Samfélagsmiðlar

Töpuðu hálfri milljón á dag á sætaferðum frá Keflavíkurflugvelli

Rútur Airport Direct og Flugrútunnar við Leifsstöð.

Tekjur Isavia af rútustæðunum fyrir framan komusal Flugstöðvar Leifs Eiríkssonar hækkuðu verulega þann 1. mars árið 2018. Frá og með þeim degi fékk Isavia nefnilega 41,2 prósent af tekjum Flugrútunnar og þriðjung af farmiðasölu Airport Direct. Þetta var í takt við niðurstöður útboðs sem Isavia efndi til sumarið 2017.

Airport Direct var nýliði á þessum markaði og fyrsta rekstrarárið var þungt. Tapið nam nærri 264 milljónum króna. Í fyrra rekstrarbatinn töluverður og þá var tapið 71 milljón króna.

Heildartapið hjá Airport Direct nam því að jafnaði 498 þúsund krónum á hverju degi sem félagið sinnti sætaferðum frá Keflavíkurflugvelli í takt við skilmála fyrrnefnds útboðs árin 2018 og 2019.

„Þessi tvö ár voru erfið og skrýtin í rúturekstri fyrir margra hluta sakir,“ segir Torfi Yngvason, framkvæmdastjóri Airport Direct, spurður um stöðu mála. Torfi segir að ekki standi til að stokka upp rekstur fyrirtækisins umfram það sem núverandi ástand gefur tilefni til og vísar þar til áhrifanna sem Covid-19 hefur valdið.

Eignir Airport Direct í lok árs 2019 námu 210 milljónum króna og skuldirnar voru rétt um 418 milljónir kr. Eigið fé félagsins var því neikvætt um 208 milljónir króna í lok síðasta ár.

Airport Direct er dótturfélag Reykjavik Sightseeing en það fyrirtæki var líka í mínus í fyrra. Nam tapið 156 milljónum króna og var hlutafé aukið um eitt hundrað milljónir á síðasta ári.

Reykjavik Sightseeing tilheyrir Pac1501 ehf. en það félag er í eigu fjárfestingasjóðsins Horns III sem Landsbréf reka. Eigið fé Pac1501 ehf, í árslok 2019, nam nærri einum og hálfum milljarði kr.

Nýtt efni

Sauðfjársetrið var stofnað árið 2002 af heimamönnum og hefur vaxið og dafnað í þeirra umsjá allar götur síðan. Nýverið hlaut það tilnefningu til Íslensku safnaverðlaunanna fyrir samfélagslegra nálgun í safnastarfi. Í umsögn með tilnefningunni segir meðal annars að hér sé um að ræða mikilvæga og öfluga menningarstofnun sem hafi gríðarmikið gildi fyrir samfélagið á Ströndum. …

Unnið er að því á flugvellinum í Nice á Côte d´Azur að rafvæða alla starfsemi hans með 4 milljóna evra fjárstuðningi frá Evrópusambandinu. Er verkefnið liður í loftslagsstefnu sambandsins. Allar flugvélar í stæði eiga að fá aðgang að raforku sem unnin er með endurnýjanlegum hætti. Settar verða upp um 70 tengistöðvar í þessu skyni. Á …

Nýja-Sjáland var á meðal þeirra ríkja sem fylgdu hörðustu lokunarstefnunni á meðan Covid-19 geisaði. Nú vilja stjórnvöld þar blása meira lífi í ferðaþjónustu á landinu og helst utan vinsælasta tímans sem er nýsjálenska sumarið - frá desemberbyrjun til febrúarloka, þegar dagarnir eru langir og sólríkir og nætur mildar.  Ferðaþjónusta er einn helsti atvinnuvegur Nýja Sjálands …

Talsmenn þýsku sambandsstjórnarinnar staðfestu í dag að hún væri að leita lausnar á viðskiptadeilu Evrópusambandsins og Kína. Það fæli væntanlega í sér að boðuð hækkun verndartolla um allt að 38,1 prósent nái fram að ganga. Það er ekki umhyggja fyrir kínverskum hagsmunum sem ræður afstöðu þýskra stjórnvalda heldur vilja þau vernda hagsmuni stórfyrirtækja í eigin …

Schiphol-flugvöllur við Amsterdam er meðal fjölförnustu flugvalla Evrópu og hefur umferðin um hann lengi verið umdeild meðal íbúa. Umfangi flugvallarins, hávaða frá honum og mengun, hefur ítrekað verið mótmælt og brugðist hefur verið við með því að setja takmarkanir á þjónustutíma og fjölda véla sem um hann fara. Schiphol er þó og verður áfram ein …

Verulega hefur dregið úr magni ósoneyðandi gastegunda í andrúmsloftinu og þykir núna nokkuð ljóst, samkvæmt nýrri rannsókn, að hið alþjóðlega átak um að bjarga ósonlaginu hafi tekist framar vonum.  Margir sem komnir eru á miðjan aldur muna eftir brúnaþungum sjónvarpsfréttamönnum segja frá válegum tíðindum af ósonlaginu á níunda og tíunda áratugnum, inni á milli lagstúfa …

Á meðan franskir og spænskir bílaframleiðendur þrýstu á um að Evrópusambandið brygðist hart við meintum óðeðlilega miklum ríkisstuðningi Kínverja við rafbílaframleiðslu sína og hækkuðu verndartolla vöruðu þýskir keppinautar þeirra við því að slegið gæti í bakseglin: Gríðarlega mikilvægur markaður í Kína gæti lokast að verulegu leyti. Um þriðjungur af sölutekjum Mercedes Benz, BMW og Volkswagen …

Óhætt er að segja að það kosti Hlyn Guðjónsson, sendiherra Íslands í Ottawa, mikil ferðalög að sinna íslenskum hagsmunum í Kanada, sem er næst víðfeðmasta land heimsins. Sendiráð Íslands er hinsvegar lítið, starfsmenn aðeins þrír - Hlynur og tveir staðarráðnir. Nýlega var Hlynur staddur í Halifax, höfuðborg Nova Scotia. Það tekur um tvo tíma að …