Samfélagsmiðlar

Telja fyrirsjáanlegt að sum fyrirtæki komist ekki í gegnum faraldurinn án aðstoðar eða uppstokkunar

Stærri hluti útlána Arion banka til ferðaþjónustufyrirtækja er talinn áhættusamari en áður. Fasteignaveð eru stór hluti þeirra trygginga sem bankinn hefur fyrir lánveitingunum.

Ferðamenn við Námaskarð.

Niðurfærsla útlána Arion banka til ferðaþjónustufyrirtækja nemur fimm og hálfum milljarði króna á síðasta ári. Bókfært virði lána til atvinnugreinarinnar nam því 73 milljörðum kr. í lok síðasta árs samkvæmt nýju uppgjöri bankans fyrir árið 2020.

Virðisrýrnun lána Íslandsbanka til ferðaþjónustufyrirtækja í fyrra nam aftur á móti sjö milljörðum króna. Útistandandi lán Íslandsbanka námu þar með 94 milljörðum króna í lok síðasta ár. Hlutfallslega er niðurfærslan álíka hjá bönkunum tveimur eða um sjö prósent

Líkt og Íslandsbanki þá flokkar Arion banki útlán sín eftir áhættuflokkum og stærri hluta af útlánum til ferðaþjónstunnar eru metin áhættusamari en í fyrra.

Þegar spurt er hvort starfsmenn Arion banka finni fyrir aukinni þörf ferðaþjónustufyrirtækja, fyrir frekari fyrirgreiðslur eða fjárhagsaðstoð, þá er segir í svari bankans að þessir aðilar séu í ákveðinni biðstöðu.

„Þeir hafa ákveðna fjármuni upp á að hlaupa en fyrirsjáanlegt að einhverjir komast ekki í gegnum kófið án aðstoðar eða uppstokkunar og til að mæta því hefur bankinn fært niður 5,5 milljarða króna, miðað við stöðuna í árslok,“ segir í svari bankans við fyrirspurn Túrista.

Þar er jafnframt bent á að tryggingar fyrir lánum liggi að miklu leyti í fasteignaveðum og einnig séu aðrar tryggingar fyrirliggjandi.

Nýtt efni

Það voru þrjú norræn alþjóðaflugfélög sem hófu flugrekstur í Covid-faraldrinum. Hér á landi var það Play en Flyr og Norse í Noregi. Öll þrjú leigðu árið 2021 þotur á lægra verði en áður hafði þekkst og efndu til hlutafjárútboða meðal fagfjárfesta og almennings. Í byrjun síðasta árs varð Flyr gjaldþrota en rekstur þess byggði á …

Ein árangursríkasta loftslagsaðgerð síðari ára á Íslandi er líklega sú að banna urðun lífræns úrgangs. Þetta bann tók gildi í upphafi árs 2023 og árangurinn hefur ekki látið á sér standa. Smám saman hafa jákvæðar tölur verið að berast, sem gefa tilefni til bjartsýni. Það er semsagt hægt að ná árangri í loftslagsmálum, þótt margir …

Barselóna er ein vinsælasta ferðamannaborg Evrópu en óþol íbúa vegna ágangsins hefur farið vaxandi á síðustu árum - ekki síst vegna húsnæðisvanda ungs fólks sem ekki getur keppt við ferðaþjónustuna í leiguverði. Fyrri borgaryfirvöld hættu útgáfu nýrra leyfa til útleigu og lokað mörgum ferðamannaíbúðum en nú eru í farvatninu enn meiri breytingar. Airbnb og öðrum …

Í Svíþjóð kalla sumarsólstöður, eða Midsommar, á mikil hátíðarhöld þar sem síld og snaps hafa lengstum verið í aðalhlutverki. Sölutölur sænskra kaupmanna sýna þó að vinsældir síldarinnar dala ár frá ári og nú er svo komið að salan hefur helmingast frá árinu 2008. Frá þessu greinir Sænska ríkisútvarpið. Skýringin á þessari þróun liggur í bragðlaukum …

Ferðahópur á Þingvöllum

Alþingi hefur samþykkt tillögu til þingsályktunar, sem ferðamálaráðherra lagði fram í apríl, um ferðamálastefnu og aðgerðaáætlun til 2030. Öðlast þingsályktunin þegar gildi en mótun stefnunar var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira …

Ásgeir Baldurs, framkvæmdastjóri Arctic Adventures

Arctic Adventures er eitt stærsta fyrirtæki landsins í ferðaþjónustu og hefur verið að stækka starfssvið sitt, síðast með kaupum á Special Tours, sem sinnir skoðunarferðum á slóðum hvala og lunda, auk þess að reka Hvalasafnið (Whales of Iceland) í Reykjavík.  Ásgeir Baldurs tók við starfi forstjóra Arctic Adventures fyrir rúmu ári, þegar margir bundu vonir við …

Kínversku bílaframleiðendurnir BYD og SAIC, sem er eigandi framleiðslufyrirtækis MG-rafbílana vinsælu, hafa ekki ákveðið enn hvort verð á rafbílum sem seldir verða í Evrópu eftir 4. júlí hækka í verði. Þá tekur gildi umtalsverð hækkun tolla á kínversku rafbílana. Samkvæmt heimildum Reuters verður engin verðbreyting ákveðin fyrir þann tíma. Evrópusambandið ákvað að tollur á MG-bílum …

Gengi hlutabréfa í Norwegian féll í gærdag eftir að greinendur norska bankans DNB færðu niður verðmat sitt á félaginu úr 19 norskum krónum á hlut niður í 17 kr. Hið nýja verðmat var engu að síður 30 prósent yfir markaðsgenginu, 14 norskar kr., en engu að síður féll gengið um tíu prósent í gær og …