Samfélagsmiðlar

Ætla ekki að taka MAX þoturnar í gagnið á ný

Norwegian hefur langa reynslu af Boeing 737 NG þotum og þær verða áfram í notkun hjá félaginu. Aftur á móti vilja stjórnendur þess losna undan samningi um kaupa á Boeing 737 MAX þotum.

Norwegian flugfélagið tapaði 22 milljörðum norskra króna í fyrra sem jafngildir um 326 milljörðum íslenskra króna. Tvo þriðju hluta tapsins má rekja til afskrifta á flugflota félagsins. Þetta kemur fram í uppgjöri sem félagið birti í morgun.

Norwegian er ennþá í greiðslustöðvun, bæði á Írlandi og í Noregi, en stjórnendur félagsins vinna að því hörðum höndum að losna við stóran hluta af flugflotanum.

Í vikunni náðist samkomulag við Airbus um að Norwegian félli frá kaupum á 88 Airbus A320neo þotum en hins vegar gengur lítið í viðræðunum við Boeing. Norwegian pantaði eitt hundrað eintök af Boeing 737 MAX þotum árið 2012 og hafði tekið átján þeirra í gagnið áður en þær voru kyrrsettar í mars 2019.

Norwegian stefndi svo Boeing vegna gallanna í MAX þotunum í fyrra og vill komast undan kaupsamningi sínum við flugvélaframleiðandann. Á fundi með blaðamönnum í morgun sagði svo Geir Karlsen, fjármálastjóri Norwegian, að félagið ætlaði sér ekki að fljúga MAX þotum á ný, ekki einu sinni þessum átján sem félagið er með í dag.

Í staðinn verði eldri gerðir af Boeing 737 þotum notaðar áfram til að fljúga farþegum Norwegian. Samtals er gert ráð fyrir fimmtíu þess háttar flugvélum flotanum auk þriggja sem notaðar verða til vara samkvæmt frétt E24.

Stjórnendur Norwegian hafa áður gefið út að félagið ætla að hætta áætlunarflugi milli Norður-Ameríkug og Evrópu og þar með séu ekki lengur nota fyrir Boeing Dreamliner þotur félagsins.

Nýtt efni

„Samstarf fólks um allt land er forsenda þess að þróunin verði Grænlandi í hag. Ferðamenn virða ekki sveitamörk heldur eru með hugann allan við að njóta áfangastaða sinna. Þess vegna er svo brýnt að við sem áfangastaðurinn Grænland vinnum saman að því að bjóða upp á óaðfinnanlega og heildstæða upplifun - og náum saman, bæði …

Biðinni er brátt lokið og eftirvæntingarfullir aðdáendur írska rithöfundarins Sally Rooney getað andað léttar því að í liðinni viku var tilkynnt af The Wylie Agency, umboðsskrifstofu rithöfundarins, að ný bók væri væntanleg frá henni þriðjudaginn 24. september 2024.  Alex Bowler, talsmaður Faber & Faber, enska forlags rithöfundarins, sendi líka frá sér tilkynningu í tilefni af væntanlegri  …

Farþegar á Keflavíkurflugvelli gátu að jafnaði valið á milli nærri 10 brottfara á dag til höfuðborgar Bretlands í síðasta mánuði. Þetta er viðbót um eina ferð frá sama tíma í fyrra ef tillit er tekið til þess að nú er hlaupaár. London var sú borg sem oftast var flogið til frá Keflavíkurflugvelli í febrúar samkvæmt …

Það er bannað að auglýsa vín á Íslandi - nema auðvitað í amerískum samfélagsmiðlum og þeim erlendu vefsíðum sem íslenskir lesendur heimsækja. Áfengisauglýsingar eru hinsvegar mikilvæg tekjulind fjölmiðla í löndum allt í kringum okkur enda býr áfengisiðnaðurinn yfir miklu fjármagni og vill viðhalda áhuga neytenda á öllum aldri á þessum viðurkennda en varasama vímugjafa. FF7 …

Með hjálp málgreiningarforrits og athugun á orðanotkun hefur Lapo Lappin komist að því að tvær af vinsælustu bókum Camillu geta varla verið skrifaðar af höfundinum sjálfum og bendir Lappin á að textinn líkist mjög textum eftir annan rithöfund, Pascal Engman. Sjálf neitar Camilla (og það gerir Pascal einnig) öllum ásökunum og telur þær vera ávöxt öfundar …

Stundum fer rás atburða í hring. Flugvélasmiðja Spirit í Wichita var sett á stofn af Stearman Aircraft árið 1927 en tveimur árum síðar eignaðist United Aircraft and Transport Corporation fyrirtækið og rak til ársins 1934. Þá tók Boeing við rekstrinum og í heimsstyrjöldinni síðari, árið 1941, varð Spirit deild innan Boeing. Þannig hélst fyrirkomulagið til …

„Ég er búinn að vera í björgunarsveit í að verða 15 ár og í öllum útköllum tók ég Beef Jerky, þurrkað nautakjöt frá Bandaríkjunum, með mér sem nesti í neyð. Ég gekk til dæmis einu sinni þvert yfir landið, frá Reykjanestá yfir á Langanes og fyrir þá ferð gerði ég mikla leit að góðu, íslensku …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …