keflavíkurflugvelli eru ennþá með sínar ferðir til Íslands næsta sumar á boðstólum. Á sama tíma byggir flugáætlun Icelandair næsta sumar á tíðum ferðum vestur um haf eða allt að áttatíu í viku hverri. Framboð á flugi vestur um haf verður því mikið en það er engum blöðum um það að fletta að stór flugfélög eins og American Airlines búa sjálf til mikla eftirspurn eftir ferðum til landsins.

Nýtt efni

Sauðfjársetrið var stofnað árið 2002 af heimamönnum og hefur vaxið og dafnað í þeirra umsjá allar götur síðan. Nýverið hlaut það tilnefningu til Íslensku safnaverðlaunanna fyrir samfélagslegra nálgun í safnastarfi. Í umsögn með tilnefningunni segir meðal annars að hér sé um að ræða mikilvæga og öfluga menningarstofnun sem hafi gríðarmikið gildi fyrir samfélagið á Ströndum. …

Unnið er að því á flugvellinum í Nice á Côte d´Azur að rafvæða alla starfsemi hans með 4 milljóna evra fjárstuðningi frá Evrópusambandinu. Er verkefnið liður í loftslagsstefnu sambandsins. Allar flugvélar í stæði eiga að fá aðgang að raforku sem unnin er með endurnýjanlegum hætti. Settar verða upp um 70 tengistöðvar í þessu skyni. Á …

Nýja-Sjáland var á meðal þeirra ríkja sem fylgdu hörðustu lokunarstefnunni á meðan Covid-19 geisaði. Nú vilja stjórnvöld þar blása meira lífi í ferðaþjónustu á landinu og helst utan vinsælasta tímans sem er nýsjálenska sumarið - frá desemberbyrjun til febrúarloka, þegar dagarnir eru langir og sólríkir og nætur mildar.  Ferðaþjónusta er einn helsti atvinnuvegur Nýja Sjálands …

Talsmenn þýsku sambandsstjórnarinnar staðfestu í dag að hún væri að leita lausnar á viðskiptadeilu Evrópusambandsins og Kína. Það fæli væntanlega í sér að boðuð hækkun verndartolla um allt að 38,1 prósent nái fram að ganga. Það er ekki umhyggja fyrir kínverskum hagsmunum sem ræður afstöðu þýskra stjórnvalda heldur vilja þau vernda hagsmuni stórfyrirtækja í eigin …

Schiphol-flugvöllur við Amsterdam er meðal fjölförnustu flugvalla Evrópu og hefur umferðin um hann lengi verið umdeild meðal íbúa. Umfangi flugvallarins, hávaða frá honum og mengun, hefur ítrekað verið mótmælt og brugðist hefur verið við með því að setja takmarkanir á þjónustutíma og fjölda véla sem um hann fara. Schiphol er þó og verður áfram ein …

Verulega hefur dregið úr magni ósoneyðandi gastegunda í andrúmsloftinu og þykir núna nokkuð ljóst, samkvæmt nýrri rannsókn, að hið alþjóðlega átak um að bjarga ósonlaginu hafi tekist framar vonum.  Margir sem komnir eru á miðjan aldur muna eftir brúnaþungum sjónvarpsfréttamönnum segja frá válegum tíðindum af ósonlaginu á níunda og tíunda áratugnum, inni á milli lagstúfa …

Á meðan franskir og spænskir bílaframleiðendur þrýstu á um að Evrópusambandið brygðist hart við meintum óðeðlilega miklum ríkisstuðningi Kínverja við rafbílaframleiðslu sína og hækkuðu verndartolla vöruðu þýskir keppinautar þeirra við því að slegið gæti í bakseglin: Gríðarlega mikilvægur markaður í Kína gæti lokast að verulegu leyti. Um þriðjungur af sölutekjum Mercedes Benz, BMW og Volkswagen …

Óhætt er að segja að það kosti Hlyn Guðjónsson, sendiherra Íslands í Ottawa, mikil ferðalög að sinna íslenskum hagsmunum í Kanada, sem er næst víðfeðmasta land heimsins. Sendiráð Íslands er hinsvegar lítið, starfsmenn aðeins þrír - Hlynur og tveir staðarráðnir. Nýlega var Hlynur staddur í Halifax, höfuðborg Nova Scotia. Það tekur um tvo tíma að …