Samfélagsmiðlar

Ekkert að því að stjórnmálaflokkar skipi í stjórn Isavia

Oddný Harðardóttir, þingflokksformaður Samfylkingarinnar, kallar eftir eigendastefnu fyrir Isavia og telur að innanlandsflug í gegnum alþjóðaflugvöll sé mikilvægt. Sem fjármálaráðherra skipaði hún í stjórn Isavia árið 2011.

„Svo að sátt sé um stjórnina í svo mikilvægu fyrirtæki sem Isavia er þá er ekkert að því að stjórnmálaflokkar tilnefni sinn fulltrúa enda verða allir stjórnarmenn að uppfylla þær hæfniskröfur sem eigendastefnan gerir ráð fyrir," segir Oddný Harðardóttir, formaður þingflokks Samfylkingarinnar.

Þau fimm sem sitja í stjórn Isavia í dag eru öll fulltrúar stjórnmálaflokka. Á núverandi kjörtímabili hafa stjórnarflokkarnir þrír átt hver sinn mann í stjórninni og Miðflokkur og Píratar eiga svo sitthvort sætið.

Sami háttur hefur verið hafður á í tíð fyrri ríkisstjórna en í Noregi, Svíþjóð og Finnlandi, þar sem eignhald á flugvöllum er líka í höndum hins opinbera, tíðkast ekki að velja pólitískt í stjórn flugvallarfyrirtækjanna.

Aðspurð hvort Samfylkingin myndi halda í hefðina og skipa eigin fulltrúa ef flokkurinn hefði færi á þá segir Oddný Harðardóttir, þingflokksformaður, ekkert sjá að því að stjórnmálaflokkar tilnefni hæfa fulltrúa í stjórnina.

„Það sem mér finnst skipta mestu máli varðandi Isavia er að eigandinn, þ.e. ríkið fyrir hönd þjóðarinnar, setji fyrirtækinu skýra og markvissa eigendastefnu. Þar komi fram helstu áherslur og forgangsröðun og um hvernig þjónustu skuli háttað um allt land. Allt með hagsmuni fólksins í landinu í huga,“ segir Oddný.

Hún bætir því við að í eigendastefnu Isavia verði tilgreindar kröfur til stjórnarmanna og það sé fjármála- og efnahagsráðherra sem haldi á bréfunum fyrir hönd ríkisins.

„Hann verður því að skipa í stjórn. Svo að sátt sé um stjórnina í svo mikilvægu fyrirtæki sem Isavia er þá er ekkert að því að stjórnmálaflokkar tilnefni sinn fulltrúa enda verða allir stjórnarmenn að uppfylla þær hæfniskröfur sem eigendastefnan gerir ráð fyrir,“ útskýrir Oddný.

Þú talar um þjónustu við fólk um allt land. Eiga íbúar á landsbyggðinni að hafa betra aðgengi að Keflavíkurflugvelli?

„Innanlandsflug í gegnum alþjóðaflugvöll er mikilvægt og ég held að það muni þjóna fólki og ferðaþjónustufyrirtækjum betur um allt land,“ svarar Oddný.

Í því samhengi má rifja upp að núverandi stjórn Isavia tók þá ákvörðun í hittifyrra að stofna dótturfélag utan um rekstur innanlandsflugvalla landins. Keflavíkurflugvöllur tilheyrir áfram móðurfélaginu.

Nýtt efni

Það voru þrjú norræn alþjóðaflugfélög sem hófu flugrekstur í Covid-faraldrinum. Hér á landi var það Play en Flyr og Norse í Noregi. Öll þrjú leigðu árið 2021 þotur á lægra verði en áður hafði þekkst og efndu til hlutafjárútboða meðal fagfjárfesta og almennings. Í byrjun síðasta árs varð Flyr gjaldþrota en rekstur þess byggði á …

Ein árangursríkasta loftslagsaðgerð síðari ára á Íslandi er líklega sú að banna urðun lífræns úrgangs. Þetta bann tók gildi í upphafi árs 2023 og árangurinn hefur ekki látið á sér standa. Smám saman hafa jákvæðar tölur verið að berast, sem gefa tilefni til bjartsýni. Það er semsagt hægt að ná árangri í loftslagsmálum, þótt margir …

Barselóna er ein vinsælasta ferðamannaborg Evrópu en óþol íbúa vegna ágangsins hefur farið vaxandi á síðustu árum - ekki síst vegna húsnæðisvanda ungs fólks sem ekki getur keppt við ferðaþjónustuna í leiguverði. Fyrri borgaryfirvöld hættu útgáfu nýrra leyfa til útleigu og lokað mörgum ferðamannaíbúðum en nú eru í farvatninu enn meiri breytingar. Airbnb og öðrum …

Í Svíþjóð kalla sumarsólstöður, eða Midsommar, á mikil hátíðarhöld þar sem síld og snaps hafa lengstum verið í aðalhlutverki. Sölutölur sænskra kaupmanna sýna þó að vinsældir síldarinnar dala ár frá ári og nú er svo komið að salan hefur helmingast frá árinu 2008. Frá þessu greinir Sænska ríkisútvarpið. Skýringin á þessari þróun liggur í bragðlaukum …

Ferðahópur á Þingvöllum

Alþingi hefur samþykkt tillögu til þingsályktunar, sem ferðamálaráðherra lagði fram í apríl, um ferðamálastefnu og aðgerðaáætlun til 2030. Öðlast þingsályktunin þegar gildi en mótun stefnunar var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira …

Ásgeir Baldurs, framkvæmdastjóri Arctic Adventures

Arctic Adventures er eitt stærsta fyrirtæki landsins í ferðaþjónustu og hefur verið að stækka starfssvið sitt, síðast með kaupum á Special Tours, sem sinnir skoðunarferðum á slóðum hvala og lunda, auk þess að reka Hvalasafnið (Whales of Iceland) í Reykjavík.  Ásgeir Baldurs tók við starfi forstjóra Arctic Adventures fyrir rúmu ári, þegar margir bundu vonir við …

Kínversku bílaframleiðendurnir BYD og SAIC, sem er eigandi framleiðslufyrirtækis MG-rafbílana vinsælu, hafa ekki ákveðið enn hvort verð á rafbílum sem seldir verða í Evrópu eftir 4. júlí hækka í verði. Þá tekur gildi umtalsverð hækkun tolla á kínversku rafbílana. Samkvæmt heimildum Reuters verður engin verðbreyting ákveðin fyrir þann tíma. Evrópusambandið ákvað að tollur á MG-bílum …

Gengi hlutabréfa í Norwegian féll í gærdag eftir að greinendur norska bankans DNB færðu niður verðmat sitt á félaginu úr 19 norskum krónum á hlut niður í 17 kr. Hið nýja verðmat var engu að síður 30 prósent yfir markaðsgenginu, 14 norskar kr., en engu að síður féll gengið um tíu prósent í gær og …