Samfélagsmiðlar

Fá frið fyrir norrænum keppinautum í höfuðvígi sínu vestanhafs

Lengi vel var Icelandair eina norræna flugfélagið sem bauð upp á áætlunarferðir til og frá Boston. Ferðir félagsins þangað líka lengi verið mjög tíðar.

Árið 2015 hóf Wow Air svo flug til Boston og síðar bættist borgin við leiðakerfi Norwegian og SAS.

Í framhaldinu féllu farþegatekjur Icelandair af flugi frá bandarísku borginni líkt og sýnt var fram á í fjárfestakynningu félagsins sl. haust. Tekjurnar af farþegum á leið milli Boston og Kaupmannahafnar helminguðust til að mynda á árunum 2014 til 2019.

Nú er hins vegar útlit fyrir að Icelandair verði á ný eitt norrænna flugfélaga í Boston. Wow air er auðvitað hætt starfsemi og nýverið tilkynntu stjórnendur Norwegian að ferðum þess félags til Bandaríkjanna yrði hætt.

Í morgun kom svo í ljós að SAS ætlar ekki að taka upp þráðinn í flugi milli Kaupmannahafnar og Boston í sumar. Félagið hafði ráðgert að nýta splunkunýjar og langdrægar Airbus A321LR þotur í ferðirnar en ekkert verður af þessum áformum í sumar.

Eins og gefur að skilja þá eru það ekki bara farþegar á leið milli Norðurlandanna og Boston sem hafa nýtt sér áætlunarflug Icelandair í bandarísku borginni. Og útlit er fyrir meiri samkeppni um farþega á leið milli Boston og London innan skamms með nýju áætlunarflugi JetBlue. Eins áformar hið írska Aer Lingus að bæta í flug þangað líkt og Túristi hefur fjallað um.

Nýtt efni

Sauðfjársetrið var stofnað árið 2002 af heimamönnum og hefur vaxið og dafnað í þeirra umsjá allar götur síðan. Nýverið hlaut það tilnefningu til Íslensku safnaverðlaunanna fyrir samfélagslegra nálgun í safnastarfi. Í umsögn með tilnefningunni segir meðal annars að hér sé um að ræða mikilvæga og öfluga menningarstofnun sem hafi gríðarmikið gildi fyrir samfélagið á Ströndum. …

Unnið er að því á flugvellinum í Nice á Côte d´Azur að rafvæða alla starfsemi hans með 4 milljóna evra fjárstuðningi frá Evrópusambandinu. Er verkefnið liður í loftslagsstefnu sambandsins. Allar flugvélar í stæði eiga að fá aðgang að raforku sem unnin er með endurnýjanlegum hætti. Settar verða upp um 70 tengistöðvar í þessu skyni. Á …

Nýja-Sjáland var á meðal þeirra ríkja sem fylgdu hörðustu lokunarstefnunni á meðan Covid-19 geisaði. Nú vilja stjórnvöld þar blása meira lífi í ferðaþjónustu á landinu og helst utan vinsælasta tímans sem er nýsjálenska sumarið - frá desemberbyrjun til febrúarloka, þegar dagarnir eru langir og sólríkir og nætur mildar.  Ferðaþjónusta er einn helsti atvinnuvegur Nýja Sjálands …

Talsmenn þýsku sambandsstjórnarinnar staðfestu í dag að hún væri að leita lausnar á viðskiptadeilu Evrópusambandsins og Kína. Það fæli væntanlega í sér að boðuð hækkun verndartolla um allt að 38,1 prósent nái fram að ganga. Það er ekki umhyggja fyrir kínverskum hagsmunum sem ræður afstöðu þýskra stjórnvalda heldur vilja þau vernda hagsmuni stórfyrirtækja í eigin …

Schiphol-flugvöllur við Amsterdam er meðal fjölförnustu flugvalla Evrópu og hefur umferðin um hann lengi verið umdeild meðal íbúa. Umfangi flugvallarins, hávaða frá honum og mengun, hefur ítrekað verið mótmælt og brugðist hefur verið við með því að setja takmarkanir á þjónustutíma og fjölda véla sem um hann fara. Schiphol er þó og verður áfram ein …

Verulega hefur dregið úr magni ósoneyðandi gastegunda í andrúmsloftinu og þykir núna nokkuð ljóst, samkvæmt nýrri rannsókn, að hið alþjóðlega átak um að bjarga ósonlaginu hafi tekist framar vonum.  Margir sem komnir eru á miðjan aldur muna eftir brúnaþungum sjónvarpsfréttamönnum segja frá válegum tíðindum af ósonlaginu á níunda og tíunda áratugnum, inni á milli lagstúfa …

Á meðan franskir og spænskir bílaframleiðendur þrýstu á um að Evrópusambandið brygðist hart við meintum óðeðlilega miklum ríkisstuðningi Kínverja við rafbílaframleiðslu sína og hækkuðu verndartolla vöruðu þýskir keppinautar þeirra við því að slegið gæti í bakseglin: Gríðarlega mikilvægur markaður í Kína gæti lokast að verulegu leyti. Um þriðjungur af sölutekjum Mercedes Benz, BMW og Volkswagen …

Óhætt er að segja að það kosti Hlyn Guðjónsson, sendiherra Íslands í Ottawa, mikil ferðalög að sinna íslenskum hagsmunum í Kanada, sem er næst víðfeðmasta land heimsins. Sendiráð Íslands er hinsvegar lítið, starfsmenn aðeins þrír - Hlynur og tveir staðarráðnir. Nýlega var Hlynur staddur í Halifax, höfuðborg Nova Scotia. Það tekur um tvo tíma að …