Samfélagsmiðlar

Stjórnarmaður Icelandair fékk stuttan tíma í Ástralíu

Hinn bandaríski John Thomas er einn þeirra sjö sem er í framboði til stjórnar Icelandair samsteypunnar. Hann telur að stjórnarmenn ættu að fá umboð í lengri tíma en eitt ár í einu. Það er þó ekki vaninn hjá hinum norrænu flugfélögunum.

Bandaríkjamaðurinn John Thomas tók sæti í stjórn Icelandair Group á aðalfundi félagsins í mars í fyrra líkt og tilnefningarnefnd fyrirtækisins hafði lagt til. Nefndin mælir með að umboð núverandi stjórnar verði endurnýjað á næsta aðalfundi sem fram fer eftir tvær vikur. Nú eru hins vegar komin fram tvö mótframboð, frá Steini Loga Björnssyni og Þórunni Reynisdóttur.

Þar með er Thomas ekki öruggur með endurkjör og í viðtali við Viðskiptablaðið í gær lýsir hann furðu sinni á þeim tímamörkum sem gilda um stjórnarsetuna. „Það er örlítið sérstakt að vera aðeins kjörinn til eins árs í senn,“ segir Thomas í viðtalinu og bendir á að í flestum stjórnum erlendis sé skipunin til fimm ára í senn.

Stjórnarmenn SAS og Finnair eru hins vegar aðeins kjörnir í eitt ár í einu samkvæmt upplýsingum frá flugfélögunum tveimur.

Og það má rifja upp að fyrrnefndur Thomas stoppaði ekki lengi hjá flugfélaginu Virgin Australia á sínum tíma. Þar tók hann við sem aðstoðarforstjóri í september 2016 en lét af störfum tíu mánuðum síðar líkt og Túristi hefur áður fjallað um.

Í frétt Sydney Morning Herald, í júní 2017, sagði að stjórn Virgin flugfélagsins hafi sannfærst um að Thomas væri ekki rétti maðurinn í starfið. Í fréttinni er bent á að Bandaríkjamaðurinn hafi mikla reynslu af ráðgjafastörfum í fluggeiranum en litla sem stjórnandi.

Nýtt efni

Kínverjar eru leiðandi í smíði rafbíla, sem taldir eru mikilvægir vegna nauðsynlegra orkuskipta í samgöngum. Hinsvegar er Kína enn mjög háð brennslu kola, nærri 60% rafmagns í landinu er framleitt með kolum og það er enn verið að auka kolanám í landinu. Auk þess sem flutt er inn mikið af olíu og gasi. Jafnhliða er …

Það vour 1.299 bílar skráðir nýir á götuna hér á landi fyrstu þrjár vikurnar í júní og þar af 986 á vegum bílaleiga. Það jafngildir því að 24 prósent nýrra ökutækja fór til einstaklinga en á sama tíma í fyrra var hlutfallið 38 prósent samkvæmt tölum Bílgreinasambandsins sem ná til 23. júní. Þessar fyrstu þrjár …

Það voru þrjú norræn alþjóðaflugfélög sem hófu flugrekstur í Covid-faraldrinum. Hér á landi var það Play en Flyr og Norse í Noregi. Öll þrjú leigðu árið 2021 þotur á lægra verði en áður hafði þekkst og efndu til hlutafjárútboða meðal fagfjárfesta og almennings. Í byrjun síðasta árs varð Flyr gjaldþrota en rekstur þess byggði á …

Ein árangursríkasta loftslagsaðgerð síðari ára á Íslandi er líklega sú að banna urðun lífræns úrgangs. Þetta bann tók gildi í upphafi árs 2023 og árangurinn hefur ekki látið á sér standa. Smám saman hafa jákvæðar tölur verið að berast, sem gefa tilefni til bjartsýni. Það er semsagt hægt að ná árangri í loftslagsmálum, þótt margir …

Barselóna er ein vinsælasta ferðamannaborg Evrópu en óþol íbúa vegna ágangsins hefur farið vaxandi á síðustu árum - ekki síst vegna húsnæðisvanda ungs fólks sem ekki getur keppt við ferðaþjónustuna í leiguverði. Fyrri borgaryfirvöld hættu útgáfu nýrra leyfa til útleigu og lokað mörgum ferðamannaíbúðum en nú eru í farvatninu enn meiri breytingar. Airbnb og öðrum …

Í Svíþjóð kalla sumarsólstöður, eða Midsommar, á mikil hátíðarhöld þar sem síld og snaps hafa lengstum verið í aðalhlutverki. Sölutölur sænskra kaupmanna sýna þó að vinsældir síldarinnar dala ár frá ári og nú er svo komið að salan hefur helmingast frá árinu 2008. Frá þessu greinir Sænska ríkisútvarpið. Skýringin á þessari þróun liggur í bragðlaukum …

Ferðahópur á Þingvöllum

Alþingi hefur samþykkt tillögu til þingsályktunar, sem ferðamálaráðherra lagði fram í apríl, um ferðamálastefnu og aðgerðaáætlun til 2030. Öðlast þingsályktunin þegar gildi en mótun stefnunar var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira …

Ásgeir Baldurs, framkvæmdastjóri Arctic Adventures

Arctic Adventures er eitt stærsta fyrirtæki landsins í ferðaþjónustu og hefur verið að stækka starfssvið sitt, síðast með kaupum á Special Tours, sem sinnir skoðunarferðum á slóðum hvala og lunda, auk þess að reka Hvalasafnið (Whales of Iceland) í Reykjavík.  Ásgeir Baldurs tók við starfi forstjóra Arctic Adventures fyrir rúmu ári, þegar margir bundu vonir við …