Samfélagsmiðlar

Stjórn Norwegian að nálgast niðurstöðu varðandi Ameríkuflug félagsins

Þó Norwegian hafi verið stórtækt á Keflavíkurflugvelli þá hefur félagið aðallega veitt Icelandair samkeppni í flugi yfir Norður-Atlantshafið. Í vikunni gæti ráðist hvort félagið einskorði starfsemina við flug innan Evrópu eða ekki.

Það var árið 2013 sem Norwegian hóf að fljúga til Bandaríkjanna og fimm árum síðar var félagið orðið umsvifamesta evrópska flugfélagið á JFK flugvelli í New York. Félagið hefur líka verið stórtækt í áætlunarflugi til flestra þeirra borga sem Icelandair flýgur til í Bandaríkjunum og Kanada.

Útgerð Norwegian vestanhafs hefur þó ekki verið arðbær og þar vega þungt tíðar bilanir í hreyflum Boeing Dreamliner þotanna. Félagið hefur nefnilega nær eingöngu nýtt þess háttar flugvélar í ferðirnar vestur um haf.

Í flota Norwegian eru þrjátíu og sjö Boeing Dreamliner þotur og þar af á félagið sjálft ellefu eintök.

Nú er Norwegian hins vegar komið í greiðsluskjól, bæði á Írlandi og í Noregi og stjórnendur þess þurfa að leggja á borð fyrir dómstóla trúverðugar áætlanir um endurreisn félagsins.

Og meðal þeirra valkosta sem stjórn flugfélagsins er með til skoðunar er að leggja niður allt flug til annarra heimsálfa. Þetta herma heimildir norska viðskiptablaðsins Dagens Næringsliv en í frétt blaðsins í dag segir að framtíð Ameríkurflugsins hafi verið helsta dagskrárefnið á stjórnarfundum flugfélagsins að undanförnu.

Félagið gæti nefnilega grynnkað verulega á skuldum sínum með því að losa sig við Dreamliner vélarnar en það verður þó hægara sagt en gert í núverandi ástandi þar sem eftirspurn eftir flugvélum er sáralítil.

Ekki bætir úr skák að orðspor Boeing Dreamliner er ekki gott, m.a. vegna tíðra bilanna. Boðað hefur verið til hluthafafundar hjá Norwegian á fimmtudaginn nk. og þar er búist við að stjórn félagsins kynni áætlanir sínar varðandi Ameríkuflug.

Nýtt efni

Vorið 2021, stuttu áður en Play fór í loftið í fyrsta sinn, efndi félagið til hlutafjárútboðs þar sem söfnuðust 10 milljarðar króna. Í kjölfarið voru bréfin skráð á First North Growth í Kauphöllinni en um þann markað gilda ekki eins strangar reglur og Aðalmarkað Nasdaq. Í tengslum síðustu hlutafjáraukningu, sem lauk í apríl síðastliðnum, var …

Viðkiptastríð vesturveldanna og Kína heldur áfram að þyngjast því fyrr í dag gaf Evrópusambandið út að 38,1 prósent innflutningstollar yrðu lagðir á kínverska rafbíla frá og með næsta mánuði. Sú hækkun bætist við þann 10 prósent toll sem í dag ríkir á innflutning rafbíla frá Kína til aðildarríkja ESB. Þessi viðbótartollur hefur verið yfirvofandi síðustu …

Það var í júní 2014 sem breska lággjaldaflugfélagið Flybe, sem nú er gjaldþrota, hóf áætlunarflug til Íslands frá Birmingham. Flugleiðin stóð ekki undir væntingum stjórnenda Flyby og var lögð niður eftir níu mánuði. Þá tók Icelandair við keflinu og hélt úti tíðum ferðum milli Íslands og þessarar næstfjölmennustu borgar Bretlands fram í ársbyrjun 2018. Síðan …

Í Bandaríkjunum eru lestarsamgöngur ekki eins góðar og í Evrópu og þurfa þeir sem ætla að sækja komandi landsfundi Demókrata og Repúblikana annað hvort að keyra eða fljúga á fundarstað. Af þeim sökum hefur bandaríska flugfélagið United Airlines bætt við 118 flugferðum til og frá Chicago í ágúst í tilefni af landsfundi Demókrata. Repúblikanar hittast …

Gistináttagjald upp á 400 krónur (2,7 evrur) verður lagt á í Færeyjum frá og með október á næsta ári. Um leið verða allir þeir sem koma til eyjanna með skemmtiferðaskipum að greiða 1.300 króna gjald (9 evrur). Allar tekjur af þessari nýju gjaldtöku renna í sérstakan náttúruverndarsjóð að því segir í tilkynningu. Sá sjóður verður …

Talning á brottfararfarþegum á Keflavíkurflugvelli gefur vísbendingu um að erlendum ferðamönnum hér á landi hafi fækkað um tvö prósent í nýliðnum maí í samanburði við sama tíma í fyrra. Þróunin var hins vegar mjög ólík á milli þjóðerna. Þannig jókst straumurinn hingað frá Kanada umtalsvert á milli ára á meðan ferðamönnum frá Ísrael og Rússlandi …

Það seldust 1.259 nýir Tesla bílar á Íslandi árið 2022 og í fyrra voru þeir nærri þrefalt fleiri eða 3.471. Veltan jókst ekki í takt við söluna því tekjur bandaríska rafbílaframleiðands af hverjum nýjum bíl hér á landi drógust saman um 17 prósent samkvæmt útrekningum FF7 sem byggja á ársreikningi Tesla Motors Iceland ehf. Þetta …

Það voru 155 þúsund útlendingar sem innrituðu sig í flug frá Keflavíkurflugvelli í maí en þessi talning er notuð til að meta ferðamannastrauminn hingað til lands. Í maí í fyrra voru erlendu brottfararfarþegarnir 158 þúsund og 165 þúsund í maí 2018 þegar þeir voru flestir. Það vantaði því sex prósent fleiri farþega til að jafna …