Samfélagsmiðlar

Langoftast ódýrast með Icelandair yfir hafið

Þeir sem eru í dag að skoða farmiða milli fjölmennustu borga N-Ameríku og Evrópu finna í mörgum tilfellum ódýrustu miðana hjá Icelandair.

„Icelandair hefur litla stjórn á því hvaða verði það selur miða til tengifarþega því það þarf að undirbjóða flesta aðra á markaðinum,” fullyrti fyrrum forstöðumaður leiðakerfis Icelandair í grein í Viðskiptablaðinu í síðustu viku.

Einn af núverandi framkvæmdastjórum félagsins hafði áður sagt Icelandair vera í hlutverki verðtaka á markaðnum fyrir flugferðir milli Norður-Ameríku og Evrópu. Verðlagning annarra flugfélaga réði ferðinni.

Og óhætt er að segja að fargjöld Icelandair í dag endurspegli þessa stöðu félagsins sem að ofan er lýst. Það sýna niðurstöður verðkönnunar sem Túristi hefur framkvæmt.

Þar var leitað eftir farmiðum á fimm mismunandi flugleiðum sem innihalda borgir sem lengi hafa vegið þungt í flugáætlun Icelandair. Leitarvél Kayak var notuð í framkvæmdina en hún hefur um langt skeið verið í fararbroddi á sínu sviði.

Leiðirnar sem um ræðir eru: London-Boston, Chicago-Kaupmannahöfn, Washington-París, Amsterdam-New York og Frankfurt-Toronto. Skoðuð voru fargjöld á þessum fimm leiðum á þremur mislöngum tímabilum frá miðjum júní og fram í miðjan ágúst. Í heildina nær könnunin því til fimmtán mismunandi ferðaáætlana.

Og skemmst er frá því að segja að í tólf af fimmtán tilfellum var Icelandair með lægsta fargjaldið og munurinn var oft umtalsverður.

Þannig var meðalverðið hjá Icelandair að jafnaði 41 prósenti lægra en ódýrasta beina flug á fyrrnefndum flugleiðum. Ódýrasti farmiðinn hjá Icelandair kostaði að meðaltali 83 þúsund en að jafnaði þurfti að borga að minnsta kosti 141 þúsund krónur fyrir beint flug á sömu dagsetningum.

Langmesti verðmunurinn var á flugleiðinni Amsterdam til New York eins og sjá má hér fyrir neðan.

Hafa ber í huga að ekki liggur fyrir hvenær farþegaflug milli heimsálfa verður á ný með eðlilegum hætti. Það og sú staðreynd að bókunarstaða flugfélaga er miklu verri en áður hefur því áhrif á verðlagninu flugfélaganna. Það á sennilega við um þau öll, ekki bara Icelandair.

Um framkvæmdina: Flugleiðir voru valdar að handahófi og líka ferðatímabilin en þau ná frá miðjum júní og fram í miðjan ágúst. Aðeins voru skoðaðir flugmiðar sem eru á boðstólum hjá flugfélögunum sjálfum og gerð var krafa um að tengitíminn, milli flugferða, væri styttri en þrjár klukkustundir.

Nýtt efni

Árið 1970 barst Pattie Boyd nafnlaust og dularfullt ástarbréf frá einhverjum sem þráði hana afar heitt. Vandinn var bara sá að Pattie var þegar gift öðrum manni og ekki ófrægum; hún og George Harrison gítarleikari The Beatles höfðu búið saman í sex ár þegar bréfið barst Pattie.  „Ég skrifa þér þessa orðsendingu í þeim megintilgangi …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …

Stærstu hluthafar Play skuldbindu sig til að leggja flugfélaginu til 2,6 milljarða króna í nýtt hlutafé í byrjun síðustu viku en með þeim skilyrðum að hlutafjárútboðið myndi nema samtals fjórum milljörðum króna. Nú hefur félagið tryggt sér þá 1,4 milljarða sem upp á vantaði. Þetta kemur fram í tilkynningu. Þar segir að þessi hlutafjáraukning sé …

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …

Útgerðir skemmtiferðaskipa virðast bjartsýnar um að fólk sæki mjög í siglingar á árinu. Ferðaþorstanum eftir innilokun Covid 19-áranna hafi ekki enn verið svalað. Þá kjósi margir, sem á annað borð hafa efni á því, verja fleiri ferðadögum á friðsælu floti um heimsins höf fremur en að olnboga sig í gegnum manngrúa borga og vinsælla ferðamannastaða. …

Það voru keyptar 390 þúsund gistinætur á íslenskum gististöðum í janúar eða 13 prósentum færri en í janúar í fyrra. Næturnar núna voru álíka margar og í janúar 2019 en það var í mars það ár sem rekstur Wow Air stöðvaðist. Gisitnóttum útlendinga á skráðum gististöðum, stór hluti heimagistingarinnar fellur þar ekki undir, fækkaði um …

Lilja Dögg Alfreðsdóttir

Vinna við aðgerðaáætlun í tengslum við ferðamálastefnu Íslands til ársins 2030 er langt komin. Birt hafa verið í Samráðsgátt drög að tillögu til þingsályktunar og óskað umsagna. Það kemur síðan í hlut Alþingis að vinna úr tillögum sem orðið hafa til í víðtæku samráði hagaðila í ferðaþjónustu - og ákveða síðan hvert skal stefna. Þær …