Samfélagsmiðlar

Flugáætlunin í ársbyrjun skorin niður

Rekstrarkostnaður Icelandair lækkar verulega nú í ársbyrjun og um leið fækkar flugmönnum á launaskrá félagsins um helming. Biðin eftir reglulegu áætlunarflugi til Bandaríkjanna og Kanada lengist.

Samtals gerir Icelandair ráð fyrir ferðum til tólf áfangastaða nú í janúar og febrúar.

Um miðjan desember sl. gerði áætlun Icelandair ráð fyrir að þráðurinn í flugi til Norður-Ameríku yrði tekinn upp í febrúar nk. Nú hefur nærri öllu flugi félagsins til Bandaríkjanna og Kanada verið frestað fram í mars. Og þegar flug vestur um haf liggur niðri þá er markaðurinn fyrir ferðir til evrópskra áfangastaða miklu minni. Þar af leiðandi hefur Icelandair einnig skorið niður flug til Evrópu nú í ársbyrjun.

Í janúar og febrúar gerir félagið ráð fyrir að jafnaði um þremur brottförum a dag frá Keflavíkurflugvelli. Á sama tíma í fyrra voru ferðirnar tuttugu og fjórar á dag samkvæmt talningum Túrista.

Samdrátturinn nemur því um 88 prósentum sem er í takt við þann niðurskurð sem boðaður var í kynningu Icelandair fyrir hlutafjárútboðið í haust.

Í þeirri kynningu var gert ráð fyrir að rekstur Icelandair myndi kosta að jafnaði 18,2 milljónir dollara á mánuði á fyrsta fjórðungi ársins. Sú upphæð jafngildir um 2,3 milljörðum íslenskra króna. Stjórnendur Icelandair hafa ekki gefið út nýtt mat á þessum svokallaða fjármagnsbruna.

Til samanburðar átti rekstrarkostnaðurinn að nema að jafnaði um þremur milljörðum á mánuði á síðasta fjórðungi 2020. Helming þeirrar lækkunar sem nú verður má rekja til lægri launakostnaður samkvæmt áætluninni.

Í því samhengi má rifja upp að nú um áramót fækkaði flugmönnum á launaskrá Icelandair um helming.

Nýtt efni

Sauðfjársetrið var stofnað árið 2002 af heimamönnum og hefur vaxið og dafnað í þeirra umsjá allar götur síðan. Nýverið hlaut það tilnefningu til Íslensku safnaverðlaunanna fyrir samfélagslegra nálgun í safnastarfi. Í umsögn með tilnefningunni segir meðal annars að hér sé um að ræða mikilvæga og öfluga menningarstofnun sem hafi gríðarmikið gildi fyrir samfélagið á Ströndum. …

Unnið er að því á flugvellinum í Nice á Côte d´Azur að rafvæða alla starfsemi hans með 4 milljóna evra fjárstuðningi frá Evrópusambandinu. Er verkefnið liður í loftslagsstefnu sambandsins. Allar flugvélar í stæði eiga að fá aðgang að raforku sem unnin er með endurnýjanlegum hætti. Settar verða upp um 70 tengistöðvar í þessu skyni. Á …

Nýja-Sjáland var á meðal þeirra ríkja sem fylgdu hörðustu lokunarstefnunni á meðan Covid-19 geisaði. Nú vilja stjórnvöld þar blása meira lífi í ferðaþjónustu á landinu og helst utan vinsælasta tímans sem er nýsjálenska sumarið - frá desemberbyrjun til febrúarloka, þegar dagarnir eru langir og sólríkir og nætur mildar.  Ferðaþjónusta er einn helsti atvinnuvegur Nýja Sjálands …

Talsmenn þýsku sambandsstjórnarinnar staðfestu í dag að hún væri að leita lausnar á viðskiptadeilu Evrópusambandsins og Kína. Það fæli væntanlega í sér að boðuð hækkun verndartolla um allt að 38,1 prósent nái fram að ganga. Það er ekki umhyggja fyrir kínverskum hagsmunum sem ræður afstöðu þýskra stjórnvalda heldur vilja þau vernda hagsmuni stórfyrirtækja í eigin …

Schiphol-flugvöllur við Amsterdam er meðal fjölförnustu flugvalla Evrópu og hefur umferðin um hann lengi verið umdeild meðal íbúa. Umfangi flugvallarins, hávaða frá honum og mengun, hefur ítrekað verið mótmælt og brugðist hefur verið við með því að setja takmarkanir á þjónustutíma og fjölda véla sem um hann fara. Schiphol er þó og verður áfram ein …

Verulega hefur dregið úr magni ósoneyðandi gastegunda í andrúmsloftinu og þykir núna nokkuð ljóst, samkvæmt nýrri rannsókn, að hið alþjóðlega átak um að bjarga ósonlaginu hafi tekist framar vonum.  Margir sem komnir eru á miðjan aldur muna eftir brúnaþungum sjónvarpsfréttamönnum segja frá válegum tíðindum af ósonlaginu á níunda og tíunda áratugnum, inni á milli lagstúfa …

Á meðan franskir og spænskir bílaframleiðendur þrýstu á um að Evrópusambandið brygðist hart við meintum óðeðlilega miklum ríkisstuðningi Kínverja við rafbílaframleiðslu sína og hækkuðu verndartolla vöruðu þýskir keppinautar þeirra við því að slegið gæti í bakseglin: Gríðarlega mikilvægur markaður í Kína gæti lokast að verulegu leyti. Um þriðjungur af sölutekjum Mercedes Benz, BMW og Volkswagen …

Óhætt er að segja að það kosti Hlyn Guðjónsson, sendiherra Íslands í Ottawa, mikil ferðalög að sinna íslenskum hagsmunum í Kanada, sem er næst víðfeðmasta land heimsins. Sendiráð Íslands er hinsvegar lítið, starfsmenn aðeins þrír - Hlynur og tveir staðarráðnir. Nýlega var Hlynur staddur í Halifax, höfuðborg Nova Scotia. Það tekur um tvo tíma að …