Samfélagsmiðlar

Afborgunum og vaxtagreiðslum frestað af bróðurparti lána bankans til ferðaþjónustunnar

Virðisrýrnun lána Landsbankans til ferðaþjónustufyrirtækja var metin á 6,2 milljarða króna um síðustu áramót samkvæmt nýju uppgjöri fyrir 2020. Til samanburðar nam þessi liður sjö milljörðum kr. hjá Íslandsbanka og fimm og hálfum milljarði hjá Arion banka.

Bókfært virði lána Landsbankans til ferðaþjónustu var, í lok árs 2020, 96 milljarðar króna. Þar af höfðu útlán að bókfærðu virði 83 milljarðar króna fengið almenn úrræði í formi frestunar á greiðslu afborgana og vaxta til allt að sex mánaða innan síðasta árs. Þetta kemur fram í svari Landsbankans við fyrirspurn Túrista.

Þar segir jafnframt að lánveitingar til flugfélaga teljist sem lán til ferðaþjónustu en í mars 2019 lánaði Landsbankinn 80 milljónir dollara til Icelandair.

Sú upphæð jafngilti um tíu milljörðum króna á þáverandi gengi. Tilkynnt var um lánveitinguna þremur dögum áður en stjórnendur Boeing kölluðu eftir að allar MAX þotur yrðu kyrrsettar í kjölfar tveggja flugslysa. Á þeim tímapunkti voru sex þess háttar flugvélar í flota Icelandair en Landsbankinn fékk veð í tíu af Boeing 757 þotum flugfélagsins.

Veita ekki upplýsingar um Keahótelin

Undir lok síðasta árs var tilkynnt um endurskipulagningu skulda Keahótelanna. Í tengslum við þá vinnu eignaðist Landsbankinn 35 prósent hlut í fyrirtækinu en á sama tíma var gamla móðurfélag hótelanna lýst gjaldþrota. Ekki fást upplýsingar frá bankanumum um mögulegar afskriftir á lánum til hins gamla móðurfélags.

Í ársuppgjöri Landsbankans kemur heldur ekki fram hvert bókfært virði þessa 35 prósent hlutar í Keahótelunum er. Sú eign er flokkuð með hlut Landsbankans í fjórum öðrum fyrirtækjum. Samtals var virði þeirra allra er var 1,6 milljarður kr. um síðustu áramót.

Nýtt efni

„Samstarf fólks um allt land er forsenda þess að þróunin verði Grænlandi í hag. Ferðamenn virða ekki sveitamörk heldur eru með hugann allan við að njóta áfangastaða sinna. Þess vegna er svo brýnt að við sem áfangastaðurinn Grænland vinnum saman að því að bjóða upp á óaðfinnanlega og heildstæða upplifun - og náum saman, bæði …

Biðinni er brátt lokið og eftirvæntingarfullir aðdáendur írska rithöfundarins Sally Rooney getað andað léttar því að í liðinni viku var tilkynnt af The Wylie Agency, umboðsskrifstofu rithöfundarins, að ný bók væri væntanleg frá henni þriðjudaginn 24. september 2024.  Alex Bowler, talsmaður Faber & Faber, enska forlags rithöfundarins, sendi líka frá sér tilkynningu í tilefni af væntanlegri  …

Farþegar á Keflavíkurflugvelli gátu að jafnaði valið á milli nærri 10 brottfara á dag til höfuðborgar Bretlands í síðasta mánuði. Þetta er viðbót um eina ferð frá sama tíma í fyrra ef tillit er tekið til þess að nú er hlaupaár. London var sú borg sem oftast var flogið til frá Keflavíkurflugvelli í febrúar samkvæmt …

Það er bannað að auglýsa vín á Íslandi - nema auðvitað í amerískum samfélagsmiðlum og þeim erlendu vefsíðum sem íslenskir lesendur heimsækja. Áfengisauglýsingar eru hinsvegar mikilvæg tekjulind fjölmiðla í löndum allt í kringum okkur enda býr áfengisiðnaðurinn yfir miklu fjármagni og vill viðhalda áhuga neytenda á öllum aldri á þessum viðurkennda en varasama vímugjafa. FF7 …

Með hjálp málgreiningarforrits og athugun á orðanotkun hefur Lapo Lappin komist að því að tvær af vinsælustu bókum Camillu geta varla verið skrifaðar af höfundinum sjálfum og bendir Lappin á að textinn líkist mjög textum eftir annan rithöfund, Pascal Engman. Sjálf neitar Camilla (og það gerir Pascal einnig) öllum ásökunum og telur þær vera ávöxt öfundar …

Stundum fer rás atburða í hring. Flugvélasmiðja Spirit í Wichita var sett á stofn af Stearman Aircraft árið 1927 en tveimur árum síðar eignaðist United Aircraft and Transport Corporation fyrirtækið og rak til ársins 1934. Þá tók Boeing við rekstrinum og í heimsstyrjöldinni síðari, árið 1941, varð Spirit deild innan Boeing. Þannig hélst fyrirkomulagið til …

„Ég er búinn að vera í björgunarsveit í að verða 15 ár og í öllum útköllum tók ég Beef Jerky, þurrkað nautakjöt frá Bandaríkjunum, með mér sem nesti í neyð. Ég gekk til dæmis einu sinni þvert yfir landið, frá Reykjanestá yfir á Langanes og fyrir þá ferð gerði ég mikla leit að góðu, íslensku …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …