Samfélagsmiðlar

Svarar Icelandair með því taka út Chicago?

SAS hefur fellt niður flug sitt til Boston í sumar en þangað hóf félagið að fljúga eftir að Icelandair snéri aftur til Chicago. Nú er að sjá hvort síðarnefnda borgin verði ein þeirra sem hverfur úr leiðakerfi Icelandair. Samstarf flugfélaganna tveggja á sér langa sögu.

chicago 2

Icelandair flaug til Chicago á fimmtán ára tímabili, frá 1973 til 1988. Árið 2016 hóf félagið svo að fljúga þangað á ný og fékk um leið samkeppni frá SAS í Boston.

Icelandair tók upp þráðinn í flugi til Chicago í mars 2016 en þangað höfðu þotur félagsins þá ekki flogið í 28 ár. Bandaríska borgin var nefnilega tekin af dagskrá flugfélagsins sumarið 1988 þegar stjórn þess ákvað að leggja meiri áherslu á ferðir til Evrópu í stað Norður-Ameríku.

Með brotthvarfi Icelandair varð SAS eina norræna flugfélagið með heilsársflug til Chicago. Á sama hátt og Icelandair fékk frið fyrir flugfélögum frændþjóðanna í Boston.

Túlkaður sem mótleikur við útspili Icelandair

Þegar landvinningar Wow air hófust í Bandaríkjunum árið 2015 þá boðaði Icelandair komu sína til Chicago á ný. Og ekki liðu nema nokkrir mánuðir þar til SAS hóf sölu á farmiðum til Boston. Á sama tíma batt SAS enda á tveggja áratuga hlé á ferðum sínum til Keflavíkurflugvallar frá Kastrup.

Innan raða Icelandair var þetta útspil SAS túlkað af sumum sem mótleikur við þeirri ákvörðun Icelandair að hefja flug Chicago á ný.

Kom stjórnendum SAS ekki á óvart

Simon Pauck Hansen, þáverandi yfirmaður leiðakerfis SAS, vildi þó ekki gera mikið úr þessu í viðtali við Túrista á sínum tíma. Hann sagði að ákvörðun Icelandair um að hefja flug til Chicago hafi ekki komið sér á óvart.

„Chicago er stórborg og staðsetning hennar hentar flugflota Icelandair vel. Það var algjör tilviljun að við kynntum flugið til Boston og Keflavíkurflugvallar á sama degi en ég get skilið að sumir sjái þetta með öðrum hætti,” sagði Simon Pauck Hansen, í viðtali við Túrista. Hann bætti því við að hann teldi samstarf SAS og Icelandair eiga sér góða framtíð.

Þess má geta að Hansen er í dag talinn líklegur arftaka Rickard Gustafsson á forstjórastóli SAS.

Í síðustu viku tóku felldi SAS niður allt flug sitt til Boston í sumar. Félagið ætlaði sér stóra hluti í flugi til borgarinnar á splunkunýjum Airbus A321LR þotum.

Verða líklega að fækka ferðunum til Bandaríkjanna

Á sama tíma má ljóst vera að sumaráætlun Icelandair, eins og hún lítur út í dag, er of umsvifamikil. Sérstaklega þegar kemur að flugi til Bandaríkjanna enda ennþá óljóst hvenær opnast fyrir ferðalög þaðan inn á Schengen svæðið. Af þeim sökum er ekki ólíklegt að Icelandair neyðist til að gera hlé á flugi sínu til nokkurra áfangastaða vestanhafs. Og þar er Chicago líklegur kandídat ásamt Denver og Newark flugvelli við New York.

Flestir farþegar Icelandair fljúga nefnilega frá Boston, JFK flugvelli í New York, Seattle og Washington borg. Í ferðirnar til þessara borga verður því vafalítið haldið í eins lengi og hægt er.

Nýtt efni

Sauðfjársetrið var stofnað árið 2002 af heimamönnum og hefur vaxið og dafnað í þeirra umsjá allar götur síðan. Nýverið hlaut það tilnefningu til Íslensku safnaverðlaunanna fyrir samfélagslegra nálgun í safnastarfi. Í umsögn með tilnefningunni segir meðal annars að hér sé um að ræða mikilvæga og öfluga menningarstofnun sem hafi gríðarmikið gildi fyrir samfélagið á Ströndum. …

Unnið er að því á flugvellinum í Nice á Côte d´Azur að rafvæða alla starfsemi hans með 4 milljóna evra fjárstuðningi frá Evrópusambandinu. Er verkefnið liður í loftslagsstefnu sambandsins. Allar flugvélar í stæði eiga að fá aðgang að raforku sem unnin er með endurnýjanlegum hætti. Settar verða upp um 70 tengistöðvar í þessu skyni. Á …

Nýja-Sjáland var á meðal þeirra ríkja sem fylgdu hörðustu lokunarstefnunni á meðan Covid-19 geisaði. Nú vilja stjórnvöld þar blása meira lífi í ferðaþjónustu á landinu og helst utan vinsælasta tímans sem er nýsjálenska sumarið - frá desemberbyrjun til febrúarloka, þegar dagarnir eru langir og sólríkir og nætur mildar.  Ferðaþjónusta er einn helsti atvinnuvegur Nýja Sjálands …

Talsmenn þýsku sambandsstjórnarinnar staðfestu í dag að hún væri að leita lausnar á viðskiptadeilu Evrópusambandsins og Kína. Það fæli væntanlega í sér að boðuð hækkun verndartolla um allt að 38,1 prósent nái fram að ganga. Það er ekki umhyggja fyrir kínverskum hagsmunum sem ræður afstöðu þýskra stjórnvalda heldur vilja þau vernda hagsmuni stórfyrirtækja í eigin …

Schiphol-flugvöllur við Amsterdam er meðal fjölförnustu flugvalla Evrópu og hefur umferðin um hann lengi verið umdeild meðal íbúa. Umfangi flugvallarins, hávaða frá honum og mengun, hefur ítrekað verið mótmælt og brugðist hefur verið við með því að setja takmarkanir á þjónustutíma og fjölda véla sem um hann fara. Schiphol er þó og verður áfram ein …

Verulega hefur dregið úr magni ósoneyðandi gastegunda í andrúmsloftinu og þykir núna nokkuð ljóst, samkvæmt nýrri rannsókn, að hið alþjóðlega átak um að bjarga ósonlaginu hafi tekist framar vonum.  Margir sem komnir eru á miðjan aldur muna eftir brúnaþungum sjónvarpsfréttamönnum segja frá válegum tíðindum af ósonlaginu á níunda og tíunda áratugnum, inni á milli lagstúfa …

Á meðan franskir og spænskir bílaframleiðendur þrýstu á um að Evrópusambandið brygðist hart við meintum óðeðlilega miklum ríkisstuðningi Kínverja við rafbílaframleiðslu sína og hækkuðu verndartolla vöruðu þýskir keppinautar þeirra við því að slegið gæti í bakseglin: Gríðarlega mikilvægur markaður í Kína gæti lokast að verulegu leyti. Um þriðjungur af sölutekjum Mercedes Benz, BMW og Volkswagen …

Óhætt er að segja að það kosti Hlyn Guðjónsson, sendiherra Íslands í Ottawa, mikil ferðalög að sinna íslenskum hagsmunum í Kanada, sem er næst víðfeðmasta land heimsins. Sendiráð Íslands er hinsvegar lítið, starfsmenn aðeins þrír - Hlynur og tveir staðarráðnir. Nýlega var Hlynur staddur í Halifax, höfuðborg Nova Scotia. Það tekur um tvo tíma að …