Samfélagsmiðlar

Segir þörf á stjórnarmönnum með reynslu af lykilmörkuðum Icelandair

Forstjóri Ferðaskrifstofu Íslands sækist eftir sæti í stjórn Icelandair. Hún segist telja að allir nýju hluthafarnir í félaginu hljóti að vilja fólk með reynslu í stjórnina. Hún stendur fast á fyrri skoðun sinni um ferðaskrifstofurekstur Icelandair og gagnrýnir jafnframt að framkvæmdastjórar flugfélagsins sinni stjórnarstörfum í óskyldum rekstri.

Þórunn Reynisdóttir, forstjóri Ferðaskrifstofu Íslands, ætlar að bjóða sig fram til stjórnar Icelandair Group sem kjörin verður á aðalfundi félagsins þann 12. mars næstkomandi. Þórunn er þar með sjöundi frambjóðandinn en áður hefur tilnefninganefnd flugfélagsins lagt til að núverandi fimm manna stjórn verði endurkjörin. Steinn Logi Björnsson, fyrrum framkvæmdastjóri hjá Icelandair, er einnig í framboði.

„Eigendahópur Icelandair hefur gjörbreyst eftir hlutafjárútboðið og ég geri ráð fyrir að allir þessir nýju eigendur vilji fá reynslumikið fólk í viðspyrnuna og þess vegna býð ég fram,” segir Þórunn aðspurð um framboð sitt. Hún ætlar að óska eftir fundum með stærstu hluthöfum félagsins fyrir aðalfundinn og um leið kynna sig fyrir almennum hluthöfum.

Þórunn segist bera sterkar taugar til Icelandair og telji mikilvægt að félagið nái í eins mikla þekkingu og reynslu og hægt er fyrir komandi viðspyrnu. „Öll flugfélög mun berjast um athyglina og þá er eins gott að í brúnni sé fólk sem þekki vel til helstu markaða félagsins.” 

Þórunn vísar þar til rúmlega þrjátíu ára reynslu sinnar af störfum í ferðageiranum og þar af í aldarfjórðung hjá Icelandair. Hún var um tíma stöðvarstjóri Icelandair á Kastrup í Kaupmannahöfn, hótelstjóri Hótel Loftleiða í þrjú ár og stýrði síðar sölumálum Hertz bílaleigunnar um sex ára skeið sem þá var í eigu Icelandair. 

Frá árinu 2015 hefur Þórunn verið forstjóri Ferðaskrifstofu Íslands en áður var hún markaðsstjóri Iceland Express, forstjóri ferðaskrifstofunnar Destination Europe í Bandaríkjunum í sex ár og eigandi Avis bílaleigunnar á Íslandi.

Nýverið gagnrýndi Þórunn harðlega að stjórnendur Icelandair ætluðu áfram að reka ferðaskrifstofuna Vita og þá í samkeppni við Ferðaskrifstofu Íslands og fleiri innlendar ferðaskrifstofur. Spurð hvort ekki sé hætta á hagsmunaárekstrum vegna starfa hennar hjá keppinaut Vita þá bendir Þórunn á að stærsti hluti tekna Icelandair komi frá erlendum mörkuðum og sérstaklega í Bandaríkjunum þaðan sem hún hafi mikla reynslu. Á þeim markaði hafi hins vegar verið gerð stór mistök að hennar mati.

Þórunn undirstrikar að hún telji sem fyrr að Icelandair eigi að fyrst og fremst að einbeita sér að flugrekstri. Hún gagnrýnir jafnframt að hluti æðstu stjórnenda Icelandair sitja í stjórnum fyrirtækja í óskyldum rekstri, til að mynda orkufyrirtækjum. Það fyrirkomulag segir Þórunn óskiljanlegt.

Þórunn bauð sig einnig fram til stjórnar Icelandair fyrir aðalfund fyrirtækisins í mars 2019 en var ekki kjörin.

Nýtt efni

Sauðfjársetrið var stofnað árið 2002 af heimamönnum og hefur vaxið og dafnað í þeirra umsjá allar götur síðan. Nýverið hlaut það tilnefningu til Íslensku safnaverðlaunanna fyrir samfélagslegra nálgun í safnastarfi. Í umsögn með tilnefningunni segir meðal annars að hér sé um að ræða mikilvæga og öfluga menningarstofnun sem hafi gríðarmikið gildi fyrir samfélagið á Ströndum. …

Unnið er að því á flugvellinum í Nice á Côte d´Azur að rafvæða alla starfsemi hans með 4 milljóna evra fjárstuðningi frá Evrópusambandinu. Er verkefnið liður í loftslagsstefnu sambandsins. Allar flugvélar í stæði eiga að fá aðgang að raforku sem unnin er með endurnýjanlegum hætti. Settar verða upp um 70 tengistöðvar í þessu skyni. Á …

Nýja-Sjáland var á meðal þeirra ríkja sem fylgdu hörðustu lokunarstefnunni á meðan Covid-19 geisaði. Nú vilja stjórnvöld þar blása meira lífi í ferðaþjónustu á landinu og helst utan vinsælasta tímans sem er nýsjálenska sumarið - frá desemberbyrjun til febrúarloka, þegar dagarnir eru langir og sólríkir og nætur mildar.  Ferðaþjónusta er einn helsti atvinnuvegur Nýja Sjálands …

Talsmenn þýsku sambandsstjórnarinnar staðfestu í dag að hún væri að leita lausnar á viðskiptadeilu Evrópusambandsins og Kína. Það fæli væntanlega í sér að boðuð hækkun verndartolla um allt að 38,1 prósent nái fram að ganga. Það er ekki umhyggja fyrir kínverskum hagsmunum sem ræður afstöðu þýskra stjórnvalda heldur vilja þau vernda hagsmuni stórfyrirtækja í eigin …

Schiphol-flugvöllur við Amsterdam er meðal fjölförnustu flugvalla Evrópu og hefur umferðin um hann lengi verið umdeild meðal íbúa. Umfangi flugvallarins, hávaða frá honum og mengun, hefur ítrekað verið mótmælt og brugðist hefur verið við með því að setja takmarkanir á þjónustutíma og fjölda véla sem um hann fara. Schiphol er þó og verður áfram ein …

Verulega hefur dregið úr magni ósoneyðandi gastegunda í andrúmsloftinu og þykir núna nokkuð ljóst, samkvæmt nýrri rannsókn, að hið alþjóðlega átak um að bjarga ósonlaginu hafi tekist framar vonum.  Margir sem komnir eru á miðjan aldur muna eftir brúnaþungum sjónvarpsfréttamönnum segja frá válegum tíðindum af ósonlaginu á níunda og tíunda áratugnum, inni á milli lagstúfa …

Á meðan franskir og spænskir bílaframleiðendur þrýstu á um að Evrópusambandið brygðist hart við meintum óðeðlilega miklum ríkisstuðningi Kínverja við rafbílaframleiðslu sína og hækkuðu verndartolla vöruðu þýskir keppinautar þeirra við því að slegið gæti í bakseglin: Gríðarlega mikilvægur markaður í Kína gæti lokast að verulegu leyti. Um þriðjungur af sölutekjum Mercedes Benz, BMW og Volkswagen …

Óhætt er að segja að það kosti Hlyn Guðjónsson, sendiherra Íslands í Ottawa, mikil ferðalög að sinna íslenskum hagsmunum í Kanada, sem er næst víðfeðmasta land heimsins. Sendiráð Íslands er hinsvegar lítið, starfsmenn aðeins þrír - Hlynur og tveir staðarráðnir. Nýlega var Hlynur staddur í Halifax, höfuðborg Nova Scotia. Það tekur um tvo tíma að …