Samfélagsmiðlar

Biður fólk um að afbóka utanlandsferðir í vorfríinu

toronto b

Frá Toronto.

Landamæri Kanada hafa nær allan heimsfaraldurinn verið lokuð og aðeins heimamenn sjálfir og útlendingar með brýnt erindi sem komast inn í landið. Þrátt fyrir þessar miklu takmarkanir og þá staðreynd að flugsamgöngur til útlanda eru litlar þá hafa kanadísk flugfélög ekki fengið neina sérstaka aðstoð frá þarlendum stjórnvöldum.

Og það er ekki útlit fyrir að kanadískir ráðamenn ætli að greiða fyrir millilandaflugi á næstunni því í færslu á Twitter í gær beinir Justin Trudeau, forsætisráðherra Kanada, því til íbúa landsins að þeir haldi sig áfram innanlands. Hann bætir því við að þeir sem eigi bókaðar ferðir í komandi vorfríi afbóki ferðir sínar.

Vorfríið í Kanada er allt að vikulangt og í fjölmennustu fylkjunum er það á dagskrá upp úr miðjum mars. Það á til að mynda við um Ontario-fylki en Toronto, stærsta borg landsins, tilheyrir því.

Vanalega eru flugsamgöngur milli Íslands og Kanada tíðar en síðasta ferð Icelandair til Toronto var þann 24. mars í fyrra. Samkvæmt flugáætlun félagsins er gert ráð fyrir að taka upp þráðinn í fluginu til Toronto þann 8. mars nk.

Auk Icelandair þá áformar Air Canada að fljúga til Íslands í sumar frá bæði Montreal og Toronto. Fyrsta ferð er þó ekki á dagskrá fyrr en í sumarbyrjun. Hins vegar er ekki útlit fyrir að WestJet nýti afgreiðslutíma sína á Keflavíkurflugvelli í sumar.

Nýtt efni

Sauðfjársetrið var stofnað árið 2002 af heimamönnum og hefur vaxið og dafnað í þeirra umsjá allar götur síðan. Nýverið hlaut það tilnefningu til Íslensku safnaverðlaunanna fyrir samfélagslegra nálgun í safnastarfi. Í umsögn með tilnefningunni segir meðal annars að hér sé um að ræða mikilvæga og öfluga menningarstofnun sem hafi gríðarmikið gildi fyrir samfélagið á Ströndum. …

Unnið er að því á flugvellinum í Nice á Côte d´Azur að rafvæða alla starfsemi hans með 4 milljóna evra fjárstuðningi frá Evrópusambandinu. Er verkefnið liður í loftslagsstefnu sambandsins. Allar flugvélar í stæði eiga að fá aðgang að raforku sem unnin er með endurnýjanlegum hætti. Settar verða upp um 70 tengistöðvar í þessu skyni. Á …

Nýja-Sjáland var á meðal þeirra ríkja sem fylgdu hörðustu lokunarstefnunni á meðan Covid-19 geisaði. Nú vilja stjórnvöld þar blása meira lífi í ferðaþjónustu á landinu og helst utan vinsælasta tímans sem er nýsjálenska sumarið - frá desemberbyrjun til febrúarloka, þegar dagarnir eru langir og sólríkir og nætur mildar.  Ferðaþjónusta er einn helsti atvinnuvegur Nýja Sjálands …

Talsmenn þýsku sambandsstjórnarinnar staðfestu í dag að hún væri að leita lausnar á viðskiptadeilu Evrópusambandsins og Kína. Það fæli væntanlega í sér að boðuð hækkun verndartolla um allt að 38,1 prósent nái fram að ganga. Það er ekki umhyggja fyrir kínverskum hagsmunum sem ræður afstöðu þýskra stjórnvalda heldur vilja þau vernda hagsmuni stórfyrirtækja í eigin …

Schiphol-flugvöllur við Amsterdam er meðal fjölförnustu flugvalla Evrópu og hefur umferðin um hann lengi verið umdeild meðal íbúa. Umfangi flugvallarins, hávaða frá honum og mengun, hefur ítrekað verið mótmælt og brugðist hefur verið við með því að setja takmarkanir á þjónustutíma og fjölda véla sem um hann fara. Schiphol er þó og verður áfram ein …

Verulega hefur dregið úr magni ósoneyðandi gastegunda í andrúmsloftinu og þykir núna nokkuð ljóst, samkvæmt nýrri rannsókn, að hið alþjóðlega átak um að bjarga ósonlaginu hafi tekist framar vonum.  Margir sem komnir eru á miðjan aldur muna eftir brúnaþungum sjónvarpsfréttamönnum segja frá válegum tíðindum af ósonlaginu á níunda og tíunda áratugnum, inni á milli lagstúfa …

Á meðan franskir og spænskir bílaframleiðendur þrýstu á um að Evrópusambandið brygðist hart við meintum óðeðlilega miklum ríkisstuðningi Kínverja við rafbílaframleiðslu sína og hækkuðu verndartolla vöruðu þýskir keppinautar þeirra við því að slegið gæti í bakseglin: Gríðarlega mikilvægur markaður í Kína gæti lokast að verulegu leyti. Um þriðjungur af sölutekjum Mercedes Benz, BMW og Volkswagen …

Óhætt er að segja að það kosti Hlyn Guðjónsson, sendiherra Íslands í Ottawa, mikil ferðalög að sinna íslenskum hagsmunum í Kanada, sem er næst víðfeðmasta land heimsins. Sendiráð Íslands er hinsvegar lítið, starfsmenn aðeins þrír - Hlynur og tveir staðarráðnir. Nýlega var Hlynur staddur í Halifax, höfuðborg Nova Scotia. Það tekur um tvo tíma að …