Samfélagsmiðlar

Sóttu um jafn mörg lendingarleyfi og WOW air hafði undir lokin

Forsvarsfólk Play heldur greinilega mörgum möguleikum opnum varðandi næsta sumar.

Flugáætlun WOW air fyrir sumarið 2019 var töluvert minni í sniðum en árin á undan. Þannig dróst framboðið saman um 44 prósent eða úr 2,7 milljónum flugsæta í 1,5 milljónir sæta. Í heildina stóð til að fljúga til 23 erlendra borga líkt og sjá má á kortinu hér fyrir neðan.

Þessi niðurskurður í umsvifum WOW air var kynntur um miðjan desember árið 2018 en þá stóðu yfir viðræður við bandaríska fjárfestingsjóðinn Indigo Partners um kaup á stórum hlut í íslenska flugfélaginu.

Nú hefur hið verðandi flugfélag Play sótt um jafn marga komu- og brottfarartíma á Keflavíkurflugvelli og teknir voru frá fyrir WOW air sumarið 2019 samkvæmt heimildum Túrista.

Í heildina eru þetta ríflega sjö þúsund komu- og brottfarartímar. Stjórnendur WOW air gerðu ráð fyrir að nýta ellefu Airbus þotur til að flúga þetta oft til og frá landinu frá byrjun apríl og til enda október í fyrra. Félagið var hins vegar gjaldþrota í lok mars.

Telja má fullvíst að starfsemi Play verður ekki svona mikil á komandi vertíð. Félagið er til að mynda ekki ennþá komið með flugrekstrarleyfi og óvissan varðandi ferðalög næsta árs er mikil þrátt fyrir tilkomu bóluefna.

Líkt og fram kom á síðum Túrista nýverið þá verða flugfélög að staðfesta umsóknir sínar á afgreiðslutímum sumarsins fyrir lok janúar næstkomandi. Og fyrir þann tíma þarf Play þá að vera komið með flugrekstrarleyfi.

Nýtt efni

Notkun á sjálfbæru eldsneyti er besta leiðin til að draga hratt úr losun frá flugsamgöngum, segir Willie Walsh, framkvæmdastjóra Alþjóðasambands flugfélaga, IATA. Hann ræddi mikilvægi þess að minnka losun í ávarpi sínu á flugmálaráðstefnu Changi í Singapúr í vikunni.  Willie Walsh undirstrikaði í ávarpi sínu að flugheimurinn stefndi staðfastlega að kolefnishlutleysi árið 2050: „Við megum …

Vesturland er í útjaðri meginstraums erlendra ferðamanna sem koma til Íslands. Flestir eru þeir á Suðvesturlandi, fara Gullna hringinn og meðfram suðurströndinni - en auðvitað aka margir þeirra eftir Hringveginum í gegnum Borgarfjörð eða halda upp á Snæfellsnes - og áfram sem leið liggur til Vestfjarða með ýmsum útúrdúrum. Við ætlum sem sagt ekki að …

Gott símasamband í höfuðborg Bretlands byggði lengi á hinum 177 metra háa BT Tower sem kenndur var við eigandann, British Telecom. Turninn varð hæsta mannvirkið í London þegar hann var reistur af símafyrirtækinu árið 1964. Það var ekki fyrr en 16 árum síðar að annað mannvirki í London fór upp fyrir þetta símamastur sem einnig …

Velta í ferðaþjónustu í nóvember og desember í fyrra var nærri óbreytt miðað við sama tíma árið 2022 eða rúmlega 121 milljarður króna. Ef veltan hefði verið í takt við verðbólgu og fjölgun gistinátta ferðamanna þá hefði hún verið um 13 milljörðum kr. hærri. Af undirgreinum ferðaþjónustunnar þá var veitingareksturinn sá eini sem hélt í …

Bandaríski fjárfestingasjóðurinn Bain Capital Credit varð langstærsti hluthafinn í Icelandair í júní 2021 og á nú 17,2 prósenta hlut. Sjóðurinn hefur fjárfest fyrir 10,4 milljarða króna í flugfélaginu en fengi rétt 7,5 milljarða fyrir hlutinn í dag. Mismunurinn nemur nærri 3 milljörðum króna en gengi hlutabréfa í Icelandair hefur lækkað um 18 prósent frá því …

Tölur sem Kóperníkus, lofthjúpsvöktunaþjónusta Evrópusambandsins, og ítölsku umhverfisverndarsamtökin Legambiente kynntu nýlega sýna að í Mílanó mælist svifryk og önnur loftmengun áfram hvað mest í allri Evrópu. Nú er loks rætt um það af yfirvöldum í Mílanó og nærliggjandi borgum og bæjum á Langabarðalandi að grípa einhverra aðgerða - eins og að takmarka notkun á mest …

Þátttaka hins opinbera í rafbílakaupum landsmanna er nú með breyttu sniði. Í stað skattaafsláttar upp á 1,3 milljónir króna, sem dreginn var frá söluverði nýrra rafbíla, þá verða kaupendur bílanna að greiða fullt verð í umboðinu og sækja svo um 900 þúsund króna styrk hjá Orkustofnun í framhaldinu. Þessi breyting var gerð um síðustu áramóti …

Sá sem kaupir ódýrasta fargjaldið hjá Icelandair, Economy Light, þarf að borga aukalega fyrir innritaðan farangur. Áður var töskugjaldið 5.280 krónur en nú þarf að borga allt að 6.600 krónur undir farangurinn aðra leið. Hækkunin nemur 25 prósentum og svo mikil eru hún líka ef innrita á skíði. Flutningur á þeim kostar núna allt að …