Samfélagsmiðlar

Vilja ræða við Icelandair um samgöngur milli flugvalla

airportexpress

Það tíðkast ekki út í heimi að skilja að alþjóðaflug og innanlandsflug líkt og gert er hér á landi. Þess vegna þurfa íbúar á landsbyggðinni að fljúga til Reykjavíkur eða fara landleiðina út á Keflavíkurflugvöll til að komast út í heim. Á sama hátt getur erlendur ferðamaður ekki farið beint í innanlandsflug við komuna til Íslands.

Stjórnendur Icelandair ætla ekki að gera breytingar á þessu fyrirkomulagi í tengslum við samruna Air Iceland Connect og Icelandair. Aftur á móti vilja þeir koma á „þægilegri landtengingu” á milli Keflavíkurflugvallar og Reykjavíkurflugvallar líkt og Túristi greindi frá í gær.

Semja á við utanaðkomandi aðila um þessar ferðir og forráðamenn rútufyrirtækja eru áhugasamir um verkefnið.

„Við höfum verið í góðu samstarfi við Icelandair og Air Iceland Connect í gegnum tíðina og gerum ráð fyrir að ræða þetta við þau,“ segir Björn Ragnarsson, framkvæmdastjóri Kynnisferða, spurður um áhuga fyrirtækisins á þessum sætaferðum sem Icelandair vinnur nú að.

Þórir Garðarsson, stjórnarformaður Gray Line, segist einnig vera áhugasamur um akstur milli flugvallanna tveggja á suðvesturhorninu. Hann segir hugmyndina þó ekki nýja af nálinni.

„Við vorum nokkrum sinnum í sambandi við Air Iceland Connect fyrir nokkrum árum og vildum bjóða uppá þessa tengingu. Það varð aldrei neitt úr því. Kannski vantaði áhuga hjá Icelandair án þess að ég geti fullyrt um það. Það er örugglega auðveldara að eiga við þetta í dag þar sem hagsmunir beggja félaga hafa runnið saman og við það einfaldast bókunarferlið töluvert,“ segir Þórir.

Hann bætir því við að Gray Line séu að fara af stað með nýjar Airport Express ferðir í vor sem henti mjög vel fyrir svona ferðir.

Auka Gray Line og Kynnisferða þá býður fyrirtækið Airport Direct líka upp á reglulegar sætaferðir frá Keflavíkurflugvelli. Öll þrjú fyrirtækin rukka farþega sína aukalega fyrir skutl frá umferðamiðstöðvum sínum í höfuðborginni og út á Reykjavíkurflugvöll.

Nýtt efni

„Samstarf fólks um allt land er forsenda þess að þróunin verði Grænlandi í hag. Ferðamenn virða ekki sveitamörk heldur eru með hugann allan við að njóta áfangastaða sinna. Þess vegna er svo brýnt að við sem áfangastaðurinn Grænland vinnum saman að því að bjóða upp á óaðfinnanlega og heildstæða upplifun - og náum saman, bæði …

Biðinni er brátt lokið og eftirvæntingarfullir aðdáendur írska rithöfundarins Sally Rooney getað andað léttar því að í liðinni viku var tilkynnt af The Wylie Agency, umboðsskrifstofu rithöfundarins, að ný bók væri væntanleg frá henni þriðjudaginn 24. september 2024.  Alex Bowler, talsmaður Faber & Faber, enska forlags rithöfundarins, sendi líka frá sér tilkynningu í tilefni af væntanlegri  …

Farþegar á Keflavíkurflugvelli gátu að jafnaði valið á milli nærri 10 brottfara á dag til höfuðborgar Bretlands í síðasta mánuði. Þetta er viðbót um eina ferð frá sama tíma í fyrra ef tillit er tekið til þess að nú er hlaupaár. London var sú borg sem oftast var flogið til frá Keflavíkurflugvelli í febrúar samkvæmt …

Það er bannað að auglýsa vín á Íslandi - nema auðvitað í amerískum samfélagsmiðlum og þeim erlendu vefsíðum sem íslenskir lesendur heimsækja. Áfengisauglýsingar eru hinsvegar mikilvæg tekjulind fjölmiðla í löndum allt í kringum okkur enda býr áfengisiðnaðurinn yfir miklu fjármagni og vill viðhalda áhuga neytenda á öllum aldri á þessum viðurkennda en varasama vímugjafa. FF7 …

Með hjálp málgreiningarforrits og athugun á orðanotkun hefur Lapo Lappin komist að því að tvær af vinsælustu bókum Camillu geta varla verið skrifaðar af höfundinum sjálfum og bendir Lappin á að textinn líkist mjög textum eftir annan rithöfund, Pascal Engman. Sjálf neitar Camilla (og það gerir Pascal einnig) öllum ásökunum og telur þær vera ávöxt öfundar …

Stundum fer rás atburða í hring. Flugvélasmiðja Spirit í Wichita var sett á stofn af Stearman Aircraft árið 1927 en tveimur árum síðar eignaðist United Aircraft and Transport Corporation fyrirtækið og rak til ársins 1934. Þá tók Boeing við rekstrinum og í heimsstyrjöldinni síðari, árið 1941, varð Spirit deild innan Boeing. Þannig hélst fyrirkomulagið til …

„Ég er búinn að vera í björgunarsveit í að verða 15 ár og í öllum útköllum tók ég Beef Jerky, þurrkað nautakjöt frá Bandaríkjunum, með mér sem nesti í neyð. Ég gekk til dæmis einu sinni þvert yfir landið, frá Reykjanestá yfir á Langanes og fyrir þá ferð gerði ég mikla leit að góðu, íslensku …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …