Samfélagsmiðlar

Inneignarnótur fyrir 12,1 milljarð króna

Flugfélög hafa í raun fengið lánaðar háar upphæðir hjá neytendum vegna allra þeirra flugferða sem hafa verið felldar niður síðustu misseri. Þessi skuld Icelandair við farþega nemur um helmingi þeirrar upphæðar sem safnaðist í hlutafjárútboði félagsins í haust.

Vegna heimsfaraldursins urðu flugfélög að fella niður stóran hluta af ferðum sínum í fyrra. Um leið hefði í raun átt að endurgreiða alla farmiðana sem ekki nýttust en þá hefði gengið verulega á sjóði félaganna. Flest þeirra buðu því farþegunum inneignarnótur í staðinn en þá eru þau skuldbundin til að fljúga fólkinu á milli staða næstu ár án þess að hafa af því frekari tekjur. Kostnaðurinn verður þó ennþá til staðar.

Hjá Icelandair nam þessi útgáfa inneignarbréfa samtals 12,1 milljarði króna á síðasta ári eða 94 milljónum dollara samkvæmt því sem fram kemur í uppgjöri félagsins sem birt var í kvöld.

Upphæðin hefur hækkað um tíu miljónir dollara frá lokum þriðja fjórðungs síðasta árs en Icelandair gerir upp í bandarískum dollurum. Í krónum talið nam viðbótin nokkuð hundruð milljónum.

Til að setja þessa skuld gagnvart farþegum í samhengi þá jafngildir hún rúmum helmingi þess nýja hlutafjár sem Icelandair aflaði í hlutafjárútboðinu í haust.

Þetta er líka um þrír fjórðu af lánalínunni sem Alþingi hefur gefið vilyrði sitt fyrir. Ríkislánið til Icelandair getur nefnilega numið allt að 120 milljónum dollara eða um 15,5 milljörðum króna miðað við gengi dagsins.

Útgáfa inneignarbréfanna er svo um fjórðungur allra þeirra farþegatekna sem Icelandair hafði yfir sumarvertíðina árið 2017. En það ár skilaði flugfélagið síðast hagnaði.

Inneignarnótur Icelandair gilda í þrjú ár.

Nýtt efni

Sauðfjársetrið var stofnað árið 2002 af heimamönnum og hefur vaxið og dafnað í þeirra umsjá allar götur síðan. Nýverið hlaut það tilnefningu til Íslensku safnaverðlaunanna fyrir samfélagslegra nálgun í safnastarfi. Í umsögn með tilnefningunni segir meðal annars að hér sé um að ræða mikilvæga og öfluga menningarstofnun sem hafi gríðarmikið gildi fyrir samfélagið á Ströndum. …

Unnið er að því á flugvellinum í Nice á Côte d´Azur að rafvæða alla starfsemi hans með 4 milljóna evra fjárstuðningi frá Evrópusambandinu. Er verkefnið liður í loftslagsstefnu sambandsins. Allar flugvélar í stæði eiga að fá aðgang að raforku sem unnin er með endurnýjanlegum hætti. Settar verða upp um 70 tengistöðvar í þessu skyni. Á …

Nýja-Sjáland var á meðal þeirra ríkja sem fylgdu hörðustu lokunarstefnunni á meðan Covid-19 geisaði. Nú vilja stjórnvöld þar blása meira lífi í ferðaþjónustu á landinu og helst utan vinsælasta tímans sem er nýsjálenska sumarið - frá desemberbyrjun til febrúarloka, þegar dagarnir eru langir og sólríkir og nætur mildar.  Ferðaþjónusta er einn helsti atvinnuvegur Nýja Sjálands …

Talsmenn þýsku sambandsstjórnarinnar staðfestu í dag að hún væri að leita lausnar á viðskiptadeilu Evrópusambandsins og Kína. Það fæli væntanlega í sér að boðuð hækkun verndartolla um allt að 38,1 prósent nái fram að ganga. Það er ekki umhyggja fyrir kínverskum hagsmunum sem ræður afstöðu þýskra stjórnvalda heldur vilja þau vernda hagsmuni stórfyrirtækja í eigin …

Schiphol-flugvöllur við Amsterdam er meðal fjölförnustu flugvalla Evrópu og hefur umferðin um hann lengi verið umdeild meðal íbúa. Umfangi flugvallarins, hávaða frá honum og mengun, hefur ítrekað verið mótmælt og brugðist hefur verið við með því að setja takmarkanir á þjónustutíma og fjölda véla sem um hann fara. Schiphol er þó og verður áfram ein …

Verulega hefur dregið úr magni ósoneyðandi gastegunda í andrúmsloftinu og þykir núna nokkuð ljóst, samkvæmt nýrri rannsókn, að hið alþjóðlega átak um að bjarga ósonlaginu hafi tekist framar vonum.  Margir sem komnir eru á miðjan aldur muna eftir brúnaþungum sjónvarpsfréttamönnum segja frá válegum tíðindum af ósonlaginu á níunda og tíunda áratugnum, inni á milli lagstúfa …

Á meðan franskir og spænskir bílaframleiðendur þrýstu á um að Evrópusambandið brygðist hart við meintum óðeðlilega miklum ríkisstuðningi Kínverja við rafbílaframleiðslu sína og hækkuðu verndartolla vöruðu þýskir keppinautar þeirra við því að slegið gæti í bakseglin: Gríðarlega mikilvægur markaður í Kína gæti lokast að verulegu leyti. Um þriðjungur af sölutekjum Mercedes Benz, BMW og Volkswagen …

Óhætt er að segja að það kosti Hlyn Guðjónsson, sendiherra Íslands í Ottawa, mikil ferðalög að sinna íslenskum hagsmunum í Kanada, sem er næst víðfeðmasta land heimsins. Sendiráð Íslands er hinsvegar lítið, starfsmenn aðeins þrír - Hlynur og tveir staðarráðnir. Nýlega var Hlynur staddur í Halifax, höfuðborg Nova Scotia. Það tekur um tvo tíma að …