Samfélagsmiðlar

Bréfin í Icelandair þau einu sem hækkuðu í janúar

Gengi hlutabréfa í Icelandair þróaðist með öðrum hætti í janúar en hjá keppinautunum. Íslenska félagið hefur líka hækkað meira frá útboðinu í fyrra en Finnair og SAS hafa gert.

SAS, Norwegian, Finnair og Icelandair eru umsvifamestu flugfélög Norðurlanda og öll skráð á markað.

Stjórnendur flugfélaga hafa þurft að skera niður flugáætlanir sínar enn frekar nú í ársbyrjun sem rekja má til aukinna sóttvarnaraðgerða við landamæri. Gengi hlutabréfa í mörgum af stærstu flugfélög Evrópu hefur í takt við þetta lækkað frá áramótum. Það á til að mynda við um easyJet, Lufthansa, Air France/KLM Group, IAG samsteypuna og Ryanair.

Þróunin hefur verið sú sama hjá norrænu flugfélögunum Finnair, SAS og Norwegian en þó ekki hjá Icelandair eins og sjá má á grafinu hér fyrir neðan.

Þannig kostaði hvert bréf í Icelandair 1,64 krónur um áramótin en verðið var 1,685 krónur í lok síðasta viðskiptadags janúar. Hækkunin nemur 2,7 prósentum. Bréfin í SAS lækkuðu um tæp átta prósent á þessu tímabili og um þriðjung í Norwegian.

Þessa miklu niðursveiflu hjá því síðarnefnda má líklega rekja til greiðslustöðvunnar félagsins, niðurskurðar í rekstri og komandi hlutafjárútboðs. Núverandi hlutafé verður fært verulega niður í tengslum við þá útgáfu.

Það er því í raun áhugaverðast að bera saman þróunina hjá Finnair og Icelandair því rekstur beggja byggir að miklu leyti á farþegum á leið milli heimsálfa. Finnair á allt undir því að Asía opnist sem fyrst og án Ameríkuflugs verða umsvif Icelandair lítil.

Gengi bréfa í Finnair hefur sigið nær dag frá degi í janúar og lækkaði í heildina um nærri 18 prósent. Sem fyrr segir hækkaði gengi bréfa Icelandair frá áramótum en það voru töluverðar sveiflur milli daga í nýliðnum mánuði.

Þegar horft er til þróunarinnar frá því að norrænu flugfélögin héldu hlutafjárútboð sín í fyrra þá hefur hækkunin verið mest hjá Icelandair eða 69 prósent. Gengi bréfa í SAS hafa hækkað um 45 prósent frá útboðinu í október og 56 prósent í Finnair.

Nýtt efni

Vaxandi óánægju gætir meðal leigusala og húsnæðismiðlara í Bandaríkjunum með það ægivald sem Airbnb hefur á skammtímaleigumarkaðnum. Margir eru sagðir leita leiða til að afla leigutekna utan eða meðfram kerfi bandaríska risans, sem gerir stöðugt meiri kröfur til þeirra sem leigja út vegna þrýstings frá samfélögum sem stynja undan umfangi og markaðsáhrifum skammtímaleigu til ferðafólks.  …

Flugsamstæðan Air France KLM hefur greint frá því að rekstrarhagnaður á síðasta ársfjórðungi hafi minnkað um 30% og er það verri afkoma en flugmálasérfræðingar bjuggust við. Helstu skýringar eru sagðar aukinn starfskostnaður og hærra olíuverð en búist var við. Þetta er veruleiki sem önnur flugfélög hafa almennt verið að kljást við. Á öðrum ársfjórðungi nam …

Þegar stjórnendur Play kynntu í apríl sl. uppgjör fyrirtækisins fyrir fyrstu þrjá mánuði ársins þá brugðu þeir út af vananum og birtu engan árshlutareikning. Þar með fengu fjárfestar og greinendur ekki aðgang að uppfærðum efnahagsreikningi fyrir flugfélagið þar sem meðal annars eigna- og skuldastaða kemur fram. Um leið fengust ekki upplýsingar um hvert eiginfjárhlutfall félagsins …

Suður-kóreski rafhlöðuframleiðandinn LG Energy Solution (LGES) á í viðræðum við þrjá ónefnda kínverska birgja um að framleiða ódýrar bílarafhlöður fyrir Evrópumarkað og bregðast þannig við hærri verndartollum Evrópusambandsins á rafbíla frá Kína.  Þetta hefur Reuters-fréttastofan eftir háttsettum heimildarmanni innan LGES, sem er í hópi stærstu rafhlöðuframleiðenda heims ásamt CATL í Kína, Panasonic í Japan og …

Þó margir njóti guðaveiga í sumarfríinu þá er hásumarið rólegur tími í heimi vínviðskipta. Það er löngu búið að ganga frá sölu á framleiðslu liðins árs en beðið tíðinda af næstu vínuppskeru. Þegar horft er á heildina þá hefur dregið úr vínsölu vegna efnahagsþrenginga og breyttra neysluhátta. En loftslagsbreytingar valda vínbændum víða erfiðleikum og hafa …

Það kemur skýrt fram í afkomutölum rafbílaframleiðandans Tesla að hægt hefur á orkuskiptum í bílasamgöngum. Á fyrri helmingi ársins hefur Tesla selt um 831 þúsund rafbíla en Elon Musk hafði spáð því að á árinu öllu myndu seljast um 1,8 milljónir bíla. Það vantar því enn mikið upp á að sú spá rætist. Sala Tesla …

Áður en Play fór í loftið sumarið 2021 var efnt til hlutafjárútboðs þar sem söfnuðust 10 milljarðar króna. Umsjón með útboðinu höfðu Arctica Finance og Arion banki en þessi tvö fjármálafyrirtæki komu einnig að fjármögnun Wow Air á sínum tíma. Í útboði meðal almennings reyndist umframeftirspurnin áttföld. Í kynningarefni sem fylgdi hlutafjárútboðinu var aðeins ein …

„Okkur er ánægja að tilkynna um fjölgun A350-900-véla í utanlandsflugi og A321neo í innanlandsflugi,“ segir Yukio Nakagawa, innkaupastjóri Japan Airlines, í tilkynningu félagsins um samninga við Airbus um kaup á nýjum þotum. „Með því að flýta því að taka í notkun nýjustu og sparneytnustu flugvélarnar viljum við veita viðskiptavinum okkar besta hugsanlegu þjónustu um leið …