Samfélagsmiðlar

Ennþá nærri fjögur þúsund flugferðir í sölu í maí og júní

Það er óljóst hvort komandi sumarvertíð standi undir nafni. Framboð á flugi til landsins í sumarbyrjun er þó töluvert og eins og áætlanir flugfélaganna eru í verður vægi Icelandair álíka og sumarið eftir fall WOW air.

MAX þota Icelandair í Berlín árið 2018. Félagið gerir ráð fyrir daglegum ferðum til borgarinnar næsta sumar.

Nú í sumar gera nítján erlend flugfélög ráð fyrir áætlunarferðum til Keflavíkurflugvallar eins og Túristi fjallaði um í gær. Heildarfjöldi ferða á vegum þessa hóps flugfélaga verður innan við helmingur af því áætlunarflugi sem Icelandair er í dag með á boðstólum fyrir næstkomandi maí og júní.

30 prósent færri ferðir

Flugáætlun íslenska félagsins gerir nefnilega ráð fyrir þrjátíu og þremur ferðum á dag að jafnaði frá Keflavíkurflugvelli þessa tvo mánuði og þá jafn mörgum til landsins. Í heildina nærri fjögur þúsund flugferðum til samtals þrjátíu borga.

Á sama tíma árið 2019 voru daglegar brottfarir fjörutíu og sjö talsins og samdrátturinn nemur því þrjátíu prósentum í ferðum talið samkvæmt úttekt Túrista. Áætlunarferðum á vegum erlendra flugfélaga til Íslands fækkar hins vegar um fjórtán af hundraði á þessu tímabili.

Stjórnendur Icelandair hafa áður sagt að framboðið í sumar dragist saman um 25 til 30 prósent í sætiskílómetrum talið í samanburði við sumarvertíðina 2019.

Nærri sama vægi og sumarið 2019

Hlutdeild Icelandair í umferðinni um Keflavíkurflugvöll jókst mikið eftir fall WOW air. Í maí 2019 fór vægi félagsins upp í 72 prósent og var 70 prósent mánuðinn eftir. Í júní 2018 var hún hins vegar rétt 44 prósent og þá stóð WOW fyrir þriðju hverri ferð.

Miðað við dagskrá Icelandair og erlendu félaganna fyrir komandi sumar þá ætti hlutdeild Icelandair að verða 68 prósent í maí og 66 prósent í júní.

Túristi birtir síðar í vikunni fleiri samantektir á flugáætlunum flugfélaganna eins og þær eru í dag. En í ljósi þess hversu mikil óvissa ríkir ennþá um ferðalög milli landa og heimsálfa næsta vor og sumar þá má fastlega gera ráð fyrir að áform flugfélaganna taki breytingum.

Á sama tíma er ennþá beðið eftir ákvörðun ESB um hvort fallið verði frá kröfu um lágmarksnýtingu á lendingarleyfum.

Nýtt efni

Það voru þrjú norræn alþjóðaflugfélög sem hófu flugrekstur í Covid-faraldrinum. Hér á landi var það Play en Flyr og Norse í Noregi. Öll þrjú leigðu árið 2021 þotur á lægra verði en áður hafði þekkst og efndu til hlutafjárútboða meðal fagfjárfesta og almennings. Í byrjun síðasta árs varð Flyr gjaldþrota en rekstur þess byggði á …

Ein árangursríkasta loftslagsaðgerð síðari ára á Íslandi er líklega sú að banna urðun lífræns úrgangs. Þetta bann tók gildi í upphafi árs 2023 og árangurinn hefur ekki látið á sér standa. Smám saman hafa jákvæðar tölur verið að berast, sem gefa tilefni til bjartsýni. Það er semsagt hægt að ná árangri í loftslagsmálum, þótt margir …

Barselóna er ein vinsælasta ferðamannaborg Evrópu en óþol íbúa vegna ágangsins hefur farið vaxandi á síðustu árum - ekki síst vegna húsnæðisvanda ungs fólks sem ekki getur keppt við ferðaþjónustuna í leiguverði. Fyrri borgaryfirvöld hættu útgáfu nýrra leyfa til útleigu og lokað mörgum ferðamannaíbúðum en nú eru í farvatninu enn meiri breytingar. Airbnb og öðrum …

Í Svíþjóð kalla sumarsólstöður, eða Midsommar, á mikil hátíðarhöld þar sem síld og snaps hafa lengstum verið í aðalhlutverki. Sölutölur sænskra kaupmanna sýna þó að vinsældir síldarinnar dala ár frá ári og nú er svo komið að salan hefur helmingast frá árinu 2008. Frá þessu greinir Sænska ríkisútvarpið. Skýringin á þessari þróun liggur í bragðlaukum …

Ferðahópur á Þingvöllum

Alþingi hefur samþykkt tillögu til þingsályktunar, sem ferðamálaráðherra lagði fram í apríl, um ferðamálastefnu og aðgerðaáætlun til 2030. Öðlast þingsályktunin þegar gildi en mótun stefnunar var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira …

Ásgeir Baldurs, framkvæmdastjóri Arctic Adventures

Arctic Adventures er eitt stærsta fyrirtæki landsins í ferðaþjónustu og hefur verið að stækka starfssvið sitt, síðast með kaupum á Special Tours, sem sinnir skoðunarferðum á slóðum hvala og lunda, auk þess að reka Hvalasafnið (Whales of Iceland) í Reykjavík.  Ásgeir Baldurs tók við starfi forstjóra Arctic Adventures fyrir rúmu ári, þegar margir bundu vonir við …

Kínversku bílaframleiðendurnir BYD og SAIC, sem er eigandi framleiðslufyrirtækis MG-rafbílana vinsælu, hafa ekki ákveðið enn hvort verð á rafbílum sem seldir verða í Evrópu eftir 4. júlí hækka í verði. Þá tekur gildi umtalsverð hækkun tolla á kínversku rafbílana. Samkvæmt heimildum Reuters verður engin verðbreyting ákveðin fyrir þann tíma. Evrópusambandið ákvað að tollur á MG-bílum …

Gengi hlutabréfa í Norwegian féll í gærdag eftir að greinendur norska bankans DNB færðu niður verðmat sitt á félaginu úr 19 norskum krónum á hlut niður í 17 kr. Hið nýja verðmat var engu að síður 30 prósent yfir markaðsgenginu, 14 norskar kr., en engu að síður féll gengið um tíu prósent í gær og …