Samfélagsmiðlar

Segir óljóst hvort Bretar geti ferðast innanlands í sumar eða til útlanda

Þrátt fyrir að Bretar séu komnir lengst Evrópuþjóða í bólusetningum þá vilja ráðamenn þar ekkert segja til um hvenær fólk getur ferðast innanlands á ný.

Frá Heathrow flugvelli í London.

„Ég get ekki svarað því ákveðið hvort við komumst í ferðalag á þessu ári, hvorki hér heima eða til útlanda,“ sagði Grant Shapps, samgönguráðherra Bretlands, í viðtali við Sky News fyrr í dag.

Hann bætti því við að eins og staðan er í dag geti enginn sagt til um hvernig heimsfaraldurinn þróast á næstunni. Vísaði ráðherra meðal annars til þeirra nýju afbrigða af COVID-19 sem komið hafa upp að undanförnu.

Samgönguráðherrann var líka í viðtali á BBC nú í morgun og þar beindi hann þeim tilmælum til Breta að bóka engar ferðir að svo stöddu. Það ætti bæði við um ferðalög innanlands og utan.

Breskir ráðamenn hafa verið harðlega gagnrýndir síðustu daga fyrir hertari aðgerðir við landamærin. Þannig geta íbúar Bretlands, sem segja ósatt um ferðir sínar til útlanda, átt yfir höfði sér allt að tíu ára fangelsisvist. Engar líkur eru þó taldar á því að nokkur fengi svo harðan dóm en Shapps samgönguráðherra segir heimildina þó vera til marks um alvarleika málsins.

Þeir Bretar sem snúa heim þessa dagana frá svokölluðum rauðum löndum, þar sem tíðni COVID-19 smita er há, þurfa í tíu daga sóttkví á vegum stjórnvalda. Farþeginn verður sjálfur að greiða allt að 1750 pund fyrir vistina. Það jafngildir um 311 þúsund íslenskum krónum.

Ísland er hins vegar skilgreint sem grænt land í litakóðunarkerfi Sóttvarnastofnunar Evrópu vegna kórónuveirufaraldursins. Og Icelandair flýgur þessa dagana tvær ferðir í viku til Heathrow flugvallar í London.

Nýtt efni

Fyrstu fimm mánuði ársins hefur verð á flugmiðum frá Íslandi til útlanda verið ódýrara en á sama tímabili í fyrra. Í maí lækkaði verðið um 5,7 prósent samkvæmt nýjum mælingum Hagstofunnar en til samanburðar hækkaði verðlag almennt um 6,2 prósent á milli ára. Verðmælingar Hagstofunnar ná til fleiri flugfélaga en þeirra íslensku en þau standa …

Þess hefur verið beðið að Framkvæmdastjórn Evrópusambandsins tilkynnti um refsitolla á innflutning kínverskra rafbíla. Kínversk stjórnvöld hafa verið sökuð um óeðlilega mikinn ríkisstuðning við innlenda framleiðendur og var þetta meðal umræðuefna í Evrópuferð forseta Kína nýverið. Ný tollheimta myndi þýða milljarða evra aukalegar álögur á kínverska rafbílaframleiðendur.  Xi-Jingping, forseti Kína - MYND: Britta Pedersen/dpa-Zentralbild/dpa/Alamy Nú …

Það er stundum margt um ferðamanninn á Skólavörðustíg og á Laugavegi. Einhverjir tuða vegna þessa, segjast vilja endurheimta miðborgina, en fleiri gera sér grein fyrir því að ferðamenn hafa glætt miðborgina nýju lífi. Það er svo annað mál að ferðamannafjöldi leiðir gjarnan til einhæfni í þjónustu: Ferðamannamenn í miðborginni - MYND: ÓJ Minjagripaverslunum fjölgar óhæfilega, …

Kynnisferðir hf. hagnaðist um rúmlega 1,3 milljarða króna á síðasta ári og tvöfaldaðist hann á milli ára. Tekjur félagsins námu 14,5 milljörðum króna og jukust um 30 prósent frá í fyrra. „Við erum afar stolt af þeim árangri sem náðist í rekstri félagsins á síðasta ári þrátt fyrir hátt vaxtastig og aðrar krefjandi ytri aðstæður. …

Joe Biden, Bandaríkjaforseti, og ríkisstjórn hans með Janet Yellen, fjármálaráðherra, fremsta í flokki, hafa nú kynnt fyrstu opinberu leiðbeiningarnar fyrir markað með kolefniseiningar þar í landi. Leiðbeininginum er ætlað auka líkurnar á því að kolefniseiningar sem ganga kaupum og sölum séu af nægilegum gæðum og að verkefnin sem liggi þeim til grundvallar skili raunverulegum árangri, …

„Fyrir þessa aðgerð voru rúmlega 800 manns í störfum sem ekki eru flugtengd og uppsagnirnar náðu eingöngu til þeirra," segir Bogi Nils Bogason, forstjóri Icelandair Group, en fyrirtækið samdi í dag um starfslok 82 starfsmanna. Uppsagnirnar náðu ekki til áhafna líkt og FF7 hafði áður greint frá. „Eins og við höfum sagt þá var árið …

Ráðuneyti viðskipta og sjávarútvegsmála í Noregi kynnti fyrir tveimur árum drög að frumvarpi um að þarlendir kjarasamningar og reglur um aðbúnað næðu líka til áhafna erlendra skipa sem færu um norska lögsögu. Litið yrði svo á að um leið og erlent skip færi inn fyrir norska lögsögu giltu um það sömu reglur og alla innlenda …

Fjárfestar lögðu Play til 4,6 milljarða króna í hlutafjárútboði félagsins sem lauk þann 11. apríl síðastliðinn. Í kjölfarið urðu töluverðar breytingar á hópi stærstu hluthafa félagsins. Nú er lífeyrissjóðurinn Birta stærsti einstaki hluthafinn en samanlagt fara sjóðir á vegum Íslandssjóða fyrir enn stærri hlut. Meðal nýrra stórra hluthafa er félag í eigu Einars Sveinssonar og …