Samfélagsmiðlar

Ríkið greiddi 350 milljónir króna fyrir flugferðir Icelandair í fyrra

Í upphafi heimsfaraldursins gerði ríkið samning við Icelandair um flug til London, Stokkhólms og Boston. Frá miðju síðasta ári hefur hið opinbera aðeins greitt fyrir ferðir til bandarísku borgarinnar. Nýr samningur um ferðir þangað út veturinn var nýverið undirritaður.

Heildarframlög til að tryggja lágmarks flugsamgöngur til og frá landinu vegna Covid-19 faraldursins námu tæplega 350 milljónum kr. árið 2020. Samningur, sem samgöngu- og sveitastjórnarráðuneytið gerði við Icelandair þann 17. maí, heimilaði að heildarkostnaður vegna hans gæti að hámarki numið 500 milljón kr.

Ekki reyndist nauðsynlegt að nýta alla þá fjárhæð en allar tekjur flugfélagsins af flugum lækkuðu greiðslur. Þetta kemur fram í svari ráðuneytisins við fyrirspurn Túrista.

Fyrsti samningurinn var undirritaður í lok mars og gilti til 15. apríl. Um var að ræða flug til Boston annars vegar og London og Stokkhólms hins vegar. Annar samningur var gerður í beinu framhaldi um flug til sömu áfangastaða. Sá var í gildi til 5. maí en var framlengdur til 16. maí.

Þriðji samningurinn gilti frá 17. maí til 27. júní og tók áfram til áfangastaðanna þriggja. Hann var gerður að undangenginni auglýsingu eftir tilboðum á evrópska útboðsvefnum TED. Icelandair var eina flugfélagið sem gerði tilboð. 

Í þeim samningi var kveðið á um að hægt yrði að framlengja hann til eins eða fleiri af áfangastöðunum. Endurnýjunarákvæðið var nýtt frá og með 27. júní en aðeins vegna flugs til Boston. Frá þeim tíma hafa samningar eingöngu gilt um lágmarksflug til Boston. Heildarupphæð þeirra samninga nemur nærri 107 milljónum króna.

Þá gerði ráðuneytið viðaukasamning við Icelandair vegna flugs til Alicante í apríl að undirlagi utanríkisráðuneytisins. Sá samningur kostaði hið opinbera nærri 1,4 milljónir króna.

„Markmið samninganna hefur verið að tryggja mikilvæga farþega- og fraktflutninga til og frá landinu. Í upphafi var það ennfremur gert til að tryggja að íslenskir ríkisborgarar, sem staddir voru erlendis, gætu fundið sér leið heim í upphafi faraldursins,“ segir að lokum í svari ráðuneytisins.

Nýtt efni

Aspasinn fyrirfinnst í þremur litbrigðum – hvítur, grænn og fjólublár. Hér er í raun um að ræða sömu plöntuna en afbrigðin hafa ólíka eiginleika og ræðst liturinn af því ásamt hlutfalli sólarljóss við ræktunina. Þetta næringarríka grænmeti er ein þeirra matjurta sem maðurinn hóf fyrst að rækta en elstu heimildir um aspasræktun eru um 2.000 …

Það voru vísbendingar um offramboð á flugi héðan til London og Frankfurt síðastliðinn vetur að mati stjórnenda Icelandair. Nú er hins vegar útlit fyrir nokkru færri brottfarir til beggja þessara borga á komandi vetri. Þannig hefur Wizz Air ekki lengur á boðstólum flug til Íslands frá London og þar með dregst framboð á flugi hingað …

Ferðaskrifstofur sem selja Íslandsferðir horfa nú í auknum mæli á eftir viðskipavinunum til Noregs þar sem verðlagið er skárra. Norskir ferðafrömuðir eru líka brattir í viðtölum þessa dagana og almennt sammála um að nýliðinn vetur hafi gengið vel og sumarið verði „dúndurgott" eins og það síðasta. Og opinberar tölur sýna að veturinn gekk vel í …

Þrotabú Wow Air hefur höfðað 11 riftunarmál vegna greiðslna til kröfuhafa flugfélagsins fyrir gjaldþrot þess í mars 2019. Fyrrum forstjóra flugfélagsins og eigenda, Skúla Mogensen, er stefnt til greiðslu skaðabóta í öllum þessum málum. Auk þess er farið fram á skaðabætur frá fyrrum stjórn fyrirtækisins í níu málum. Í stjórninni sátu Liv Bergþórsdóttir, sem var …

Þingmennirnir Jóhann Páll Jóhannsson (S) og Óli Björn Kárason (D) eru ekki bjartsýnir á að Alþingi nái að afgreiða þingsályktuntillögu Lilju Alfreðsdóttur (B), ráðherra ferðamála, um nýja ferðamálastefnu til ársins 2030. Þetta kom fram í máli þingmannanna í pallborðsumræðum á fundi Samtaka ferðaþjónustunnar í fyrradag. Ráðherrann tók líka þátt í pallborðinu og átti þar lokaorðin. …

Verðlag í evrópskum matvöruverslunum var almennt hærra í nýliðnum apríl en það var á sama tíma í fyrra. Íbúar í Tékklandi, Litháen, Ungverjalandi, Slóveníu og Finnlandi borga þó minna í dag fyrir mat og drykk en þeir gerðu á fyrra samkvæmt nýrri verðmælingu á vegum Hagstofu Evrópusambandsins, Eurostat. Í Tyrklandi hækkar verðlag hratt og fór …

Samkeppnisstofnun Evrópusambandsins hefur sektað bandaríska sælgætisrisann Mondelez um 337,5 milljónir evra eða 47 milljarða íslenskra króna fyrir óeðlilega viðskiptahætti. Er Mondelez fellt fyrir að hafa skipt evrópska markaðnum upp og takmarkað flutning á vörum sínum milli landa á árunum 2015 til 2019. Tilgangurinn var að halda vöruverði uppi að því segir í tilkynningu frá Framkvæmdastjórn …

Spænska lágfargjaldaflugfélagið Vueling heldur áfram að fækka ferðum til Íslands en þotur þess flugu hingað þrisvar í viku frá Barcelona síðastliðið sumar og svo eina til tvær ferðir í viku yfir nýliðinn vetur. Sumaráætlun Vueling í ár gerir aðeins ráð fyrir brottförum frá Keflavíkurflugvelli á sunnudagskvöldum frá 23. júní til 8. september. Eftir þann tíma …